爸爸節嘅周末+特別事

June 19, 2010 (Saturday)
    我Daddy and 媽咪坐完郵輪返黎加拿大啦!! 而且, 又適逢係父親節周末. 咁我and Brian 當然全天候坐在娘家同屋企人過依個周末啦!!

   咁我Daddy 係超傳統人. 感覺女仔係應該坐在家. 有拖拍就叫埋個男朋友黎娘家坐. 總之, 出街便是壞份子啦!! 所以, 我都無計, 叫啲妹盡量配合囉!! 講真, 唔係個個現代人都做到依關架!!

  提早食父親節飯 or 邊個得閒就同Daddy 食咗父親節飯先......依啲咁嘅情況, 係無可能係我屋企發生. 因為, 我Daddy要正日見全家總動員坐在飯臺上食飯才算數的!!

   不過今年, 有樣野, 我感覺好Thanksful, 就係啲妹終於都大個啦!! 可以請Daddy 食父親節飯, 已經唔洗我同Brian餐餐飯都請啦!! 不過, 無計啦!!我係屋企最大, 最早出黎做野, 就咩都要附上責任!! 咁我啲妹嘅年齡又同我相隔一段距離嗎!! 係咁架啦!! 所以, 我往年返娘家前, 都需要去一去銀行架!

  今年, 父親節, Daddy 係加拿大, 所以, 父親節飯由星期六便開始. 真係餐餐飯, 都全家總動員+我們的另一半一齊食!! 真係好大排人架!! 而且, 還以中菜為主, 因為Daddy 只喜歡食中菜.  

↓由於, 太多人, 唔好意思每蝶食物都叫個侍應唔好分住, 比我影相先. 所以, 我只係影咗部分食物相咋! (依餐係星期六June 19 當天嘅dinner, 頭盤係片皮鴨and 唔知咩湯)
op

↓仲有龍蝦

opo

↓由於, 四妹男朋友渣電單車, 所以, 星期六(June 19)食完dinner, Brian就同四妹男朋友係我娘家門口玩電單車. (係呀!! 玩都唔離開得娘家太遠.)

op

↓而阿五妹, 父親節前大學畢業啦!! 但她畢業禮當天正值下午時份, 我無機會去到!! 所以, 同五妹係娘家, 抱住她啲畢業禮物影張相, 補數囉!! (有時, 我唔明點解畢業要抱住啲公仔畢業, 因我感覺畢業抱and 畢業帽, 都唔太襯公仔嘅!! 但現代人就會咁做, 可能依代人興啦!)

op

------------------------------------------------------------------
June 20, 2010 (Sunday)   去咗某間酒店嘅中餐部, 飲父親節茶, 我同Brian一早訂定位架啦!! 所以, 去到就有張大臺等我哋坐啦!!

   依間飲茶地方, 已經黎過數次, 啲點心好特別, 有啲點心需要逐粒叫, 啲小食又多, 每樣食物都可以share, 所以, 都幾啱一大排人去食架!
 
   不過, 係一定要食中餐嘅情況下, 又要岩啲妹嘅胃口,    (因為現在班後生, 又要食特式小食, 又唔想傳統飲茶feel, 又要裝飾有啲新潮),我覺依間飲茶地方, 已經啱晒全家大大細細嘅口味啦!!而且, 全家人+我們另一半一齊食喎, 啱晒Daddy要求啦, 希望Daddy 係父親節感覺開心啦!

↓睇食物相, 好似唔似飲茶, 因好少見到一籠籠點心, 哈哈~.....我哋其實都有叫傳統點心架!! 但我無時間影, 求其影兩張算數啦!! 

opop

---------------------------------------------------------------特別事:

  不過, 依餐茶, 我哋遇上一件好特別嘅事, 我哋覺係我哋用餐張臺附近間貴賓房好奇怪. 門口有位唔係酒樓啲人把守住, 每次點心姐姐想攞食物入去, 貴賓房門口個把守人員, 會馬上關門,好似好神秘咁.

  點知, 三妹眼利, 係貴賓房開關門個舜間, 三妹就話: 「我見到梁洛詩呀!」 點知, 貴賓門越開越多次, 送食物. 我就見到:「李擇揩啦!! 」連其他妹都開始見到啦!!

  見到「李先生」大腿上, 時常緊抱住一位小男童, 我相信這位男童便是「李先生」的兒子了!! 都幾錫個小朋友吖!!成餐都有Daddy 照顧住. 反而, 我覺「梁小姐」無我想像中瘦. 唔通真係雜誌中, 話她大緊肚??

  平時, 係電視 and 雜誌見到嘅名人, 竟然, 離我咁近嘅範圍出現, 感覺有點特別. 而且, 依間酒店嘅中菜部, 唔算咩高尚地方, 但都見到啲雜誌上名人, 講真, 我見到這批名人. 我都有少少驚訝架!!

   我還同阿妹講笑, 不如我哋嗱嗱聲上酒店book間房, 借酒店個電腦打自己履曆, print 埋之後, 就攝張履曆係貴賓房門隙, 可以返香港跟「李先生」揾食嗎!! 哈哈!

   而講開名人, 名星, 原來我媽咪and Daddy坐遊輪時, 見到「樂基兒」, 大家係同一架遊輪架! 而且, 我媽咪話「樂基兒」比雜誌瘦好多架!! 個人都好nice添!!