July 1 加拿大國慶, 零零丁丁, 係一星期中間放一日公眾假期. 放得一日, 之後果日, 又要返番工, 咁即係....去又唔去得遠啦!! 玩又唔會特別玩太盡啦!!.............. 是但啦!! 好過無得放啦!!
近排,成個人好無心機寫blog, 成個人唔想掂部電腦. 就咁坐係張梳化度睇電視, 只係最鐘意係走去沖涼.......哈哈!! 係咁架啦!! 每個月實會有幾日我係會咁!!
依論真係好心歸, 雖係放假, 但唔想出街, June 30放工之後, Brian好乖呀!!自己一放工, 就走去Market買餸. 唔洗我動勞, 舒服好多.
↓June 30 晚餐---雞肝+鴨腿+Gnocchi,仲有紅酒 0
July 1, 一起身, 行咗落樓下食早餐, 估唔到一朝早咁多人食早餐, 啲人仲着到好愛國, 着到紅當檔....真係慶祝加拿大生日喎!!!!
我真係好心歸, 我完早餐,就返屋企啦!! 咁啱又無世界杯.....所以, 就係屋企煲chinese電視劇啦!! 早排, 聽三妹講, 香港有齣電視劇, 裡面個男主角嘅個性好似Brian喎!! 所以, 趁機放一日假, 咪追下套劇集, 睇下係咪真囉!!哈哈~~~
睇足成日香港電視劇.....原來部電視劇嘅男主角嘅個性, 又真係幾似---Brian喎!! 攪到邊睇邊笑添!!!!哈哈~~
而晚餐, 好求其係屋企食咋!! 咁屋企得早餐材料咋!! 所以, 煮早餐當晚餐食囉!! 而且, Brian 又有興致煮, 我咪坐係梳化咪等食囉!! 我都唔知幾開心!! 坐係度就有得食!!!
依個, 一日公眾假期, 都幾舒服.......食下野, 睇下電視又一日咯!!
↓早餐.......................................................為應節, 買咗個加拿大donut, 但唔好食架!0
↓依餐係Brian整比我食嘅晚餐黎架! 唔好以為依張相影到好光咁, 有個錯覺係食早餐, 其實, 係因為屋企得早餐料咋!! 又因為依家日光時間長, 夜晚8pm 太陽仲未落山! 齋望幅相, 我都覺, "幾似食早餐喎!", 哈哈~0
↓食晚餐時, 見到電視新聞......英女王係加拿大慶祝加拿大日呀!!! 英女王 and 加拿大總理齊齊望住加拿大升旗禮呀!!0
1/7係你哋既canada day.....亦都係我哋香港既回歸日.....我哥佢哋都話唔鍾意咁樣放假....所以2個都拎埋星期五既假....盡情玩....嘿嘿....
ReplyDelete原來你哋都有日光時間....之前perth都有架.....超唔慣囉!!!!平時睇天做人....見黃昏就開始慢慢煮飯....試過有1次我真係冇睇鐘....睇天色煮飯.....而且我又係唔識餓既人.....當我煮好既時候....大Pooh已經餓死咗.....哈哈!!!!
[版主回覆07/09/2010 09:04:00]開心幸福Pooh ~我份工放假需要早點申請, 而且, 我令願放聖誕假, 所以, 我無特別請星期五(July 2)呀!! ~係囉!! 又會甘岩, 加拿大國慶, 又係香港回歸日, 我對依個日子真係百感交集!! 如果香港唔係有97回歸依個問題,我都唔洗黎依邊啦!! ~我覺澳洲同加拿大都幾相似, 係某段時間, 都係特別多日光時間, 我初初黎加拿大都唔慣, 係夏天會咁遲先落山. 食晚飯時仲比猛烈太陽照住黎食!! 哈哈~~ ~ 但你又幾好笑,睇日光做人, 唔怪之得, 大Pooh差啲餓死啦!!哈哈!!
hi, 好耐無嚟啦~~~諗唔起邊齣電視劇添, 俾d tips啦~~ 我都一樣好求其, 唔想煮又唔想去街, 但你係咪某d日子先係咁, 過左就又想出街呀?
ReplyDelete[版主回覆07/09/2010 09:04:00]細細粒: ~真係好耐無見!!你點呀?? ~齣電視劇係叫做---談情說案呀!! ~唔知呀!!近排天氣太熱啦!! 出街又唔想同人迫, 所以, 近來好心歸,時常留係屋企囉!! 真係無咪必要都唔想出去!!留得多係屋企又覺幾舒服架!!哈哈~
hardly see you eat veggies wor......
ReplyDelete[版主回覆07/09/2010 09:04:00]Bobo de Licious: 我早排無咩心機嗎!! 所以, 買餸依方面, 就係Brian代勞囉!! 咁Brian唔喜歡食veggies, 所以, 到他買餸時, 就唔會買veggies囉!! 但我屋企長期都有水果食, 所以, 無veggies 日子就食多點水果囉!!
個白色圏圏好 CUTE 呀! 貼滿晒一粒粒 maple 仔, 好應節呀! July 4 右到美國國慶喇! yeah!
ReplyDelete[版主回覆07/09/2010 09:04:00]小水怪: ~果個白色圈圈唔好食架!得個樣咋!! 係見到Canada day 個圈圈又有咁多楓葉形狀, 咪買黎應節囉!!! ~係呀!! 你哋今年July 4星期日係國慶, 咁星期一係咪有補假呀?? 咁咪放咗個long weekend 囉!!
得閒係屋企休息下幾好呀, 休閒! 最近HK天氣十分之炎熱, 最高成33C, 無咩特別事我都唔出街.
ReplyDelete隻Kitty碟好靚呀, 對住佢食心情都真係好D =)
[版主回覆07/09/2010 10:03:00]Florachk ~而家越黎越喜歡 "痴" 家, 可能又因為熱啦!! 唔知係咪地球真係好污染啦!! 周圍都好熱, 我近排依邊都好熱, 計埋濕度都成47℃好得人驚呀!! ~比你留意到隻hello kitty 蝶添!! 哈哈!! 我好鐘意依隻Hello kitty蝶架!!用時份外醒神架!! 不過, 加拿大真係越黎越少Hello kitty 碗蝶啦!! 攪到我要上網買!!!
Happy Canada Day!!!!!
ReplyDelete[版主回覆07/09/2010 10:03:00]表叔公: 多謝晒!!我國慶時, 你就回歸日, 大家齊齊有假放!!哈哈!!
係啊, 今年零零丁丁星期四有一日假期 ... 於是我上星期五 take 左日 day off, 有個 extra long week-end 呢!
ReplyDelete聽講有人提議將 Canada Day 假期改去星期一或五, 咁就可以係 long week end ... 不過我諗政府未必會咁做啫 ...
[版主回覆07/09/2010 10:03:00]Wedy: ~又幾好喎!!比你係依日有day off, 變咗extra long weekend. 我就令願將自己啲假, 係聖誕節先放, 所以, 我係平時, 好少請假架!! ~點可以將Canada day 改去星期一or 星期五架!! 咁Canada day明明係July 1嗎!! 點可以迫住係星期一or 星期五架!!啲上班一族, 真係恨放假, 放得咁強熱...哈哈!! 其實, 有一日假放, 好過無假放啦!!哈哈~~
Stay home is the most comfortable !
ReplyDelete[版主回覆07/09/2010 10:06:00]Happy girl 係呀!! 講得無錯!! 坐係屋企好舒服架!!由其事現在太熱啦!! 留係屋企係最好選擇添!!
真係羨慕係屋企唔駛煮有得食！！我都係Toronto 住過４年，夏天日超長，夜超短嘅日子，諗番覺得勁得意！
ReplyDelete[版主回覆07/09/2010 10:06:00]小花媽: ~唔洗羨慕我唔洗煮有得食, 我都唔係成日有依個享受架!!哈哈!! ~原來你係多倫多居住過架!!而家返咗香港?? 有時, 我仲羨慕你依哋依啲有勇氣返香港啲人!!! 講真, 如果有得選擇, 我都唔想留係度!!!
好幸福呀.......有人煮埋係食.......坐係度就有得食!!!
ReplyDelete[版主回覆07/09/2010 10:30:00]WingL^^ 係間唔中要隔離果個有興致入廚房,先有依個福利咋!!
件多士勁得意....
ReplyDelete[版主回覆07/09/2010 10:30:00]東主有喜: 係呀!!件多士係用Hello kitty 多士爐整出黎架!! 對住Hello kitty 食多士特別開心架!!