Pepper Lunch

March 8, 2015 (Sunday)

上網得知, 有一間食店從日本開過來溫哥華.

食店名稱----名為, 「Pepper Lunch.」 主打食鐵版牛肉飯.

原來, Pepper Lunch, 是第一次誇國開鋪. (誇黎北美)

第一次誇國開鋪, 就揀選, 在溫哥華開業. (Yeah!!)

唔理太多, 星期日, 去完church. 就馬上去Pepper Lunch !!

↓唔知點解叫"Pepper Lunch", 但全店, 都是日本人做, 見到張張枱都食緊, 鐵版牛肉飯!!!

 


↓個鐵版牛肉飯黎啦......sasa 聲, 再配日本汁料食, 都幾好味!! 最好是啲牛肉用鐵版嘅熱力整熟, 啲牛肉肉質咬落去, 特別好多!!

 


↓Brian 爸, 就揀咗雞肉鐵版飯, 啲雞肉是全熟, 所以, 我覺食牛肉鐵版飯, 會特別啲. 起碼啲肉, 係自己隻眼前變熟. 由於, 個鐵版飯, 真係由頭熱辣辣到最尾, 之後, 買杯凍飲降溫!!

 



而近排,我需要在星期六都要返工啦!!

但我反而仲開心!!

因為, Brian 有陣時, 在星期六都要返工.

往時, 他星期六返工, 我都會跟住他. 但我就會坐着咖啡店或圖書館等Brian.

現在, 我星期六都可以上班.

星期六啲時間, 就比較充實啲.


↓到輕鬆時間, 即時同Brian 去嘆車仔麵, 再買零食!!

 


↓輕鬆時間, 去咗買支tennis 球棒比Brian 爸. (Brian 爸,隔日就有tennis 打, 他出到聲, 想換球棒, 即刻買比他)

淡粉紅櫻花

March 2,2015 (Sunday)

以我觀察, 原來, 櫻花有幾種色, 有白色櫻花, 淡粉紅櫻花及深粉紅櫻花.

多數頭個批盛開嘅櫻花, 都是白色櫻花及淡粉紅櫻花.

我最喜歡是深粉紅櫻花, 就要等多陣先盛開

不過, 今年比較暖, 櫻花好早就盛開, 原本以為四月, 先有櫻花賞

今年, 早到二月頭, 就處處櫻花. (早到嚇親我!!)

溫哥華啲櫻花樹, 真係多到呢......由我開門出門口, 到我返工條路, 道路兩旁都是櫻花樹. 真係日日賞花咁濟. 好開心.

聽Brian 爸講, 三十年前, 都係因為櫻花盛開嘅時候, 黎咗溫哥華旅行. 見到啲櫻花好吸引. 那就係溫哥華買咗間屋. 退休就過咗溫哥華生活.

原來, 櫻花, 可以吸引到人咁嘅地步. 哈哈~~



↓無特定去影櫻花, 只是有時出街or 返工前經過, 就去影張櫻花相. 啲櫻花, 真係道路兩旁都係!! 成條粉紅色之路咁. 

↓好耐好耐前, 由於溫哥華和日本有生意往來, 日本為了多謝溫哥華, 所以,送咗一百棵櫻花樹比溫哥華. 櫻花經散播, 發展到今日, 溫哥華真係處處櫻花樹!!

 

↓而家, 開花嘅櫻花, 大多都係淡粉紅色櫻花, 但已經令到條街, 完全唔同景象

 







↓有啲深粉紅櫻花, 都開始發牙.......啲櫻花遲啲會更美

 


↓我真係得閒就去影下啲櫻花.

 


↓但查實, 依邊啲人都慣咗有櫻花, 所以, 都無咩人走去影相....

 


↓某程度, 都係櫻花, 吸引我黎依度居住.

 


↓一年裡, 至少兩個月有櫻花陪我出街, 陪我返工, 沿途望到啲櫻花, 好開心!

 


↓真係轉到去邊條路, 都有櫻花

 

鱷魚法國餐廳

March 2,2015 (Monday)

由於, Brian 個朋友生日.

邀請我和Brian去慶祝.

總之, 就一大堆人, 去咗間法國餐廳食晚飯啦!!

間餐廳, 感覺好高貴

啲食物真係好好食呀!!

而且, 間餐廳service 又幾好!!

怪不得間餐廳, 開咗咁耐, 仲係要好早book, 先有位食啦!!
 

↓依間法國餐廳, 以「鱷魚」作餐廳嘅標記. 裡面嘅環境, 好似典型嘅法國餐廳

 



↓餐前小食, 鹽批仔.  頭盤, 洋蔥批

 


↓頭盤, 炸芝士配沙律及春雞批配鵝肝

 


↓主菜, 有魚配意粉(啲汁好香). 主菜, 還有羊架

 


↓主菜, 還有胡椒汁牛扒配薯塔, 主菜, 仲有蘋果汁鴨胸配鵝肝

 


↓食完主菜, 餐廳比啤梨雪芭每一個人, 洗洗味蕾. 而甜品, 我叫咗Soufflé (熱辣辣, 又唔太甜, 啱晒我口味)

 


↓最後, 送上鱷魚型狀朱古力, 作總結

以前, 感覺朋友好重要

但大大下, 我反而沒有這一個心態.

現在, 只想多點休息時間, 多點優閒空間. 好讓自己多點能量.

維持好自己身體和精神

雖然, 間中都會有些飯, 要出去同朋友應酬. 當中, 我會盡可能投入其中.

我知保持一段友誼, 是需要付出. 才能維持

但我令願維持一個好體栢, 同Brian 一齊享受, 我會來得更舒服.

所以, 有些人, 唔太明白我, 點解我時常, 都只是和Brian 兩人行.

因為我只想舒服.....

雖然, 今晚餐飯, 好美味,

但我係閒日, 工作完, 再出去食飯及應酬.  之後, 返到歸, 已經十分攰, 即刻瞓着.

聽落去, 好像很無癮, 但這是事實.

午餐去飲茶

March 2, 2015 (Monday)

好發癲

閒日嘅lunch time

竟然, 走咗去同Brian 飲茶, 食點心.

其實, 我哋約埋, 係有點事做.

原本諗住簡簡單單食茶餐廳, 嗰啲A, B餐.

點知, 茶餐廳門口, 貼住張紅紙. 並寫着----東主有喜, 休息一天.

所以,lunch time 就索性, 走咗去飲茶囉!!

雖然, 由茶餐, 轉咗做飲茶. 只是一件好小嘅事

但我總覺得, 做啲咩, 其實一早, 自有安排, 好多嘢係整定咗, 點兜兜轉轉, 最後, 都會行返條預定咗嘅路.

總之, 自己肯去行依條路, 就會咩事情都會行得過.

好似, 講到好深奧, 但我自己, 就係決定飲茶嗰一刻,個腦就好似突然 "叮"一聲咁, 彈咗依啲message出黎. 

不過, 真係好開心, 可以係lunch time 走去飲茶. 食點心!!

因為, 太耐太耐, 無同Brian 兩個人飲茶啦!!


↓好好彩, 一入去茶樓, 就即刻有位, 唔洗等.....由於, 我同Brian 兩個,太耐無一齊飲茶, 所以, 叫點心, 叫到有啲失控!!西米布甸, 波蘿叉燒包, 一大杯蠟味糯米飯

 


↓還有, 蝦餃, 糯米包, 牛肚, 燒賣......都清得晒!! Lunch time 食到咁heavy, 好似痴咗線.....

 

↓約埋Brian, 就係一齊去買生日禮物, 因為朋友生日請食飯. 買咗部Wifi 數碼相機及一大堆酒杯作生日禮物!! 但出開街, 自己實會唔覺意, 買到啲啲嘢比自己. 買咗Hello kitty 文件夾及手機用品

 

多多節目--星期日

March 1, 2015 (Sunday)

今年, 算是比較溫暖. 

平時, 四月嘅櫻花季節.

現在, 二月中, 就已經見到櫻花盛放


↓今年二月, 已經周街都是櫻花. 有時係返工途中, 見到邊度啲櫻花靚, 就行去影影. (臨時, 求其影住, 遲啲再影櫻花)

 



由於, 和溫了.

星期日, 大家齊齊有時間, 就出咗街行

喜歡溫哥華, 很多地方, 都是上居地鋪.

求其, 行一條街, 都好似好多鋪頭可以行.

隨意地行, 行行下, 幫襯咗一間Waffle 店.

食件Mochi Waffle, 再嘆杯芒果冰. 好優閒, 好舒服.



↓件waffle細細, 但個蝶大大. 但味道都ok. 而杯飲品好大杯!! 純粹享受下. 地點舒服就得!!

 


↓出街,實買到嘢, 買咗個"hello kitty 托盤". 個托盤, 係墊住早排Brian 送嘅水杯和水樽

 


↓星期日, 有時間, 就上網, 學下扎髻. 因為返工想轉形象, 但發覺, 我扎咗髻, 好似成熟好多. 老咗10年咁濟. 望唔慣自己老10年, 都係扎返馬尾返工, 算數

 



星期日, 放假..

係會多啲節目啲.

夜晚, 去咗一間新開嘅餐廳食飯

新開---比較有新鮮感, 而且環境光淨+舒服.


↓星期日晚餐, 去咗一間新開業嘅餐廳, 食咗黃金蝦.

 


↓食咗老少平安和介蘭

 


↓香蔥年糕雞煲, 仲食咗象拔蚌粥+油條

 



食完飯, 見時間都係好早

同Brian 父母, 去咗賭場玩兩手. 因為仲算係新蒸頭.

就入去賭場, 發下新年財

其實, 我唔賭. 但會周圍望下人點賭. 

望下人, 點發財都好. 哈哈~~


↓黎咗依間賭場, 唔知點解, 啲賭場, 實有依啲"轉轉門"

 


↓我覺溫哥華,算係多賭場, 又唔知點解, 去邊一個國家啲賭場, 實有唔少華人. 而家還是新蒸頭, 賭場內, 有許多農曆新年佈置.

 











玩足全個星期日.

好彩, 事前瞓到飽, 唔係邊有energy, 由朝出街出到晚.