無咩Sale 的Black friday

Novemeber 28,2014 (Friday)


我隔離嗰個, 好期待, 今年的Black friday 減價日嘅來臨.

由其是今年他父母去了旅行. 

所以, 這個black friday 幾早起身, 幾早出門口,甚至幾遲返歸, 都唔需要交代.

這個black friday, 真係晨咁早就出咗街, 因為啲商場open at 7am.

這天, 一早就衝去啲商場個樹啦!! (其實, 得我同Brian 兩個衝, 全個商場, 丁點人都無)

但Brian 就好心急, 衝入鋪頭, 就要求售貨員, 要依樣, 要嗰樣. 但啲售貨員就懶懶閒, 真係皇帝唔急太監急

究竟, 咁早起身, 衝去買, 買平咗幾多??

我可以話, 大部份貨品跟本無減過, 我哋還用原價買.

但Brian想買嘅貨物, 都賣剩一件, 聖誕要送禮, 而家唔買, 就會無!

我哋可以點揀?? 

只好講, 加拿大嘅零售業, 對減價抱着一個唔慷概嘅態度-----無辦法!!

不過, 都可以話Brian, 好大部分, 都係為了我, 先係Black friday依一日衝成咁.

因為他想幫我買對保暖又防水嘅返工鞋.

我時常, 都好慳, 唔着爛都唔會買.

但Brian 真係想我返工時, 對鞋可以保暖及美觀啲.

但我時常推搪Brian, 要等待Black friday sale 先買鞋比我, 因為我以為Black friday sale點都減啲啲. 點知最後一啲都無減.

因此, Brian等到black friday 這一天,  對鞋唔減, 都照買!!


↓Black friday 嘅戰利品, 相中嘅Hello kitty和對鞋, 就係我嘅 (這兩件完全無減過$1). 而啲電子產品, 是用來送禮用 

 


↓Brian 每年都要在聖誕送禮, 但他無論送比男or 女, 都一律送電子產品. 可能他自己鐘意買電子產品啦! 哈哈~

 


↓仲有兩件Hello kitty 物品, (又係無減過$1), 但Brian見到, 即刻走去買. 因為賣剩一,兩件貨, 唔買就無. 而我只是買咗條黑色絲巾. Black friday 買完野, 仲可以食埋早餐先返工.

 

其實, 我覺black friday 依一日.

唔係減價日

對Brian 黎講,依一日, 係shopping 日.

Shop 完先返工, 他話, 心情會好開心!! 哈哈~~ (因我依邊, 大部份商場open at 10am, 平時嘅日子, 邊可以shop 完ping 先開工)


↓Black friday 過後,依邊落咗第一場雪呀!!依邊好少落雪,見到雪好快啲影張相留念, 因為好快會溶晒. 

 







----------------------------------------------
Black Friday  **每年11月最尾個星期五, 美國, 名這一天為Black Friday.

美國各大零售商店, 都會係依日大減價, 目的係想,將零售業年尾條數, 由紅色(赤字)變為黑色(盈利). 所以, 每年美國都會係十一月最尾嘅星期五名為Black friday!!  也可以話, 零售業嘅瘋狂減價日.

由於,太多加拿大人, 會襯依一日, 南下美國購物.

加拿大零售業, 也學美國, 整一個Black friday. 刺激加拿大人留在本土購物

所以, 加拿大都有black friday 日 (不過, 加拿大減價唔慷概)