兩個人出去逛

November 23,2014 (Sunday)

這個weekend 是我和Brian, 兩個人嘅weekend.   (Brian 父母, 仍在旅行中)

好耐無試過, 啲時間會咁彈性.

幾點出街, 就出街, 想幾點返歸, 就返歸. 完完全全無顧慮

其實, 我有依個無憂無慮嘅心情, 我係咪有啲衰格呢??

說實話, 平時Brian 父母, 比我和Brian 嘅自由度, 已經超級大. 

但可能我和Brian嘅為人, 實在抱有太多責任感. 

長輩係身邊, 就會好好交代. 

無形中, 成了自己對自己嘅束縛. 

這個weekend, 雖然Brian, 每日都要返半晝工. 但只有我和Brian 兩個人.

我們嘅心情, 還是顯得好精神.

雖然外邊落住大雨, 我們仍好活躍地, 周處去, 周處食!! 

↓星期六, 去咗香港人經營嘅商場行街, 十一月尾, 已經有聖誕燈飾佈置. 一人一幅相聖誕燈飾相啦!!

 



↓去得商場行, 就順便去food court食下嘢. 原本想食車仔麵, 但我們被其他食鋪吸引咗, Brian 食鐵板飯, 我就食咗碗四川麵, 碗麵啲料好普通, 食完依次無下次!!

 


↓行完一個商場, 就行第二個商場, 因為聽電視廣告, 有一個新商場完成剪彩儀式, 所以, 就去"八"下, 點知去到個新商場, 咩鋪頭都未開. 但個商場設計, 望落去都幾舒服. 等多幾個月, 依個新商場成熟咗, 先再行過!!

 


↓入夜, 還去咗飲bubble tea. 

 


↓到星期日, 晚餐去咗食上海菜, 我們太喜歡上海菜, 咩都叫一餐, 叫到比侍應叫停, 因為待應話, 兩個人食飯, 叫得太多了.  好尷尬. 但我和Brian 會食得晒.  食咗雞餵湯麵, 小籠包

 

↓一人一盅東坡肉, 感覺超級爽. 因為依盅東坡肉係四人份量. 但我和Brian 就一人一盅. 待應都覺我們好crazy!!

 


↓還食了炸銀絲卷, 獅子頭窩. 還有一人一碗白飯. 全部食物,連汁都清晒.

 



↓而逢星期二, 依度有間burger 店, 個大漢堡包, 只售$3.33 (加幣), 真係非常抵食, 星期二放咗工, 就即刻去食返個. 食完仲行商場

 


↓依家啲商場, 好有節日感覺啦!!

 


Brian 父母去旅行途中. 除咗周末時間free.

係閒日嘅時間都好free.

其實, 我和Brian 嘅閒日生活. 一樣的返工, 放工.

完全無放早過, 甚至有啲日子要OT㖭.

但唔知點解Brian 父母去咗旅行, 我和Brian 真係多咗好多時間用.

啲時間多到, 我走咗去洗牙, 放工去咗行街 or 走去飲野, 還走去抹窗, 走去洗床單, 床被. 攞晒啲恤衫去洗, 逐件自己熨. 同Nanny 爭嘢做咁濟.  而且, 我仲煲劇, 煲埋湯, 煮埋飯, 買埋餸及洗埋碗.

做咗許多家居嘢, 望返個鐘, 還有大把時間剩. 我都唔知點解會係咁!!

見到自己list 咗自己所做嘅家居嘢, 感覺好好笑!! 好似無嘢做, 揾嘢黎做咁.

唔知係咪個心, 感覺free啲, 做嘢嘅節拍會快速啲.

其實, 回想返以前同Brian 兩個人生活時, 我個角色, 一樣是"揾嘢黎做". 只係突然間,自己返番去依個角色, 好似好新鮮, 但有似層相識咁