溫哥華聖誕市集

December 13,2014 (Saturday)


難得怕迫嘅Brian 爸, 提議去聖誕市集

那就當然舉腳贊成啦!!

去到聖誕市集附近, 已經人頭湧湧.

買票入場, 都排咗好耐隊. 

但真係迫下迫下, 熱鬧熱鬧, 先似聖誕氣氛嗎!!



↓溫哥華聖誕市集 (未入到門口, 已經大排長籠),裡面真係好多人呀!!

 








唔知點解, 啲聖誕市集, 一定同德國且上關係.

聖誕市集裡頭嘅裝飾;

裡面嘅灘位, 所售賣嘅美食,擺設 及 手工藝品. 通通都同德國, 有啲關係.

雖然, 依日都幾寒下, 得-1℃ (其實, 已經係全加拿大最暖㗎啦!)

所有灘檔, 都係戶外進行.

但我哋都八八掛掛, 逐個灘檔行. 哈~


↓啲灘位檔, 都照德國傳統, 所有灘位都是木製的. 其中一個灘位售賣着德國士兵擺設.

 

↓聖誕市集中央係旋轉木馬

 

↓聖誕市集好多巨大士兵, 還有人唱聖誕歌. 

 









當然啦! 係聖誕市集見到小食灘檔.  唔餓, 都想食. 好想幫襯.

由其是啲食物香氣撲鼻, 好難忍口

而且, 寒冷下, 食啲熱辣辣嘅嘢, 真係暖好多.

不過, 啲灘檔小食, 又真係幾好味呢!! 


↓幫襯依個白鬚哥哥買德國熱狗食, 好美味!! 啲餡料多過個包. 

 

↓飲咗杯肉桂熱蘋果汁, 加杯. 其實, 依杯飲品係包埋個杯嘅價錢. 如果喜歡個杯, 可以帶走, 但又可以飲完之後, 比返個杯蘋果汁哥哥, 蘋果汁哥哥會比返個杯嘅價錢我哋.  之後, 還食了肉桂朱古力條和肉汁芝士薯條

↓仲食埋德國芝士,香腸crepe.

 


↓依度點都係加拿大, 所以, 聖誕市集當中, 都有加拿大注名嘅楓樹糖賣, 依個灘檔, 係將楓樹糖漿倒係冰塊上, 楓樹糖漿隨即凝結咗, 同時, 用雪條棒卷起剛凝結咗嘅楓樹糖漿. 咁就可以將槭樹糖漿, 當雪條食. 我無幫襯到楓樹糖漿雪條食, 但就買咗包楓樹糖漿腰果食

↓食完一輪, 再周圍行下個聖誕市集. 係市集影下合照

 

↓聖誕市集, 有棵巨大聖誕樹, 成為聖誕市集個焦點, 係人行埋去, 都影張相

 



↓聖誕市集, 仲有好多聖誕擺設

 


↓行完市集, 我哋去咗食竹炭日本拉麵. 好鐘意冬天食拉麵, 食到成身暖笠笠