飲茶

December 6,2014 (Saturday)

星期六難得大家得閒, 所以, 就同Brian 父母走咗去飲茶. 嘆下點心.

一飲茶, 就食得比較耐, 談話內容自然多.

又可能, Brian 父母去了旅行一轉, 見到好多朋友.

引發了, Brian 父母又突然間, 擔心我和Brian 的將來.

我都明, 做父母嘅.  一擔起做父母個角色, 就會為自己孩子, 長憂到九十九

而且, Brian 生長係一個超班嘅家族. 親戚全是醫生, 律師,會計師, 藥濟師.......

所以, Brian 父母對Brian 嘅期望指數, 都非一般高.

這餐茶, Brian 父母竟提點和討論Brian 未來應點樣做, 才能夠行高一點.

說實話, Brian 在他同輩朋友當中, 職業和崗位, 已經跑出過其他人. 但在一個超班家庭中, 就當然未到超班人嘅standard啦!! 

而且, 依個年代, 唔同以前呀!!

Brian 爸同Brian 同等年齡時, 周邊經濟發展速度也不一樣. 因而, 生活質素都未必相同. 很難比較到.

我全餐茶沒有出聲, 但我只替Brian 有點唔抵, 因我知Brian 已經很努力在他事業上, 向上跑.  但好像無人認同. 

不過, 好彩的是Brian 為人樂觀.

人哋高薪厚職, 人哋點過豪華生活.

Brian真係一點都唔會妒忌. 什麼事都take it easy啦!!

成餐茶, 他還是開心地, 嘆點心.



↓去了這餐廳, 嘆茶,食點心

 


↓飲茶還食咗蟹肉麵, 咸水角

 


↓素燒肉, 叉燒包, 海鮮餃, 叉燒米粉

 


↓甜品, 食了流心奶皇包, 及難得一見嘅溜蓮糯米滋

 


↓由於, Brian 父母剛剛去完旅行,晚餐唔想煮, 簡簡單單出街食, 食咖哩牛腩飯, 榨菜肉絲炒米

 


↓晚餐還食了肉醬意粉, 還有餐茶

 




--------------------------------------------------


過去兩星期, Brian 父母嘅外遊.

這兩星期, 一係我煮飯, 一係就出街食.

Brian 家中的Nanny, 完全無煮過飯.

但這Nanny 好好笑, 過去兩星期, 成日打電話追我, 要我叫佢煮飯. 哈哈~~~乜唔係越少工夫做, 早啲收工, 係最好咩?

這Nanny 在過去兩星期, 好像無野好做, 除了一般的家居清潔. 竟然, 仲散乾淨晒全屋啲煲. 還將衣櫃啲衫, 從新接過, 排到好整齊. 真係嚇得我吖!!

而家, Brian 父母玩完, 返歸啦!! Brian 家中嘅Nanny 就非常歡喜.

每日, 很落力煮晚飯.



↓以下啲相, 係Brian 家中的Nanny 煮嘅飯. (有好多張相, 食咗一陣先記得影相)