好free

November 15,2014 (Saturday)

近排, 很Free.

星期六Brian 又唔需要返工.  可以瞓到飽.

Brian 父母, 又早出晚歸.

真係好多自己時間.

但當中發生一啲小插曲.

當滿心歡喜, 準備出街玩時.

一撻車, 座架的咪標, 突然響晒燈. 

好彩近車行, 就即刻攞咗架車去車行. 

感恩嘅係, 架車只是需要換油. 就OK.

所以, 攪咗陣先出到街.

第一站, 嗱嗱臨去咗食好彈牙嘅雲吞麵. 

↓暫時黎講, 我只係喜歡食加拿大依一間啲雲吞麵, 啲麵質味道和彈牙情度, 最似香港嗰啲. 但份量很少, 我食一碗雲吞麵+肉醬撈麵, 才剛剛夠食. 

 


↓由於唔太夠飽, 之後, 去咗另一個商場(港人經營嘅商場)食刨冰

 

去開港人聚居嘅地方Richmond食雲吞麵.

就當然行埋, 港人開設嘅商場.  去到, 我實會掃, 港式零食及一堆"口淋濕".  因為我居住嗰區, 唔太多依啲"口淋濕"選擇㗎!! 所以, 我時時襯機黎到Richmond就大量入貨.

臨離開商場, 仲買埋個燒味飯盒, 等夜晚肚餓先食.


好彩, Brian 唔介意,我買埋依啲另類食物!! 有時, 我唔買, 他仲擔心, 我係咪出咗咩問題!! 哈哈~~

而係依一日, 我同Brian 由朝出街出到夜晚, 都未見過Brian 父母影棕.  去完街, 我仲可以係Brian 屋企亂跑亂唱到深夜. 好似過度活濯症咁. 總之, 就好free 嘅一日. 哈哈~~ 



↓買咗堆零食及口淋濕. 其實, 都預咗同Brian 媽一齊食, 點知堆口淋濕, 比Brian媽清得好迅速. 

 

↓仲買咗燒肉叉燒飯, 這兩盒飯, 係我同Brian 嘅晚餐. 因為依家出完街, 一返到歸, 就唔會願意再出另一次街, 所以, 行完街, 就順手買飯盒, 到肚餓先食 ....而堆電話和iPad 保護套係幫Brian 媽買, 因為她用開個啲, 已經爛咗!!

 



↓行街時, 見到保暖帽和襪, Brian 見我有興趣, 我又岩用, 即刻買. 依家落雨季,真係濕濕凍凍, 我又要坐巴士, 個頭暖啲, 對腳着暖啲, 完全唔同晒!! ....帶帽嘅我!!

 

-------------------------------------------------------------

November 16,2014 (Sunday)

我同Brian, 因為時間Free 咗, 我哋又煲返劇. 近排煲"名門暗戰"呀! 煲到半夜三間. 

到星期日, 已經煲劇, 煲到唔願出街, 真係hea 到黃昏去Church 先出街咋!!

而我真係未見過, 退咗休嘅人, 一個星期七日, 都會咁忙碌!!

Brian 父母, 係星期六夜深才歸家, 星期日一早已經出咗街!!好似無咩時間剩. 真係去到星期日望彌撒, 先見到佢哋咋!



↓每個星期日去完望彌撒, 都會出街食晚飯, 去咗食啲  炒粉麵. 泰式炒河, 四寶湯麵

 


↓焗肉醬意粉, 白汁焗海鮮意粉

 


↓泰式炒飯和 xo 醬炒海鮮烏冬