今日, 已經是Jan 7, 2011 (Friday) 了! 我每天也"忙 lee 忙露", 也忙着整理聖誕旅行啲相, 原本打算, 寫完遊記才寫這篇blog, 但我忍唔住啦!! 要打尖寫上這篇blog 先.
因為, 收到外地黎嘅郵包, 人係會份外興奮.
講返係12 月, 這一個聖誕月, 當一知道自己有郵包收, 每天都會望住部電腦check tracking number. 每天都等着, 究竟, 遠方嘅朋友, 會寄咩比我呢? 每天都好心急的等待着.
但我Dec 17走啦!! 郵包還未到達我家, 唯有臨走時, 分附我家的管理處(相熟的), 叫他們幫我保管郵包. 因為我要離開多倫多. 郵包又係Fragile......郵包來到需要放置在安全地點. 要Jan 3 晚上才能接收. ........belibala..一倫咀咁同管理處講.....
到Dec 20, 我當時身在溫哥華, 手電響起, 原來管理處人打電話黎, 話 「包裹到達了!!」知道包裹到達咗, 放心好多!!!
由於收包裹時, 人在溫哥華, 所以, 等到Jan 3晚, 坐機回家時, 嗱嗱臨向管理處取包裹. 當包裹得手時, 當然馬上拆呀拆, 由於包裹裡頭太多bubble wrap 啦!! 拆包裹都需時. 連Brian 都話我, 點解拆個包裹, 都可以拆咁慢....咁我驚整爛嗎!! 當然逐張bubble wrap 拆啦!!
嘩!! 原來, 個包裹裡面......係一個Hello kitty碗連湯匙, 好實用呀!! 我好鐘意呀!! 我依個朋友, 最明白我, 每次, 都送啲日常生活能用到嘅禮物比我. Thanks Thanks......真的好希望能夠面對面見依個比我咁上心嘅朋友. You're so sweet!! 見到你一定比個big hug 你!!
之前, 係網上曾見過這個限量版Hello kitty碗架!! 好想bid返個! 但種種理由, 令我卻步, 沒有bid 到. 估唔到寄件人(Queenie)會靜雞雞買咗比我, 但我事前無同Queenie 講, 話我鐘意依個碗架! 但遠方嘅Queenie又會知我恨依個Hello kitty 碗嘅??
初時, 同Queenie由素昧謀面, 係blog 相遇, 傾傾下, 之後, 互傾心事, 然後大家再見面, 也間唔中比驚喜我! 我的確好幸運能夠遇上她.
哎吔! 收到包裹(禮物), 當然好開心啦!! 不過, 知道禮物背後個份心機and 心意, 我見到好感動. (唔好再對我太破費啦!!)
↓由香港寄來的包裹..................................原來, 好多bubble wrap 住 0
↓拆咗bubble wrap 好耐, 終於見到 "戲肉"啦!!0
↓包裹內還有一幅2011 Hello kitty 月曆 and 一張聖誕卡, 當然仲有我好鐘意嘅Hello kitty 碗and 湯匙0
**Thank you so much!
Nice and surprise gift that you like from a blogger ! It is really amazing.
ReplyDelete[版主回覆01/15/2011 11:33:00]Happy Girl 真係好開心架!! 我寫blog都無諗識朋友. 但點知就遇上一個同我好啱key 嘅朋友. 真係好奧妙架!!
You are well-like by others!!
ReplyDeleteVicky,
ReplyDelete見到你真係鍾意, 我就開心喇, 不枉我背後花嘅心思, 其實我送俾你D嘢都係唔值錢架, 你唔好嫌棄就好喇, 可能Brian會覺得又唔係咩值錢嘢, 點解我地會咁開心, 咁緊張....哈哈....D男人唔明架喇, 好似佢地鍾意電玩一樣, 我地都唔會明白。
因為我唔知途中會有咩意外, 所以包多D泡泡紙, 雖然都包好多, 但都係好唔放心, 而家知道安全到步就安樂晒....另外套碗有一張table mat架, 不過唔啱size包埋一齊, 所以下次寄信時會用公文袋再另外寄返俾你架, 你等多一等......
唉, 而家做拍賣做到冇咩時間, 都唔知咁樣做落去好唔好, 好似要花好多時間, 攪到少咗搵朋友, 今年仲要遲咗寄禮物俾你, 應承過以後每年都有一個月曆, 都要遲咗俾你添...真係好對唔住呀！
唔好成日話我破費啦, 有好多嘢唔係用錢去衡量架, 你開心就得架喇！
Queenie
[版主回覆01/15/2011 11:33:00]Queenie ~乜鐘意都有假嘅咩!! 哈哈~~ 其實, 我係知道依隻碗係市面係無得賣架!! 所以, 當我擦開包裹時, 見到依隻碗, 就知你花了一點時間才能送到比我!! 我除咗超鐘意個碗外, 仲超鐘意你背後嘅心機. ~原來, 仲有Table mat 連埋架! 我見到個碗已經好開心啦! 仲有mat .......個mat 大件嗎?? 如果太大件唔寄比我啦!! 洗唔洗我叫我香港個五妹攞返黎吖!! (依啲唔係依度講, 要聯絡地址, 我係fb 先講)但如果公文袋都裝到應該唔大件, 我令願等一等....哈哈~~ ~我知道你拍賣個邊花了許多時間, 但我覺依份工作好適合你, 你諗下, 如果你係出面打工, 都可能會用咗好多時間, 都唔會有咩時間剩, 一有工作在身, 就會係咁. 只要自己覺用啲時間用得充實. 咁你就唔會覺時間白白浪費. ~不過, 我要一提, 我好欣賞你好投入,好認真嘅工作態度. 對每一個客都好用心!! 連好評都覆埋, 唔係個個seller 都會咁上心. ~講開月曆, 我哋好鐘意, 由其事Brian, 他早前都有問我, 今年有無chinese 月曆. 因為我哋生活上, 已經無意中依賴你本月曆了! Brian 仲攞住本2011 年(你剛送給我個本)黎計算2011 請假嘅日子. 我哋應邊日請假去旅行. 都係望你本月曆作決定...哈哈!! 好多謝你依本月曆呀!! 雖然, 現在有電腦可以check 月曆啲野, 但點都係一頁一頁, 一邊"""""", 先會容易見到2011 年啲日子......Thanks,你每年的月曆, 好有用. ~你唔洗對唔住啦!! 我好開心呀!! .....一啲都唔遲呀!! ~你感冒點呀??我仍間唔中咳, 大家都take care, 身體健康!!
死喇, 唔記得用私人回應呀...sorry呀！
ReplyDelete[版主回覆01/15/2011 11:39:00]Queenie: 唔洗Sorry,你唔介意公開就得啦!! 我都無咩所謂架!! 你可能太耐無係blog活動, 唔太記得私人留言啦! 哈哈~~~~