郵輪之旅@Mexico (Cabo San Lucas)

December 27, 2010 (Monday)@Mexico (Cabo San Lucas)
    依日, 郵輪到達咗Mexico 另外一個海岸---Cabo San Lucas. 依個地點又係依個旅程最後一個站lu.  
  
   嘩! 依日係咁多日之內, 最早起身嘅一日,  因為我哋join咗個local tour 團, 好早就要出發. 我超早起身作準備.....又化妝,又食早餐......講開食早餐, 其實, 比我自己就唔會坐係dining room 食早餐. 求其去buffet room 攞杯茶, 攞個muffin 就走人. 咁就可以慳返啲時間. 但Brian 屋企好主重早餐依個環節. 一定要坐定定食. 所以, 參加咗早團遊, 就變相更加早起身. 我排隊等落郵船時, 我竟然瞓着咗!! 哈哈~~~

    講返依日個地方 Cabo San Lucas, 由於, Cabo San Lucas 口岸,係停泊唔到郵輪咁大隻船. 所以, 郵輪只能停泊在Cabo San Lucas海中心. 我哋乘客要上岸, 就由郵輪坐快艇上岸.  但快艇不能一次過盛載太多乘客上岸. 所以, 要上岸嘅人, 便坐在郵輪上嘅theater等待, 然後分批等快艇接上岸. (我就係郵輪上嘅Theater等待時, 瞓着咗!!)

   其實, 由郵輪換快艇上岸又幾得意. 因為有點跳船走佬嘅感覺, 哈哈~~~之不過, 係海洋坐快艇, 真係幾"朗", 大浪到呢!!  但又幾刺激 .....哈哈~~~

↓一起身係露台見到嘅境象(就係Mexico 嘅Cabo San Lucas),... 而郵輪太大隻, 只能停泊在Cabo San Lucas 嘅海中心.0

↓由於郵輪停泊咗海中心, 所以, 要上岸就要坐郵輪提供嘅快艇上岸, 但快艇乘載數量有限, 因此, 要上岸觀光嘅乘客就要坐係郵輪上嘅Theater 等待快艇. 逐行逐行人坐住等快艇上岸.  依個方法, 又幾好, 坐住等, 唔洗一大班人企係郵輪門口, 爭住上快艇. 咁樣幾有規律啲.0

↓上快艇上岸中.......我覺快艇似大飛, 有啲走佬feel ...哈哈~ 0

↓去到Cabo San Lucas 啦!! ...................嘩! 原來Cabo San Lucas 都幾多出海遊艇o

    依日, 係Cabo San Lucas, 參加果個local tour, 係會在遊艇, 遊船河, (係呀!! 又坐船, 真係大中小嘅船都比我一日坐勻晒!!) 順道在遊艇上觀光Cabo San Lucas 嘅自然環象. 因為當地好多fjord (峽灣, 即係在海上嘅小山丘). 一邊坐遊艇一邊近距離睇峽灣. 之後, 導遊帶我哋上山, 參觀一間好舒服嘅resort. 最後,當然會在當地嘅購物區停留. 但當地啲購物區係買首飾and 當地紀念品多. 但依啲野, 多數唔啱我!! 所以, 我今個墨西哥旅程都無咩點購過物. 睇野多啲!! 


↓坐完"大飛"到達Cabo San Lucas, 之後, 又上遊艇參觀當地嘅自然景象 (fjord, 中文稱為----峽灣, 即係在海洋上豎立嘅小山丘) 總之, 就係坐遊艇, 近距離參觀小山丘0

↓坐遊艇時, 見到自己坐個架郵輪0

↓當地自然景色......海洋上嘅小山丘, 當中有個山被海洋and 風浪葠食, 形成大窿0

↓都幾多遊艇近距離停留在小山丘傍, 次次同小山丘影相, 都會影啲遊艇. 而離遠就見到自己坐果隻郵輪. 0

↓同小山丘影相0

↓係墨西哥又見到青蛙做裝飾物......上足墨西哥三日岸, 都見到青蛙做裝飾物0

↓上山頂參觀當地resort......順道在resort內嘅餐廳飲野, 當一見resort個餐廳, 個個人都自然揾個位坐, 因為好舒服架!!0

↓餐廳係建於山上, 望落去個景, 好舒服架!0

↓我哋飲野都開心啲...................................我望海ing0

↓當然係個環境幽美嘅山頂餐廳, 影幾張合照and 獨照啦!!0

↓依間山頂餐廳坐邊都望到海......好舒服, 我坐得幾嘆...哈~~0

↓山頂好多蘆薈呀!! ...................最後, 我係購物街咗頂粉紅色帽. 買完就上郵輪0

↓上郵輪露台見到人玩降落傘.......係郵輪露台影合照 (係隔離房嘅Brian's Dad影架)0

↓入夜, 就dress up 享受dinner (dress up 前開始執行李)0

↓夜晚食嘅dessert0

↓有人表演唱歌........................................完咗dinner去郵輪頂樓個bar飲cocktail0

    依家, 望返啲相,發覺自己對黑眼圈一日比一日大, 哈哈~ 事因, 我哋真係由朝玩到晚. 雖然, 我係依個旅程由頭病到尾(傷風+咳), 但我都照玩, 每日上完岸參觀外, 我返上郵輪都無停過, 我照自己去甲板跑步, 去食afternoon tea, 去泳池游水, 沖完個涼, 又係時候dress up食飯, 再去pub or bar 玩. 真係一上床就瞓到熟一熟.

  但好難得放假去旅行, 又難得坐郵輪, 當然"括"出去, 玩到盡啦!! 而且, 難得係Brian 屋企好玩得. 點可以唔玩呀!!哈哈~~如果我無感冒,仲玩得夜呀!! 哈哈!~~ 不過, 我已經好好彩, Brian's daddy(醫生)不段供應藥物比我食. 如果唔係, 我無可能由朝玩到晚.