時光倒流

December 3,2010 (Friday)
   很耐沒有記下自己生活點滴, 有時, 無寫blog 狀態, 就真係提不到勁去寫. 其實, 有很多事情, 好想記下來的.........

   這個幾星期沒有寫blog 的日子, 我竟為了兩件事哭起上來. 我很少會哭得這樣傷心. 雖人大了, 知道哭是對事情, 沒有任何幫助. 但當處於無助時, 哭----原來是好好發洩情緒嘅好工具. 哭了兩場, 哭到人都倦了. 自然能好好入睡. 瞓咗場好, 清醒了. 慢慢將事情消化了.  

-----------------------------------------------------------------------
   看看自己相機, 剩下一大堆生活相片, 真的要連連忙忙, post 在blog 上. 如果唔係, 變成超舊聞. 浪費了自己拍照的動作.

    時光倒流.................

November 22, 2010 (Monday)

    很忙很忙, 晚上, 還要渣車去遙遠的地方做兼職.  很怕去陌生的地方, 要看着地圖(GPS)先到達. 幸好, 順利到達兼職地點. 哈哈~~~

    在回家路上, 看見熟識的茶餐廳, 還未close, 便立刻走入去醫肚.  食飽返到屋都差唔多瞓得啦!!

     星期一, 本應就提不起勁的一天. 放工後, 額外再工作. 攰到返到家, 可即時瞓得着. 如可以選擇, 星期一的兼職, 真的不想接. 不過, 聖誕將近, 洗費多了! 兼職是一個好好的安慰品. 哈哈~
    
↓Brian食海南雞飯, 我食班塊魚湯米線   0

------------------------------------------------------------------------------

November 23,2010 (Tuesday)

   又到時到候, 係寄箱收到一本catalogue. 今次, 還被獲邀請去Cocktail party. 但個party啲時間唔太適合我哋啦!!  費事, 放工時, 為咗趕住去Cocktail party(尾場).  一邊趕, 一邊甩頭甩髻啦! 因此, 最後都無去到個LV Cocktail party.......

   講返本catalogue, 我望兩望都有點心動了! 我隔離果個直情plan 定買咩添! 一本catalogue吸引力真利害.

↓又寄到黎啦!!0

↓今次封面係星星0

↓Catalogue內好有X'mas feel 呀!0

-----------------------------------------------------------------------------
November 26, 2010 (Friday)

    放工後, 好趕, 好衝忙, 增取時間去商場. 因為趁難得有時間. 啲商店還未close.  就咩都想做. 首先去咗Apple Store整理啲電子野. 依家啲Apple Store 好像唔洗錢咁, 人多到暈. 無咩必要都唔想入去.

   之後, 趕去H&M買宴會裙. 又比我係唔洗半小時內成交. 今年, 還唔止買一套添! 我都佩服自己可以係好短時間買到宴會衣裳

   去買完裙, 就去附近新開嘅超市入打邊爐食材. 由於天氣凍, 我哋一買就買咗好多打邊爐材料. 攪到屋企個雪箱都濟擁了. 哈哈~~

   由超市, 順路經開一間家具店, 順道買了個紅色煲黎打邊爐. 我係見特價先買黎用架! 哈哈~

   Apple Store-->H&M-->超市-->家具店. 係放工後嘅少少時間做到咁多野,  係加拿大黎講, 真係超有效率. 因為依邊地大, 鋪頭又早close嗎!!.........雖最後, 好夜先食到飯(打邊爐). 但好滿足. 完成自己心中所想.

↓紅色新煲, 用黎打邊爐. (其實,我想買LC, 但遲啲先啦!哈哈~)用住依個Kitchen Aid 先.-

↓在H&M 買宴會裙 (回家係咁試, 左試右試, 之後, 好例牌改少少, 因身材唔夠豐滿.)0

---------------------------------------------------------------------
November 27, 2010 (Saturday)

   嘩!! 一朝起身望出窗外, 好surprise呀!! 雪花分飛, 全地白雪.   天文台都無話會落大雪架!! 所以,見到都嚇了一跳. 好彩, 唔洗兼職, 唔洗周圍去. 如果唔係我會有啲心律不安. 我最怕是落雪就有要事做. 路滑, 天唔清. 係街一個鐘, 等如出咗兩個鐘街咁架! 

   幸好, 依場雪落咗陣, 之後仲溶埋添!!

   其實, 一朝早起身, 便是為着看電視, 因為劉醒 and 九姑娘. 睇完再sleep 過.....哈哈~

↓雪呀!! 算是第一場白檬檬嘅雪0

-------------------------------------------------------------------------
November 28,2010 (Sunday)

   一朝早又起咗身, 原因就係幫一位溫哥華Auntie 個女(8歲女孩). 買滑雪裝備.

   不過, 唔講唔知, 原來係多倫多, 滑雪用品係比較齊全. 品牌選擇也比較多. 但講真, 多倫多都無山滑雪. 反而, 溫哥華個邊周圍都係山. 溫哥華滑雪機會也比多倫多為多. 但滑雪用品, 竟然, 多倫多比較多地方購賣. 真難理解?

    而我都係頭一次幫小女孩買滑雪裝. 也好耐無踏足過童裝部. 原來童裝部好亂架!! 啲細路又周處走. 揾套合適滑雪裝備. 就好像和一班媽咪and 小朋友角力咁.

    最後, 終於比我在人堆and 衫堆中摷到套合適滑雪裝備. 摷完真係成身散晒咁製. 好攰,好攰.

    唔好以為童裝部人多就有特價. 原來, 咩都無減, 啲媽咪真係好捨得買野比啲小朋友.  仲有呀!!小朋友滑雪裝備都好貴架!! 養小朋友真係唔容易.

        
↓類似依套滑雪裝備0