Back to Vancouver & new year eve ball

December 29, 2010 (Wednesday)@Vancouver 
   返咗Vancouver 啦!!

   我假期仲未完架!! 我係溫哥華(Brian's home town)過埋new year 先會走. 去埋除夕倒數ball 先返多倫多.  

    講真, 去旅行(坐郵輪)係好enjoy. 但去旅行時, 日日都係活躍狀態, 而且, 返溫哥華時, 又周車勞動,  ....返到去溫哥華又執行李, 又洗下衫, 成個人都會散散哋啦!!

   所以, 係溫哥華後半段過嘅假期. 都唔係話好頻撲, 但仍要出街同啲Auntie and Uncle 食飯. 每一餐飯間, (我指午餐and 晚餐之間), 都唔洗話要出街 or 應酬, 可以係Brian's 家坐下.  咁樣, 已經舒服咗好多啦!!

   係得溫哥華, 當然, 會食啲美味野, 而且, 係遊輪都食咗咁多餐西方食物. 係時候食返啲chinese 野啦!! 一到溫哥華, 我哋即幫襯茶餐廳, 我覺溫哥華啲茶餐廳, 地方整理外, 食物選擇都好多,至緊要係味道唔錯嗎!!..........我聽有啲溫哥華Auntie 講, 返到香港, 都揾唔返溫哥華啲茶餐廳喎!! .....不過, 好可能香港啲茶餐廳, 地方唔太寬躺, 而且, 香港人節奏又快速, 啲溫哥華Auntie 當然享受唔到香港茶餐廳啦!!  講真,我覺香港茶餐廳好正架!! 坐圓接臺食仲有風味. 哈哈~~

    而我每次去溫哥華, 都例必要食餐日本晚餐. 因為真係好好味, 好新鮮.......

   

↓好新鮮嘅日本人準備嘅日本晚餐....好好味0

    有樣野, 我要係度記低, 食完餐好好味嘅日本野, Brian's daddy 提議去藥房....咪又係幫我買藥囉!! ....但唔知係咪年近歲晚, 藥房無咩人做野, 成間鋪頭得一個人收銀. 同一個人做野.  可想言之, 排隊條龍有幾長, 雖話係藥房, 但藥房都有其他物品賣架嗎, 我當時, 見到好多人買奶粉, 買朱古力....咁Brian's daddy 就最憎排隊架啦!! 一排隊就好抆(同Brian一樣). 但他仍排隊幫我買藥.....真係so touching.

   不過, Brian's daddy買依隻藥物, 係噴霧式藥物. 我完全未試過, 我都係第一次用咋!! 初頭用, 都有點不知所措架! 但用咗第一野後,效果幾好. 大傷風即刻停止.

---------------------------------------------------------------------------------------------
December 31, 2010 (Friday)
  又到除夕倒數ball 啦!! 一如以往一早打扮, 係Brian屋企個客廳影下相.

  依日, 都係病緊架!! 但用咗新藥, 大傷風問題已經好好多, 即時感覺自己個妝容好好多, 唔洗因為呻鼻娣, 而影響妝容....但隻新藥會影響口乾. 乾到喉嚨都痛埋. 但就唔洗係客人面前呻鼻水. 咁核突. 對我黎講,已經好好啦!!   因此,我係除夕ball 裡頭, 就不段飲水.  好彩, 我話要杯水, 個侍應就一jar一jar咁比我, 可能個待應都知我病啦!! 哈哈~~ 但飲得水多, 自然就去廁所, 成晚去咗好多次.... 連臨倒數前, 我都要探一探廁所先得!! 哈哈~~~  嘩!! 依個除前夕, 去廁所去到好難忘....哈~

 
  但今年, 個除夕倒數ball 好悶呀!! 其實, 年年去除夕倒數ball, 都係個班Auntie and Uncle. 大家參加咗幾年, 都已經熟咗啲, 都唔會無話題. 但今年我病咗, 喉嚨又乾, 講野少咗好多,變相靜啲, ........但今年個除夕ball, 換咗隊band, 隊band唔係太識攪氣氛, 令到個場好悶. 希望下年好啲啦!!

↓除夕ball 嘅衣着0

↓除夕ball倒數場地....................................在舞池等倒數0

↓除夕ball個場唔差架!! 我鐘意佢哋個牆0

↓除夕ball離唔開跳跳舞....0

------------------------------------------------------------------------------------------
January 1, 2011 (Saturday)   依日, 一早起身, 食過早餐, 就去咗教堂.....因為Brian's daddy 好虔誠, 所以, 新一年嘅第一日, 當然去教堂啦!! 我哋為咗就時間, 就去咗另一個教堂, 果個教堂竟用國語做mass(彌撒). 嘩!!....我都係第一次去國語mass. 不過, 場內有外籍人士架!!

   而每年一月一號, Brian 都要去食brunch. 仲要係每一年嘅一月一號, 都要去返同一間餐廳食, 先開心!!   

↓Brunch 食嘅食物0

   依日入夜後,去咗個Auntie and Uncle 嘅屋企坐 and 打邊爐. 我都係第一次接觸依一啤Aunite  and Uncle . 但他們比我個感覺好nice, 好舒服. 有點高興會認識到依一啤Aunite F and Uncle S.
---------------------------------------------------------------------------
January 2, 2011 (Sunday)
   
   依日, 同咗Auntie E 個女飲茶, 有時, 我覺Auntie E 好叻, 安排咗最好嘅教育比佢個女. 真係遍排得好好. 有時, 父母識遍排, 真係唔洗行好多冤枉路. 就可以平步清雲. 所以, 我覺做Auntie E個女, 真係好舒服.  但就係因為好多野都平步. 因此, 人生就少咗點經歷. 雖則, Auntie E 個女學有所成. 但我覺她女兒...好green. 可以講, 好多野都似現在啲80後咁. 有很多不滿.  我係外人就費事講, 但如果我身在其中, 我會好好珍惜.

  Anyway,  飲完茶, 同咗Brian去行街.......周圍行下啦!! 行到5pm 就去教堂, 做彌撒. 嘩!! 無端端換咗神父呀! 幾驚原本個神父有啲咩事!! 因為他更早前咳得好利害. 好彩, 彌撒完結前, 原本個神父都返咗黎.....祈禱完返Brian 溫哥華家.

   黎到假期最後一日, 當然執行李啦!! 越執越多野, 又幫人攞野返多倫多....我又攞返自己啲滑雪用品返黎, 而且, 攞埋啲聖誕節禮物......最後, 要多一個行李, Totally, 五個行李先執完.

    臨返多倫多, Brian's daddy 親自下廚, 佢整咗pasta 比我哋食, 又真係幾香, 幾好味. 而且, 仲印埋食譜比我哋, 返去自己整返添!! 哈哈~~

    係得Brian 屋企食, 當然Brian's daddy 會係地庫攞啲私人珍藏紅酒黎比我哋飲啦!! 加埋芝士慢慢嘆,  飲飽食醉...Brian 家人好溫馨呀!!
↓Brian's daddy 準備嘅dinner............................頭盆係蕃茄湯, 主菜唔記得影0

 

↓Brian's daddy私人珍藏嘅紅酒, 要預先air 架!!0