郵輪之旅....到達mexico

December 25, 2010 (Saturday)@ Mexico (Puerto Vallarta)
   到岸啦!! 到岸啦! 經兩日船程, 第一站, 到咗墨西哥其中一個港口 Puerto Vallarta.

   一朝早,  起身, 我比人特別早起身, 因為我需要化妝嗎!! 之後, 去食早餐. 準時8:45am 落船. 因為, 我哋join 咗tour (巴士tour). 係Puerto Vallarta 觀光.

   由於, Puerto Vallarta 係墨西哥其中一個口岸, 所以, 旅遊巴多數帶我哋去參察當地海灘, 教堂, 當地啲美術鵰塑, 仲有行下街當地嘅購物街咁囉!

   依日, 係聖誕節,其實當地有好多地方都唔開門. 但知有遊客, 所以, 當地啲鋪, 專登開門一陣. 但當我們上旅遊車, 走去第二個目的地時. 我們在旅遊車內, 就見到啲鋪頭即時落閘. 成條街一齊落閘嘅場面都幾得意. 哈哈~~

  
   仲有呀!! 係墨西哥, 我仲以為會好熱, 但去到, 又唔係話太熱, 可能我比較耐熱啦!!  我要着件薄長袖, 先ok!! 但Brian 當然着短袖啦!! 他少少熱就話超熱.   但當地啲墨西哥人, 要着厚外套啦! 因為23-24℃對他們黎講, 好涼架啦!! (不過, 係今年先溫度低咗, 往年係熱啲架喎!)

↓船停泊在海岸傍0

↓一落船, 就上咗旅遊巴0

↓沿途好多依隻甲蟲車, 而且啲道路係石路咁0

↓首先睇沙鵰0

↓仲睇鵰塑0

↓依個鵰塑仲可以玩得...可以爬上去架!!0

↓有部分鵰塑係預咗比你坐上去添!! 0

↓鵰塑again0

↓再去參觀當地教堂0

↓墨西哥的街頭小食....我唔敢試呀!! 我哋之後, 仲有咗一條購物街, 啲人熱情到不得了! 購物街啲商戶直情拖你入鋪頭. 又迫人買野!! 好得人驚呀! (我身後便是當地購物街, 以賣首飾居多, 金呀!銀呀!! 咩都有)0

↓之後, 去海灘, 但去海灘前, 見到依隻野, 比$1 us 就可以放隻核突動物上身0

↓去參觀當地嘅海灘, 由於我哋唔係太熱愛游水 and 沙, 所以,我哋去咗食lunch, (當地講西班牙語, 所以, menu 以西班牙語行先, 而$10 mexico = $1 us) 由於, 係Mexcio 唔敢周處食, 我哋去咗一間由導遊指定嘅海灘傍嘅餐廳食. 0

↓原來我哋叫咗蝶火焰雞, 啲火焰等待好耐先熄. 啲食物望落去好簡單咁. 但又幾好食 0

↓食lunch 嘅地方影張合照0

↓海灘傍有Flea market (買紀念品)0

↓個陸上旅遊去到2pm , 我哋就上船.0

↓上到船食杯ice-cream 先, 我哋去咗船上嘅游泳池食雪糕0

↓郵輪5pm 就開船, 再駛去第二個地方, 咁啱開船無耐比我係露台見到日落0

     去完day trip, 其實個陸上trip, 都好多野睇, 去啲地方都係好旅遊嘅地方. 明知我哋係郵輪客, 仲對我哋特別好啲添!! 而且, 空氣又幾舒服. 但返上郵船, 我即時感覺安全啲, 唔知點解, 我係墨西哥無咩安全感. 有種好想快啲上返架郵船嘅感覺. 我唔係在當地遇到啲咩野!! 又無咩特別野發生.  但偏偏有咁嘅感覺擁起我個腦上囉!!

↓又黎到晚餐, 由於早咗去dining room, 所以, 係dance room 飲杯cocktail 先. 0

         

↓入夜去了郵輪內嘅Theater 睇Christmas show0