係閒日, 要同Brian 出去電話交易, 咁放工打後啲時間, 就會唔太"come"洗, 咩都要好趕, 包刮: 食!!
所以, 每次做完電話貿易, 都會順道係街買啲野食!! 今次, 去咗Little italy (小意大利街).
聽聞, Little italy 有間食店啲poutine 好正, 啲肉汁濃, 啲cheese 仲係用goat cheese!! 趁有機會經過便買黎當晚餐食!!
行入Little Italy, 真係有啲感覺自己去咗電視旅遊節目啲歐洲畫面, 好多露天茶座嘅餐廳!! 平時, 渣車經過, 就感覺唔到, 因為顧住繁忙路面, 邊有時間周處望吖!! 今次, 迫好架車, 慢慢行去Little Italy 就感覺到啲意大利味道!! 有優閒時間, 會同Brian 再去行下! 應該會好舒服, 好好玩!
有時, 係閒日, 雖然, 真係幾多野做, 但我都幾鐘意陪Brian出去做電話交易, 咁可以趁機出去鬆下, 食下野, 唔洗煮嗎!! 可以懶返日!!
↓一行到入Little Italy, 就係每條燈柱都見到意大利地型圖案
↓就係依間餐廳買Poutine 。。。。。仲有餐廳出面街景
↓食Poutine嘅餐廳...室內格局
↓就係以下個Poutine 做我哋晚餐喇!!\(Gourmet Poutine)
*Poutine,---- 係街頭小食之一, Poutine,即係以芝士及肉汁混入薯條, 一齊食! .. 把溶掉芝士, 附在薯條上, 再混合醬汁食. 啲薯條super 美味!! 現在啲Poutine 還可以加肉粒. 真係食一個Poutine 好似食盒飯咁飽肚
又係我1 可以加肉架原來
ReplyDelete[版主回覆09/29/2009 09:08:00]Kitty: ~ 又1111到!! ~係呀!! 現在, 有啲Poutine 係可以加肉, 但就唔係間間賣poutine 嘅shop 都會咁做!! 我知有啲賣Poutine 嘅shop, 會係Poutine 隔離加香腸一齊賣!
好多料既poutin呀，一定好飽肚啦
ReplyDelete[版主回覆09/29/2009 09:08:00]Mui: 真係好飽肚, 當一個飯盒咁食!! 哈哈!
環境唔錯啵.....
ReplyDelete[版主回覆09/29/2009 09:08:00]心樂: 我都覺環境唔錯!! 而且, 食物價錢唔太貴!! 所以, 第時有時間都會再去食!!
poutine....好似幾好食呀!~
ReplyDelete[版主回覆09/29/2009 09:08:00]小威威: 唔係幾好食呀!! 對我黎講Poutine 係好好食嘅食物之一.....其實, 香港啲地方都有Poutine 食架!! 去New york fries 都有得食架!!
我都幾鐘意食薯條架，呢個poutin幾特別咁喎！ 好想試試hehe...
ReplyDelete[版主回覆09/29/2009 09:08:00]傻妹: 至趣相投.....我都係幾鐘意食薯條架!! 所以, 對我黎講, Poutine 係好好食嘅食物之一!! 你試下去香港嘅新開嘅new york fries (尖沙咀), 都有Potutine 食架!!