Film festival

September 14, 2009 (Monday)

   由於, 我居住座大廈, 隔離係一所酒店!! 又咁岩每年多倫多電影節, 就係依間酒店開記者招代會, 所以, 每年電影節, 我座大廈嘅後門 and 前門, 都會好多電影fans, 記者, 擺定位, 等簽名, 等做訪問, ...............攪到我屋企樓下, 好多人群, 好多車停泊. 講真, 我唔介意, 但唔好"咗"我返屋企喇!! 有時, 我渣車出入, 都要等一等, 仲要慢駛少少, 先出到路口!!

   其實, 我座大廈啲保安已經成日趕人走, 但趕唔夠一陣, 啲人又行返黎!!   有時, 我會同Brian講笑, 不如, 我哋租屋企個窗位比啲Paparazzi (狗仔隊)影明星喇! 咁啲Paparazzi 影人又方便, 又唔會比人趕, 我哋又可以earn 到啲外快, 幾好呀!!......哈哈哈!!

  不過, 依兩個禮拜, 屋企附近真係好熱鬧. 感覺好有動感呀!

 ↓我家後門都多fans (我家後門=酒店後門, 外國明星也喜歡走後門架!! 哈哈!!), 所以, 後門濟滿人......第二張相, 係我家前門的餐廳....嘩!! 好多人...唔知點解啲明星喜歡係依間餐廳打戥....所以, 又係迫滿人.

↓有明星, 自然有靚車,...紅色法拉利, 銀色波子

↓我家的下一條街, 已經係超busy嘅路, 繁忙時間仲人車爭路行, 由於電影節, 啲明星車, 好似唔怕抄牌,泊到成街都係 (黑色車, 係專接載明星去會場架!), 而第二張相, 係一間瓷器店鋪門口影架!! 年年電影節都會把一架跑車, 放在四隻瓷器杯上(紅色箭嘴指住嘅物體...係瓷器杯黎架!!) 咁可證明啲瓷器,不易碎!

  過去嘅星期六, 我同Brian 回了我娘家食飯, 但夜晚11pm, 我們返自己家附近, 因為想趁電影節, 去一去Yorkville (明星夜蒲集中地), 趁熱鬧, 睇下有無機會見到啲明星!!

  係Yorkville 跟本, 就無路可行, 人多車多!! 真係斯文啲都行唔到!! 係依個景間, Brian 仲要渣車去Yorkville, (講真, 我哋屋企,行都行到去Yorkville...但他就係喜歡渣車去). 攪到我個心顧住架車, 都無心機去追明星!! 個心希望快啲歸家喇!!

  講真, 我真係好少睇戲, 中文或者英文戲都極少睇架!! 識都係識啲大路明星咋!!
可能,我有時行街, 自己見到明星都未必知道架! 所以, 我住咗多倫多咁耐, 自己居住地方好近電影節啲場地, 都無咩點留意電影節花紮架!! 今年, 算係行出第一步, 係電影節去趁下熱鬧.

  而我就真係好佩服啲後生仔, 女, 真係捕捉成日, 去影明星相!!  我真係佩服他們的柏力和本領!!

↓今年多倫多電影節嘅banner, 第二張相, 係啲人群聽到人叫Colin Farrell, 但行到去, 都比保安趕.....相都影唔到....所以, 我係網上copy 相落黎, Colin Farrell and his sister Claudine Farrell

↓嘩!! Yorkville 啲人多到吖.....啲人仲滿身酒味添!!

↓Yorkville 真係人多到爆, 想揾間pub 坐低飲野都無位

↓係Yorkville 亂行一通, 啲人真係超多!! 行行下, 有一堆人舉起相機, 啲人群話個blondy係明星喎!! 

↓我個相機影唔到快門, 人又多, 我跟本唔知道係咩明星!! 後尾去了雪糕店坐, 透氣!! 但原來依間雪糕店都係明星蒲點, 成間雪糕店, 明星相, 好似牆紙咁貼, 以前去依間雪糕店食都唔留意添!!

↓係X 季酒店門口, 又見到一堆人大叫舉起相機, 個個大叫 Matt Damon 呀!! 我影咗疑似Matt Damon and his wife Luciana Barroso!! (自己影)

↓我很喜歡Oprah Winfrey(第一張相), 我哋係X季酒店門口見到她架!! 但影唔切相, 所以, 又上網copy 相!! 今年, 電影節仲有Drew Barrymore (相片係從網上copy)

↓電影節仲有 Jennifer Aniston and Steve Zahn, 還有Paris Hilton and  boyfriend Benji Madden (相片係從網上copy)

↓電影節......仲有好型仔嘅 Brad Pitt (相片係由網上copy)