黎緊個weekend 就係Labour day 長周末!!! (September 5-7 都放假), 一到長周末, 我啲妹and 她們嘅另一半, 都問Brian 有咩攪作!! Brian都未知周末有咩節目時, 我啲妹and 她們嘅另一半都異口同聲, 話要去Brian 度開party!! (0下!!
咁咪即係攪着我!)現在, 我發覺我同Brian 屋企, 好似一舊磁石咁, 每逢長周末, 有啲咩需要慶祝, 都會吸引我啲妹嘅注目. 但Brian又好welcome 喎! 因為, 有得玩嗎!
但我有個心病架!! 有人黎我度, 無論係咩人, 我事必清潔得屋企舒服啲!! 有時, 連唔做嘅功夫都做埋, 好似見開洗衣機洗梳化啲cushion, 我會順便洗埋床單, 棉被套,枕套.......明明早倫先洗過, 但見開咗洗衣機, 又洗過...哈哈!! 最後, 我咪變相執多咗次床囉!!
有時, Brian 會同我講, 「Vicky, 唔洗抹得咁細仔架!! 太乾淨, 盞吸引我啲妹and 她們的另一半再黎玩過架!!」 咁又係....但我都係抹咗先安樂!! 所以, 我近排, 就係屋企四圍謄, 左抹右抹!! 不過, 有人黎都好嘅!! 我間屋變相切抵清潔....咁打後個星期啲家務就唔洗太密, 都係好事!!
今次, 個Party係一個bbq party!! 所以, 要準備好多bbq 食物!! 所以, 一放工就去買bbq 食物, 第一次去肉食中心買肉黎bbq, 希望會好食喇!!
↓係 M&M肉食中心買肉.....再去超市入貨.....但仲未買完, 聽朝再去第二間買過!!0
而晚餐, 我哋去咗don mills mall 買pizza外賣, 坐係公園啲露天茶座食!! 咁樣食法又幾爽喎!!由於, 今日後, 就開始放長周末.....所以, 飯後去食咗gelato 意大利雪糕添!! ...yeah!!
↓係don mill mall 食pizza!! 食完再行一陣商場...見啲window display幾靚, 所以,走去影!!0
加拿大9月份天氣清涼, 係戶外食野真係一流. HK依家熱都痴左線, 成日都三十幾度. 真係唔多願出街嫁.
ReplyDelete[版主回覆09/09/2009 08:21:00]florachk 我相信你係加拿大居住時, 會好掛住香港啲一切一切, 現在, 你係香港, 就會掛住加拿大啲天氣, 其實, 你對加拿大都產生了某程度嘅感情! 哈哈!
右邊幅相腸仔下面嗰包係咪side ribs? 我早排都買左兩條﹐特價幾抵! 但我就唔係BBQ﹐係焗唧! Enjoy your long weekend!
ReplyDelete[版主回覆09/09/2009 08:21:00]bobo de Licious: 係呀!! 係side ribs 黎架!! 我見特價咪買黎試下囉!! 原來你早排2555 都係整依pack side ribs 架!! 咁岩嘅!!
得閒搞下ｐａｒｔｙ都幾好呀～～ 大家都可以開心下！
ReplyDelete[版主回覆09/09/2009 08:21:00]傻妹: 每次攪party 都幾開心架! 有時仲會玩到喉都痛架!!哈哈!!
你真係勤力執屋啦，自己人黎開party，唔洗啦，我就係個隻懶人，如果係屋企人，費是執屋，佢地都知我間屋亂得緊要架啦
ReplyDeleteHappy Long Weekend!
[版主回覆09/09/2009 08:21:00]Mui: 你唔好讚我喇!! 我一啲都唔係勤力!! 我係有啲心病, 有人黎, 包刮自己人黎, 都會好講究自己間屋係咪清潔,乾淨, 整齊架!! 雖然, 我平時都有執下!! 但有自己人黎, 就會更加清潔......所以, 有朋友黎我度, 唔可以surprise, 要一早通知!! 以前係媽咪度住我唔係咁架, 係自己出咗去住先會有依啲介懷心, 算喇.......我無得救!! 比我執喇!! 哈哈!
i love my home...
ReplyDelete[版主回覆09/09/2009 08:22:00]小威威: 鐘意自己屋企係好事黎架!!
I mean 過來我到執
ReplyDelete不如你過來我都執
ReplyDelete[版主回覆09/09/2009 08:22:00]Kitty: 我明你想講咩!!!.....我依啲執屋態度, 只限於自己屋企, and 我媽咪間屋!! 唔會特別去人度執, 如果, 我喜歡執人哋間屋, 我就一早去做part-time 做個執屋工人, 同賓賓姐姐爭生意喇!! 哈哈! 因為, 我大廈有好多人想請賓賓姐姐架!! 哈哈!!
vicky: 原來你地都係放labour day weekend，我地都係喎，不過就係7號，祝你玩得開心！
ReplyDelete[版主回覆09/09/2009 08:32:00]陶陶夫人: 我都係7 號labour day呀!! 我都係8號先開工, ........美國and 加拿大都好似齊齊有labour day 架!! 你依個long weekend 有無去邊樹玩呀!!! 不過,有假放, 對我哋啲打工仔黎講, 已經好relax架喇!!yeah..
happy long weekend!!!!
ReplyDelete[版主回覆09/09/2009 08:32:00]表叔公: 多謝.....有假放! 就已經好開心!! yeah!
買左咁多肉既.....
ReplyDelete[版主回覆09/09/2009 08:32:00]心樂: 係呀!!多男仔嗎!! 當然要買啲肉喇!! 聽日就會主力買啲蔬菜! 而且, 玩bbq 燒肉黎食會好味啲!!一餐半餐多啲肉.....無所謂喇!
係講得岩, 因為係加拿大住果段時間係我既青蔥歲月, 多多少少都會懷念過去. 我都有3-4年無返過TOR, 亦好耐無感受過秋季果種清涼既感覺.
ReplyDelete[版主回覆09/10/2009 07:34:00]florachk 人就係咁, 係香港時, 就會掛住加拿大!! 我係加拿大咪又會掛住香港嘅一切一切!! 其實, 我舊年先返過香港, 但我其實有十年時間無返過香港!! 所以, 今次返香港, 感覺香港好多野都好新鮮, 好特別! 返了兩星期都覺不夠用! 香港比我嘅便利感覺, 真係加拿大比唔到我!!