四人晚餐

September 12, 2009 (Saturday)
   
   又到返娘家嘅周末了!!

   一早全家人(除咗有兩個妹妹要返工, 全部人, 包刮我們的另一半都到齊), 我們一家人, 就同相識了好耐嘅趙生, 趙太飲茶!! 講真, 人哋個啲family, 飲茶永遠唔會齊人, 但趙生, 趙太唔會介懷架!! 反而, 我Daddy 見少咗兩個妹飲茶, 實會呻.....「我哋又唔齊人喇!! 差兩個!!」現在, 啲妹大喇!! 要有自己工作, 自己事業, 唔通同公司請假, 為咗去飲茶咩!!

   夜晚只係得我同Brian, 和daddy, 媽咪食四人晚飯!!  好耐無試過四個人坐係娘家張餐臺食飯, 得四個食飯, 夾餸都舒服啲!! 雖然, 得四個人, 但媽咪仍然煮了好多餸!! 除咗我返娘家食飯, 多咗啲我口味嘅餸菜, 而且, 還要留起一啲飯餸比放夜工啲阿妹食!! 所以, 我媽咪煮餸, 仲係好大份量!!

  好多人都話,係外國生活好優閒.....工作時間比較少, .....但我哋五姐妹, 又唔係喎!!! 有時連星期六, 日都要返工!! 閒日又唔係放得早!! 唔通我哋五姐妹有鋪勞碌命? 哈哈!!

↓媽咪煮嘅飯餸, AND 同Daddy, 媽咪合照

↓趙太, (同我媽咪同住一條街)送了自家種植嘅番茄比我哋, 啲番茄好甜架!

   入夜之後, 啲妹相計回娘家, 我和Brian 夜晚11pm 出了街, 因為, 多倫多電影節, 去了Yorkville 區, 趁熱鬧, 睇下有無機會見到明星!! 我好少返娘家的日子走出街, 所以, 趁熱鬧時, 有點唔自然添!! 哈哈!