中午時份, 接到Brian 電話, 得知Brian 係公司收到一支紅酒!! ~~嘩!! 我都唔知幾開心!! (雖然, 支紅酒, 唔係咩野特別名酒, 但這份禮物, 我有份享用, 所以, 感覺份外興奮!!)
由於, 這個周末需要回家, 所以, 我們每個月12 號嘅相識紀念日, 需要提早一日慶祝!! 本來, 我毫無頭緒點慶祝之制, 突然間, 收到支紅酒, 咁就當然借個紅酒勢, 黎諗節目慶祝喇!!
放工後, 便約Brian 係地鐵站等, 一齊行去超市, 買點肉, 準備今晚嘅大餐!! 我整了燒排骨為主菜再配紅酒!!! 味道好夾!! 大家舒舒服服坐係屋企舉杯慶祝, 都唔知幾爽!! 哈哈!!
↓紅酒 and 燒排骨
↓啲排骨, 好容易整, 我用啲現成醬汁係啲排骨上, 再放入焗爐.....已經好yummy!!
=================================================================
今日, 去完超市, 返自己屋企, 樓下三個看交, 除咗如常和我打招呼, 還比了啲禮物我,.....份禮物....就係.....政府嘅分類垃圾盒。
雖我居住condo, 我都需要分類垃圾!! 我唔會一袋袋唔分類, 就放係每層嘅垃圾渠架!!
紙張, 鋁罐之類=---我會放係每層拉圾房嘅藍盒---我好合作架!
現在, 大廈派新藍盒比每一戶之外, 還派多個棕色盒比每一戶, 棕盒黎放啲可分解嘅垃圾, (例如, 蛋殼, 橙皮, 菜榨.......)我也會合作! 照足大廈指引用!!
其實, 我媽咪居住個區, 已經一早有依隻垃圾分類! 現在, 到我自己依區也需要, 講真, 我對垃圾分類唔會抗拒架!! 只係在拋垃圾方面, 放係唔同盒之嗎!! 咁舉手之勞嘅功夫, 其他有需要嘅人, 就可以廢物利用, 點解唔做喎!!
↓新藍盒 and 棕盒
咦....我第一添.....
ReplyDelete哈哈....你地久不久就有紅酒收, 有好幾次都係紀念日之前就收到, 個客係咪知道你地要慶祝呀?
幾好喎, 有分類回收, 點解淨係俾一個藍色嘅? 有幾類回收物件, 咁點分呀? 另外個桶用嚟做咩架? (我好似好多問題架添....)
[版主回覆09/18/2009 09:07:00]爆炸魔女: ~好勢利喎!!! 留到第一!!! 哈哈! ~你講開, 我哋先醒起, 咁岩我同Brian有咩節日, 都會有客送紅酒比Brian!! 老實講,啲節日係我定出黎, 邊有人知吖!! 都係咁啱得咁橋!! ~我張相, 影得唔好, 其實, 每戶分派咗兩個筒架!! 我將個棕色筒放埋入藍筒內, 一齊影!! ~而大廈派藍筒時, 會比張指引信比我哋, 照住張紙講解啲野做, 就得!! 好簡單咋!! ~我一移民時, 十幾年前, 我媽咪屋企個區, 都已經需要做垃圾分類架喇!! 現在, 我個區先逐漸開始有垃圾分類....講真, 依啲都係舉手之勞, 我唔會覺麻煩架!! 但我知, 有啲人好唔慣做分類, 照樣咩都放係垃圾袋度架!! 但我覺加拿大人對依方面, 係比較合作, 好多人係會垃圾分類! ~現在, 我居住地方, 每層都有間房比人放垃圾, 入到垃圾房, 會見幾個唔同顏色巨型垃圾筒, 藍色係放紙張(報紙, 雜誌, 果汁盒, 紙皮盒), 鋁罐(清潔咗嘅...汽水罐, 罐頭) , 膠瓶, 玻璃瓶(清潔咗...啤酒瓶, 果醬器皿, 醬料瓶) ......另外, 個棕色筒係放菜榨, 水果皮, 蛋殼, 食物骨頭之類......總之, 一句講晒, 跟色倒就ok, 如果真係其他廢物, 就會用膠袋儲好垃圾, 放係垃圾渠....幸好, 每層垃圾房唔臭架!! 日日有人收垃圾外, 仲日日有人清潔, 消毒 and 噴空氣清新濟!! 所以, 我倒垃圾唔會覺辛苦架!! 係廚房揾兩個位, 放多兩個垃圾筒之嗎!! 唔難架!! 哈哈!!
原來condo都有recycling架啦，我地里度就乜都要分開放，起初真係覺得好煩(我地有green, yellow and blue bin)，但慢慢就慣。
ReplyDelete[版主回覆09/18/2009 09:08:00]Mui: ~好多人都覺condo 唔做recycling 架!! 我係London Ontario 居住condo 時, 都要做recycling 架!! 黎到多倫多condo 居住時, 雖然, 只係得個blue box, 但就要將紙張, 鋁罐, 玻璃瓶, 膠瓶之類, 放係每層嘅blue box 收集處(垃圾房), 其他垃圾就用膠袋儲起, 儲到滿晒, 咪倒落每層嘅垃圾渠囉! 係現在, 多個Brown box 放食物榨, 我哋個brown box 即係你哋個green bin!! ~其實, 我一移民時, 十幾年前, 我媽咪個區, 已經做緊recycling 架喇!! (green, yellow, and blue bin 咩都有齊) 講真, 我初初一啲都無覺煩架!! 只係放垃圾時, 放係唔同位置之嗎!! 我覺得咁簡單就環保到!! 幾好呀!