November 17th 2008 (Monday)
Oh!!真係太耐了!!但我都係想寫低返香港個trip先! 因為, 我真係唔多機會返香港架!! 上年返咗香港一轉, 實在太難得!! 所以, 點都要記低佢!!!
我見好多加拿大移民返香港, 都着得比較明亮照人!! 可能, 去襯香港渡假就比較多時間, 連打扮時間都多了!! 我Daddy 都係, 係加拿大着得比較普通, 但係香港, 就着得比較莊重!! 我係香港反而沒有特別打扮!!! 個頭仲無咩點gel就走出街行!! 哈哈!! 好彩, 我啲朋友, 都唔介意!! 都認得我, 哈哈!!! 講真, 我返香港至在感受香港氣氛, 而且, 返hk 最主要目的就係與朋友相聚!! 雖然,平時msn, email 都可以傾餐飽, 但點同呢?? 要面對面見, 先見到朋友們啲動作, 講每一句話都有即時反應!! 咁先傾得更多開心, 傾得更加插入架嗎!!
原本依日, 可以同 爆炸魔女 去足成日街架!! 我知她專登請假陪我架! 她好有我心架!! 但我有個加拿大Uncle 突然間飛咗返香港辦啲事(只經香港數天)!! 由於,依個Uncle 係加拿大時, 好照顧我哋屋企!! 所以, Daddy 咪要我夜晚陪Uncle 食晚飯囉!! 因此, 最尾, 我轉咗plan! 無同爆炸魔女食dinner, 我揀咗同 爆炸魔女 由一早行街街, 一直行到dinner time 就講拜拜(好唔捨得呀!!) 不過, 多謝她體諒, 但真係好唔好意思!! 原本夜晚我可以玩打邊爐架!! 但最尾變咗去chinese restaurant 叫餸食飯!
講返, 依日旅程...我睇返啲相先知, 原來我同爆炸魔女係唔夠一日時間裡面, 去咗香港好多地方.....首先, 去咗又一城, ...再去沙田, 之後, 再去尖沙咀....真係一邊行, 一邊傾, 仲一邊食, 又一邊買. 真係好enjoy, 收獲仲好豐富!! (我相信她做了資料搜查, 因她帶我買了好實惠物品,....仲去咗某品牌嘅開倉 warehouse sale, 買買買, 真係住香港先識路去!)
返咗黎加拿大, 我有時會望返我香港影啲相....我有好多相啲片段, 都係同爆炸魔女一齊, 有時, 係加拿大使用返某一些香港購買返黎啲物品!! 我又會醒起, 啲物品係同佢一齊買架!! 如果, 我唔係返香港前, 識到佢, 我相信, 我今次返香港啲節目一定無如此精彩, 豐富!!! 多謝你!
↓好耐無係香港見聖誕裝飾, 見到就好興份....當然, 有同 爆炸魔女 合照喇!!
↓同啲display 物品影相
↓見到我喜愛雪糕.....又一齊影相留紀念
↓係港鐵站都影相, .......佢仲帶我食雞蛋仔...yummy!!
↓去咗同Uncle and daddy 食dinner.....我初頭以為同Uncle and 他太太食, 但我daddy 見我難得返hk, 就叫多幾個uncle and auntie 一班人一齊食.....我daddy 好似好鐘意我見啲Uncle and Auntie 咁! .....食咗條唔知咩游水魚 and 好特別嘅欖菜骨, 仲有好多好, 但又要講野, 又要食野...無影食物相.
1111111111111111
ReplyDelete[版主回覆03/18/2009 03:22:00]Kitty: 有我提水, 真係醒啲...哈哈!!
厲害喎....去咗咁多地方, 而魔女又知邊度買嘢最抵, 最啱做導遊啦, 哈哈~~~我都有時聽佢講有咩優惠而買平d, 幾好呀~~~
ReplyDelete[版主回覆03/18/2009 03:30:00]細細粒: ~係囉!! 都估唔到一日裡面可以同爆炸魔女去咁多地方, 而且, 仲買兩隻手都"澄"住購物袋!! 哈哈!! 魔女係我未返hk, 已經問我要買咩野喇!! 我買咗啲野全部都係我心中想買架!! 哈哈!! ~我見你都好似買咗魔女介紹嘅"郎"衫架呀!! 她買啲野真係可實用呀!! 如我係香港居住, 我買野前一定會問她意見!! 哈哈!
留咗先.....
ReplyDelete你話轉plan, 我仲以為你要轉電話台添, 原來係我個plan呀!
喂喂, 你同細細粒講到我好似好識買平嘢咁, 其實我都係咁啱之嘛, 人地唔知仲以為我係cheap精, 雖然我係呀.....哈哈哈! 我呢d C9係咁架啦, 你叫我帶你去買貴嘢就唔識啫, 平嘢就幫到吓你嘅.....
嘩....你呢個香港遊都有排post呀, 去咗兩個禮拜, 而家都仲未講完, 會唔會講到我個仔讀中學呀? 不過由你親自講返係唔同嘅, 亦都等大家知道你做過咩都好呀!
有時我都有諗返同你去街嘅嘢架, 好似冇幾耐嘅事咁, 但不知不覺已經係四個月前的事, 真係好快呢!
下次你返嚟, 我地要同埋細細粒一齊見面, 等我地兩個嘈吓佢都好呀, 兩把聲一齊轟炸佢....哈哈!
[版主回覆03/18/2009 03:47:00]爆炸魔女: ~又係嗱嗱臨留message 就去打機喇!! 哈哈! ~喂!! 買抵野係精明銷費者, 唔係cheap 精呀!! 我係加拿大都係精明銷費者黎架!! 仲剪埋coupon 先出街買野架!! 我唔認cheap 架!!哈哈!! ~其實, 你同我出街, 我次次都影響到你買野喇!! 我係香港時都一袋袋, 你都係呀!! 大家買到抵野先開心嗎!!! ~哈哈!! 我有時想盡快post 香港啲野架!! 但成日都怕整理相片, 所以, 成日都懶整理, 所以, 香港之旅啲野寫極都未寫完.....可能到我下次返hk 都唔知寫完今次旅行日其記未!! 但我點都會寫...因為, 我想有個回億!! ~我都覺時間過得快....不過,快都係好...因為, 我可以plan 下次返香港時間嗎!! 但2009 年依一年, 就一定無可能返香港喇!! 因我啲假已經密麻麻喇!!希望2010 有機會!! 到時, 我哋一齊同埋細細粒食下野, 見下面喇!! 我都驚到時細細粒講唔到野, 因為, 我哋兩個係咁講!!! 嚇親細細粒!!!
番過香港?好開心噃
ReplyDelete[版主回覆03/18/2009 03:48:00]Miss Cheese cake: 係呀! 返咗香港....十年無返香港喇!! 今次返香港感覺好新鮮, 好唔捨得走!!!
Vicky: ~確係有好多地方真係要人帶你去知會知架，你知啦，我諗你返HK前都係無做過資料搜集架啦，所以有爆炸 魔女帶你路，你真係可以慳番唔少時間同精神架。 ~佢真係好有心呀，專登請假陪你行，但其實我諗俾著好多有心人都會，我台灣個朋友黎HK玩，我都會請假陪佢架，朋來自遠方，當然要盡地主之宜啦。 ~你daddy可能想你一次過見下佢地，所以就安排佢地一次過同你一齊食飯囉，咁仲好啦，唔使分開幾次食。
ReplyDelete[版主回覆04/07/2009 08:48:00]陶陶夫人: ~無架!! 我無做過任何資料搜集就返咗香港喇!! 講真, 我返香港有返自己屋企嘅感覺, 而且, 我返香港, 真係想見下朋友, 享受香港生活, 所以, 無諗住做資料搜集!! 哈哈!! 幸好, 我啲朋友, 專登帶我周處走, 周處食, 好滿足!“ ~講事實, 我覺同公司請假係一件好難嘅事!! 如果無必要,我係唔會請假架!! 我落到幾大雪, 無subway坐, 我都係會照返公司啲人黎架! 所以, 有朋友黎探我, 我會早啲返工, 咁自己早啲放工陪朋友!! 真係唔會請一日假架!! 雖然, 好似唔盡地主之宜, 但我會用自己所有空間時間去陪朋友, 盡可能plan 啲特別節目同朋友娛樂!! 如果, 我請一日假, 會感覺唔自在架!! 所以, 你and 爆炸魔女係特別有心啲人, 會請假陪朋友! 我係做唔到架! ~我已經一早同daddy 講, 依日全日都唔得閒架!! 但無法喇!! 有uncle 突然間出現, 學你話齋, 一次過同啲uncle 食飯, 可以慳返時間, 我初頭都係咁諗!! 但之後, 我daddy 見我肯出去同uncle and aunties 食dinner, 之後, 依啲飯局陸續有黎呀!! 哈哈!!