March 20, 2009 (Friday)
近來, Brian 同三妹個男朋友好friend, 成日都有密計傾. 他們突然間, 都會攪啲節目一齊聚下!!! 今次, 就係玩打邊爐!
早排, 我試過同Brian 用麵豉湯底打邊爐, 感覺好好味!!! 所以, Brian 就叫三妹 and 三妹男朋友星期五放工黎Brian 度打邊爐囉!! 啲邊爐材料係Brian 買嘅!! 我就做洗下啲菜and 排好啲食物囉!!
但突然間, 有人到訪, 我緊係同間屋大清洗喇!! 雖然, 自己人到訪, 但都唔想失禮囉!! 所以, 我依排一有時間就起勢抹屋, 地又係咁吸!! 成個清潔女工咁!! 哈哈!! Brian 成日都話「岩乾淨, 唔洗抹喇! 坐係梳化睇電視喇!」可能, Brian 乾淨個定意唔同我喇!! 我此終都覺, 見到有塵就唔得囉! 所以, Brian 成日都話我勤力過啲菲庸囉!! 真可惡!!!
近排啲天氣暖一日, 凍幾日, 咁岩打邊爐果日又凍返, 天氣凍, 打邊爐就最正, 我哋四個人, 一邊食, 一邊傾計, 仲一邊睇電視, 不知不覺就食咗好幾個鐘, 而且, 仲放咗好多野落肚! ! 個肚食到脹book book 喇!! 哈哈!! 食得好開心!
↓今次, 打邊爐, Brian 買咗啲特別食材黎打邊爐!! 例如, 買咗粉果, 韭菜果黎打邊爐....咁樣食點心又幾得意!! 仲有泰國河粉and 我用酒醃咗啲雞翼,...啲雞翼咁食法又幾野味!!
↓開始喇, 開始打邊爐喇!!.....三妹男朋友仲買咗日本彈牙烏冬黎打邊爐, yummy!!
↓飯後我哋四個玩鋤大啲.....Brian 係床下底摷咗個洗牌機出黎洗牌添...哈哈!! (個洗牌機, 真係X年前買落, 記得Brian 買洗牌機時, 我好似仲未畢業!!哈哈!)玩啤牌都玩咗好耐, 我哋玩到攰攰哋仲落樓下, 行去咖啡店飲野, 玩到成3am ....哈哈!!
麵豉湯,打邊爐
Subscribe to:
Post Comments (Atom)
I also eat this Udon, taste good!! I also love hot pot very much.......
ReplyDeleteThe weather is really strange these few days, take care if not will get cold easily.
[版主回覆03/26/2009 09:00:00]小col: ~依隻烏冬, 聽就聽過人講, 但食就第一次食, 真係好彈牙, 啲烏冬打極邊爐都唔會碎, 幾好!! 有機會再買依隻烏冬!!! ~依家啲天氣真係一時時....一時凍, 一時暖, 都唔知幾時可以正常返啲!! 哈哈!! 我至怕凍, 所以, 天氣暖,都着大褸, 最多熱就除大褸囉!! ~大家咁話, take care 喇!!
你做咩唔叫我
ReplyDelete[版主回覆03/26/2009 09:02:00]Kitty: 依篇blog 係"St. Patrick's day" 果篇blog 之後post, 我估你會見到, 所以, 無提你111 囉!! 但一日叫你兩次1111, 你會唔會覺我煩架!! 哈哈!!
好想你 好想和你去 Lee Town
ReplyDelete[版主回覆03/26/2009 09:03:00]Kitty 我都想去lee town 呀! 啲點心幾正!!!但係我近排啲工作, 好似座山咁高....我想快快手,清咗佢先!!!
今次唔叫埋其他妹一齊食既? 而且佢哋過嚟要幾耐架?
ReplyDelete而家仲係咁凍呀? 呢邊就時熱時涼, 開始落雨LU...所以又涼番D....
[版主回覆03/27/2009 11:21:00]細細粒: ~其他啲妹有節目嗎!!! 所以, 咪無叫佢哋囉!! 而且, 依家啲妹開始大個, 要有節目and 私人空間, 所以, 我其他妹黎唔到, 我都無所謂!! ~三妹男朋友, 渣車黎我度, 大概要半個鐘就到!!(如果唔擠車計) ~我哋依家依邊, 都係凍, 但啲凍已經係正常凍, 而且, 近排啲天氣比較特別, 暖一日, 就凍幾日.....開始落雨添!! 我相信春天黎咗喇!! 哈哈!
又食又玩... 哈哈!~
ReplyDelete[版主回覆03/27/2009 11:22:00]小威威: ~又食又玩, 依樣兩樣野, 當然開心喇!!
麵豉湯底我又真係未試過，係咪可以買現成既呢？
ReplyDelete[版主回覆03/27/2009 11:23:00]Mui: 啲麵豉湯底一盒盒係T&T啲雪櫃買架!! 啲麵豉湯底好似啲tomato paste咁!!! 但麵豉湯要攪水, 你想咸啲就攪少啲水囉!!
麵豉湯做湯底....唔錯啵
ReplyDelete[版主回覆03/27/2009 11:24:00]心樂: 你下次打邊爐試下喇!
日本烏冬．．．正呀！
ReplyDelete[版主回覆04/01/2009 09:35:00]C&K: 我都比較喜歡日本口味嘅食物!! 所以,屋企實有烏冬看門口!! 而今次打邊爐...啲烏冬係三妹男朋友買架!! 依隻烏冬好爽!! 好好味架!! 哈哈!! 你有機會打邊爐,都試下用烏冬打喇!! 哈
Vicky: ~你地天氣凍打邊爐就梗係爽啦，但要打就好打啦，因為天氣就黎要回暖啦！ 你地d打邊爐料又幾創新喎，但最特別就係你自己醃左d雞翼，我都未試過用雞翼黎打邊爐呀！ 你三妹個男友真係識買啦，買讚岐烏冬，呢個地方出既烏冬係最出名架！
ReplyDelete[版主回覆04/07/2009 09:00:00]陶陶夫人: ~我哋唔會因為天氣冷or 熱,而唔打邊爐架!! 但無可否應, 係冬天會打多啲邊爐, 因為, 夏天可以bbq 嗎!! 我都等bbq, 等咗好耐喇!! ~有時, 打邊爐, 食黎食去都係果啲魚蛋, 肉丸, 會覺有啲悶, 都想攪啲新意, 我哋會買啲特別食物打邊爐架!! 況且, 三妹and 三妹男朋友, 大家都係年青人, 唔介意接觸新野, 所以, 就試多啲新食物打邊爐囉!! 而用雞翼打邊爐, 我哋已經試過幾次, 因為我哋喜歡食雞翼嗎!! 哈哈! 但我今次, 用咗啲酒醃雞翼, 所以, 啲雞翼特別野味!!! 啲雞翼係最早清晒!! 你下次打邊爐, 都試下吖! ~依隻烏冬, 我真係第一次食, 原來依隻烏冬好出名架!! 唔怪之得咁彈牙喇!! 哈哈!