我第一套化妝品

March 6,2009 (Friday)

     原本,今天想去購買Mac 新推出嘅 "閃亮hello kitty" 化妝用品, 講真, 套閃亮裝真係好靚, 好想擁有!!  但Mac's Hello kitty閃亮裝, 價錢相當昂貴!!! 一盒粉底都成百幾元(cdn), 還未計稅, .......而且, 個粉底面績仲相當細小. 用依個價錢買到其他更加好牌子喇!! 而且, "他" (Brian) 又話Hello kitty 唔夠大方. 所以, 無買!! .....但我個心好想要hello kitty 陪我化妝囉!! 但奈何, Mac's hello kitty 顏色渣上面, 真係唔多襯我......無奈!!

    之後, 行咗去Sephora (化妝品集中地), Brian 就好迅速揾到個化妝姐姐, 叫個姐姐幫我準備我日常所需嘅簡易化妝品....., 總之, 要快!!! 成間店鋪左行右行, 啲化妝品左試下右試下!!! 唔夠半個鐘, 已經買齊化妝用品!! 真快到自己都唔相信!! 我都估唔到, 自己第一套make up 就係咁誕生!!.........而張化妝品單,自己見到都肉痛..... 但"他"話值喎!! Brian..... 真係多謝晒!!

↓我就係買咗以下, 依啲化妝品, 有eye shadow, 有粉底, eye curler, eyeliner, and Mascara, 仲有個化妝袋連埋一套四支blush....我化妝品中,係無hello kitty架!! 我初頭仲估Hello kitty 會陪化妝架!! 哈哈!! 

   Brian 大出血完!! 就去咗食dinner!! 去咗間美國快餐店食!! 依間快餐店啲裝飾好懷舊架!!! 仲播埋啲懷舊歌曲, 最好笑, 係啲侍應會跳埋舞架!! 哈哈! 咁我咪拍手和應下啲侍應囉!! 一齊玩下有啲氣氛嗎!!哈哈!! 係依間餐廳食野, 真係又食得,又玩得...哈哈!!

↓餐廳每張臺都有個點唱機, (但唔知個點唱機真定假).....我哋食咗好美式嘅快餐, Burger, grill chicken sandwiches and 薯條...仲有milk shake

↓Brian話個burger 啲onion 係炸onion ring 黎架!! 佢話好得意叫我影低!!! .......同場仲有侍應跳舞, 好得意架!!! (黑色箭咀指住, 果啲解侍應黎架!!)

     食完飯, 當然,返屋企就即刻試啲新買嘅化妝品喇!! 一次過買咁多!! 緊係即刻試玩!! 試化妝前, 我仲上msn 問一問朋友(Kitty) 啲落妝問題先!! 因為,  我想知, 化完妝後, 應點處理個妝, 問下Kitty 我有無足夠材料, 我先開始化!!! 而且, 我感覺, 化妝and落妝都要了解清楚, 咁成個化妝程序先至夠完美!!  我問完Kitty化妝需知, 我先動手化妝.......

     嘩!! 原來,化妝好麻煩架!  要印粉上面, 又要夾眼睫毛, 又要畫上下眼線, 掃Mascara, 掃眼影, 渣唇膏......由於, 化妝黎講, 我係非常新手.......每一個步驟都用咗許多時間才順利完成!!! 真係無咩必要都唔想化, 哈哈!!  我化完妝,仲即影相, send 比朋友Kitty 睇添!! 哈哈!!等Kitty 比啲意見嗎!!

↓剛剛化完妝(第一張相), 原來自己個黑眼圈咁大, 咁黑架!!! 即刻印啲粉去遮住黑眼圈先, 第二張相個妝好返啲, 第三張相係落咗妝個樣,....原來化妝樣係會有神啲架!!

     其實, 早排話要學化妝, 我係啲web-site都有睇過啲化妝需知.....當做下功課!!! 原來, 做過下功課, 真係好啲, 化妝時, 都唔會太"呢 hea" , 我今次算係第一次正式化妝,  感覺化妝都唔係, 我想像中困難, 但要熟手, 真係要下啲功夫囉!!
 
    而我化完妝, 當然會問下Brian 意見l喇! Brian 話..."估唔到我化咗妝, 對眼係可以咁大架!!!" 我覺化妝只係令到自己個樣係夜麻麻都會顯得有神啲!! 個人明亮咗!! 而且, 我化妝只會化自然妝!! 太誇張啲顏色我還未接受到, 但今日化妝, 係一個好開始!!! 哈