已經三月了, 天氣仍然寒冷, -20℃, -30℃又再重現, 自己個腦只是想留係自己屋企邊度都唔想去!! 其實, 住得加拿大都預咗天氣會比較寒冷, 一兩日-20℃ 都ok!! 但如果連續幾日keep 住係咁, 真係習慣唔到!! 哈哈!!
但就因為凍, 係屋企食飯比較多咗!!! 而且, 天氣寒冷, 真係好想食啲甜品潤下!! 係屋企食完飯無耐, 就會整啲糖水食下!!!
↓食咗日式咖哩飯, and 紅豆芝麻湯丸糖水
↓我食dinner 好簡單, 有時淥碗麵加啲肉丸and 菜就一餐!! 但依日特別啲, 用咗麵豉湯黎淥麵! 飯後, 有糖不甩(豆撈),---啲豆撈粉係Kitty 比我架!!
↓有日, 食咗炒飯, 再滾湯.....甜品係豆漿湯丸+豆撈粉
↓有日, 好簡單係雪櫃攞個Frozen pizza焗, 加玉米又一餐....飯後, 沖茶嘆cookies
↓有日, 食三文治+街外咖啡又一餐, ......飯後甜品有紅豆湯丸+豆撈粉
-------------------------------------------------------------------------
*我有陣時寫blog, 寫好慢, 仲整理相片需時, 所以, 有時, 我post 遲咗blog 上黎, 今日, (March 6th), 天氣好溫暖!! 成16℃, 我都唔知幾想飲凍可樂, 食雪糕....哈哈! 我今日一邊行返屋企, 就同自己講, 春天真係來臨喇! 我好快唔需要着太"擁粽" 出街喇!! 可以出街唔需要幾層衫...幾層褲嘅冬季服飾喇! 諗起都想笑!!
1111111111111
ReplyDelete[版主回覆03/12/2009 04:36:00]Kitty: 穩佔地位!!!
everything looks good. It's warmer these few days, but not much sunshine........have a nice weekend. I need to start working half day on sat.........
ReplyDelete[版主回覆03/12/2009 04:40:00]小col: ~thanks...我煮野食好求其, 但求快啲開到餐就得!! 哈哈!! ~溫暖一陣, 今日(March 11)又凍返!! 都唔知啲大褸幾時可以收埋!! 哈哈!! ~你星期六都要有分長短週架!! 咁星期六都係半日, 好容易過!! 放工食過下午茶獎勵自己囉!
d 豆撈粉應該好okay lar? 唔係你點會整咁多次
ReplyDelete[版主回覆03/12/2009 04:43:00]Kitty: 咁就當然喇!!! 啲豆撈粉咁香...我煮甜品都落啲黎配襯下!!! thanks!! 但仲未食晒..哈!
你哋果邊都仲咁凍呀,真係唔願出街呀!!!
ReplyDelete[版主回覆03/12/2009 04:46:00]V&M: 其實,暖返幾日, 依倫又凍返!! 最好笑係朝早起身啲天氣都係零上, 到放工啲天氣已經零下10℃溫差相差好大.....好難適應, 都唔知着咩先適合!!! 哈哈!
哈哈....留咗呢篇先.....我又要去打吓機呀!
ReplyDelete我見到好多用具好熟面口喎, 你用咗我隻杯有冇諗起我呀? 難得你唔嫌棄肯接收佢呀, 仲有同你買嗰支筆呢, 見到都好懷念同你去街街的日子.......我知你特登晒冷嘅! (就算唔係都當係架喇!)
咁大個女都未試過生活喺零下嘅日子, 我成日都話鍾意凍, 但如果我試過長期要對住零下, 到時都唔知會唔會話想熱呢?
你又要返工, 加上咁凍, 你都仍然會煮都好好喇, 我覺得每餐的食物都唔錯呀, 仲有埋甜品添.....正呀!
[版主回覆03/12/2009 05:22:00]爆炸魔女: ~你唔止中Hello kitty 毒, 你仲中埋打機毒...哈哈!! 留完message 即刻去打機!! 我上次去你個pet society 探完你間屋之後,我都無再玩了!! 哈哈!! 因為,都唔知點玩好...哈哈!! 不過,你間屋真係粉飾得好別緻!! 如果, 現實世界, 我真係可以咁容易探到你就好喇!! ~啲用具緊係熟口熟面喇!!! 因為你送比我架嗎!! 我用依隻杯時,我都同Brian 講, 係你送比我!! 初頭Brian 都會望下, 但講得多 Brian 多數都會"哦"一聲, 之後, 我就自己就沈迷返我hello kitty 碗蝶裡!! 哈哈!! 因為, 我只係廚房啲物品, 我先可以有更加hello kitty 陪住我!! 而且, 大部分都係你送給我, 或者同你一齊買....你知唔知, 你已成功霸佔我廚房喇!! 哈哈!! 而支筆, 係我特登show 出黎架!! 見寫開野, 就放埋支筆係個碗隔離囉!! 係屋企我會攞黎望下, 寫下野! 有時出街,會帶住依支筆架!! 我上次返屋企就用依支筆畫點心紙!! 哈哈!! ~其實, 連我自己都無想到, 自己長大之後,會係一個寒冷國家生活!!! 不過, 住得加拿大就預咗會凍!! 我都住咗加拿大都有一段時間, 其實, 凍天氣我都已經識防備下, 盡量包實啲自己!! 但因為凍, 有時,真係唔想出街, 連買餸咁簡單嘅事, 都唔願去!! 好似香港夏天天氣熱, 啲人都唔願出街比太陽晒!!! 令願涼冷氣! 不過, 人就係咁,夏天想凍啲, 冬天想熱啲...哈哈!! 我買咗新褸都想天氣凍啲, 可以着新褸出街喇!!! 哈哈!!
~我而家煮野, 但求快啲開餐就算, 求其煮啲簡單食物又一餐!!! 而啲甜品係現成架!! 我整熱就有得食!! 所以, 都唔費時間架!! 有陣時, 係屋企食唔需要煮太多!!! 簡簡單單都已經足夠!! 所以, 你都係, 有時煮dinner 唔需要太完美...有菜,有肉, 有飯or 麵, 夠一日所需嘅營養就得!! 最多, 一星期煲兩,三次湯, 飲幾日就得架喇!! 費事,做到自己太辛苦!!!
我都唔知咩係豆撈嚟? 但見你都有幾餐食湯丸, 又有用呢隻豆撈同紅豆, 唔同配合就變化咗d, 都幾好喎~~~ 我都成日滾d麵同加d肉丸, 菜都少條呀....哈哈~~~ 咁凍天氣我都一定唔煮添呀, 洗碗都懶得郁...哈哈~~~最好成日瞓覺~~嘻嘻~
ReplyDelete[版主回覆03/12/2009 05:33:00]細細粒: ~你有無食過糖不甩呢?? 糖不甩面頭個啲花生碎, 糖, 椰絲, 咪係豆撈粉囉!! 依啲豆撈粉,我相信門市無得賣, 係我blog 友Kitty 自家製架!! 我就用依啲豆撈粉, 左撈右撈,變咗好多特別甜品出黎, 其實, 你唔好以為我好勁, 可以整紅荳沙, 其實, 我啲甜品,全部都係現成野黎架!! 連湯丸都係現成野, 只要整熱就食得, 好簡單方便!!! ~我而家夜晚餐飯, 真係好簡單, 但求快快手手開飯,就算!! 但點都會有肉, 菜, and 飯or 麵架!! 如果你哋少食菜, 就飯後食水果或者飲果汁, 都ok 架!! ~嘩!! 我幾凍都會洗碗架!! 我好怕啲碗, 食完唔洗架!! 要洗完,我先安樂架!! 如果, 要我唔洗碗就瞓, 我瞓唔到架!! 而且, 我係一個奇怪人, 因為, 我唔太喜歡睡覺架!! 哈哈!!
-20~30c 香港呢到得十幾度 我都唔想出街啦~~
ReplyDelete淨係好想留係皮 '逗' 到 唔想番工 哈哈哈
呢排你係咪愛上左湯丸~~
[版主回覆03/12/2009 05:38:00]畫: ~住得加拿大都預咗凍!! 就係因為係加拿大,家家戶戶都有暖氣,所以, 天氣一凍, 真係好簡單嘅買餸, 都唔願去!! 因此, 係冬天,我屋企個雪櫃好多糧食架! 哈哈! ~係呀!! 我近排愛上湯丸, 甜品!! 可能天氣乾, 需要滋潤下喇!! 哈!!