March 28, 2009 (Saturday)
其實,我去邊度都好!! 我每一日都會帶住部電腦周處走架! 包刮weekend出街行都會帶住架!! 所以,電腦越輕巧, 就越適合我!
每星期放weekend係我一星期最期待嘅日子! 雖然, weekend 多數都要買下餸, 但Brian都會去coffee shop 飲下野, relax下!!
平時係自己屋企係無可能靜靜哋嘆到coffee 架!! 因坐襯係屋企, 太多引誘, 又有電視, 又有雪櫃喇......又見到吸塵機 or 攞住毛巾周處抹, 總之, 我坐係屋企我實周身郁 , 一杯咖啡都嘆唔到架!!! 點都要出街飲coffee.....坐係咖啡室, 就即時有零零靜靜嘅感覺! 連坐係咖啡室玩電腦都專注啲!
所以, weekend 一抽到時間就會去咖啡室坐下! 順便比Brian 休息下!! (因我係咖啡室, 一定唔會周處騰),哈哈!
↓在coffee shop 的安靜時間.....還會好專心玩電腦!
就係咖啡店,靜靜哋,比我上網見到有間食店係食雲吞麵!! 就飲完咖啡,同Brian去雲吞麵店出發!!
依間雲吞麵店啲雲吞就一般喇!! 但啲麵就淥得好爽, 好似香港雲吞店啲麵質!! 而Brian話除咗麵好食, 啲牛肉整得唔錯!! 食完渣車返屋企途中, Brian話有時間會再依間雲吞麵店再食過喎!!
↓就係專心玩電腦, 比我係網上有新發現, 發現到, 平時擦覺唔到嘅雲吞麵店!!! 依間雲吞麵店好特別, 每張臺都有個出水位, 自己想飲水就按水機製!! 啲雲吞麵好爽嘅, 諗住遲啲再食過!! 哈!
111111111111111111111111111111
ReplyDelete[版主回覆04/04/2009 12:51:00]Kitty: 我一提水, 你就即回! 好快手!!!
我地lunc 去o個度啦
ReplyDelete[版主回覆04/04/2009 12:51:00]Kitty: 0下! 如果lunch 去依度食,我哋要坐車去喇!! 都唔知有無咁多時間, 哈哈!! 去Lee town 食點心仲好喇!! 又近,又好味! 但我都唔敢開空頭支票話同你食lunch 住!! 因為, 我想快啲清理下我啲工作先!!
你返嚟我都唔夠時間同你去食雲吞麵呀, 而家俾你搵到, 咁同香港的味道係咪差不多架?
ReplyDelete連食雲吞麵都有得上網, 香港有得上網的地方都要食西嘢, 好少中嘢都有上網架!.....香港做咩都要快, 根本食店都唔會度度都俾你上網, 佢地反而驚我地坐得耐呀.....哈哈!
[版主回覆04/04/2009 13:00:00]爆炸魔女: ~hey, 唔緊要, 你帶唔到我食雲吞麵, 但你帶咗我去其他特別地方食野嗎!! 我喜歡啲麵係爽口啲, 因為香港啲麵好爽口, 依間雲吞麵就做到依個效果囉!! ~我都係無意中上網, 摷到間雲吞麵鋪!! 不過,我係雲吞麵鋪都見到有人放部電腦係臺上網架!! 但食雲吞麵都係短時間, 我都費事攞部電腦出黎喇!! ~香港好多時, 步行去食雲吞麵, 但加拿大去邊度都好, 好多時要渣車去先方便, 包刮食麵, 如果, 要我坐車黎依間雲吞麵鋪食碗麵, 再坐車走, 我令願唔去食喇!! 因為坐車時間仲耐過食麵, 用咁多時間為碗麵, 真係要有心先會咁做!! 所以, 多數加拿大啲食店都唔會趕人走架!! ~不過, 我覺依邊啲人都幾有discipline架!! 見到門口有人等位, 都會食完就馬上埋單架!!
O.....誤會了, 原來你去了兩間店食嘢.......
ReplyDelete[版主回覆04/04/2009 13:06:00]爆炸魔女: ~唔緊要, 我明你講咩....我依篇blog 確實交代得馬馬, 哈哈!! ~不過, 我係依邊, 周處都見到人拿住部電腦用架!! 由其事,係coffee shop, 有時係food court 都見到!! 但我食野就費事上網喇!! 食野覺專心啲,會好啲!! 哈哈!
你又會無啦啦發現間雲吞麵店既? 香港有太多啦, 所以隨時都食得, 咁你返嚟有無食過呀? 香港都有好多好出名既店......有D食牛腩好正架~~~
ReplyDelete[版主回覆04/04/2009 13:10:00]細細粒: ~其實, 我身處係加拿大已經好好, 因為比較多香港移民, 所以, 想買香港野, or 想食香港食物都容易啲!! 但相比起香港, 當然無香港咁多選擇, 同埋咁方便喇!! 此終,都係外國地方嗎!! ~我都係上網, check 下啲食店名, 就比我發現到依間雲吞麵店, 其實,我係香港有去過雲吞麵店, 但就比其他食物吸引咗! 食咗第二啲囉!! 哈哈! ~我唔食牛肉架!! 所以, 無咩點留意牛腩啲野架!! 但Brian 會食架!! 他就係依間雲吞麵店, order 咗牛肉食囉!
好耐無探你啦, 你最近好嘛?
ReplyDelete雲吞麵, 真係好懷念
[版主回覆04/04/2009 13:12:00]通少: ~我好耐無去你度留言至真, 多謝你過你探我呀!!! 我最近, 比較多野做, 所以, 連煮飯食都以簡單為主!! ~早排見你話, 公司轉咗個新head, 啲工作方式唔同晒!! 而家隔咗陣, 有無習慣啲呀?? ~係外國生活, 當然特別掛住雲吞麵, or 香港style 啲野, 但見你平時煮野食, 其實, 你煮啲野, 係香港都未必食到喇!! 你煮得好多品種出黎, 真係出書都得,哈哈!!
正呀!~
ReplyDelete[版主回覆04/04/2009 13:14:00]小威威: 啲麵的確唔錯架!!
Interesting!! This wanton noodle place is in downtown???~~
ReplyDelete[版主回覆04/04/2009 13:20:00]flying cupcake: 依間雲吞麵店唔算係downtown架!! 係located 係mid-town!! 係5313 Yonge St. 大概係 Yonge/Finch or Yonge/Sheppard。 你有時間同柴狼爸爸一齊去食吖!
放假梗係要輕鬆下啦~~~
ReplyDelete[版主回覆04/07/2009 09:18:00]V&M: 你講得岩, 放假就一定relax下! 所以, 我放weekend 就唔想煮飯, 想出街食野架!!
quite interesting, what is the name? not far away from my home, can give it a try.
ReplyDelete[版主回覆04/07/2009 09:19:00]小col: ~間鋪頭名叫 "Hello 雲吞"! 我覺個名有點怪!!! 哈哈!! ~依間店鋪, 食物選擇唔多, 得魚肉, 雲吞 and 牛肉麵/米/何 (可以雙併, 三併), 仲有牛根麵, and 炸醬撈麵. That's all. 不過, 而家加咗hot pot, 但就逐蝶叫, 唔係任食火窩. 得閒有時間, 去食下喇!!
下次去食下先至得.
ReplyDelete[版主回覆04/07/2009 10:42:00]Edison & Cherry: 好呀!! 地址係5313 youge st. 你有時間同Edison and cherry 一齊去食丫!!
Vicky: 你可以話係妹仔命呀，點都要勞動一下先安樂，岩架啦，你去coffee shop乖乖地坐定定，等Brian唔使好似睇住個女咁，有得休息一下。 我諗你點解每次都可以打咁長既blog，係咪就係因為你夠專心呢?
ReplyDelete[版主回覆04/07/2009 10:43:00]陶陶夫人: ~我真係坐唔定架!! 我忍唔住就會做下啲野先安樂架!!! 有時, 我周圍騰得多, Brian 都會叫我坐低架!! 哈哈!! ~但出到街,我就會好啲, 會坐定定....所以, 一到weekend 我哋又唔洗返屋企, 就會去coffee shop 坐下.... ~你係咪想話我寫blog 寫到好長氣呀!! 哈哈!!其實,我回blog or 寫blog 都好, 我都要靜靜哋先寫到架!! 一靜, 思想多咗, 而且, 令到寫啲野都多咗, 所以, 每篇blog 都長篇啲!!哈哈!! 但好開心, 有咁多blog 支持. 多謝晒!