由於, Daddy 由香港返咗黎加拿大, 所以, 我每個weekend 嘅節目, 都係返媽咪屋企!!! 我好師奶架, 臨返媽咪度, 仲執咗啲清潔濟 and 用具去媽咪度, 諗住幫一幫媽咪清潔間屋!!! 哈哈!! 所以, 我啲妹成日笑我似"家有喜事"(第一輯) 果個由吳君如飾演嘅"吳德嫻"!!!! 因為, 我去親媽咪度, 都周身唔得閒, 係咁周圍抹....哈哈!!
咁岩依個周末, 三妹男朋友生日...所以, 星期五(Feb6)一放工, 就趕住出街食日本dinner, 同三妹男朋友慶祝!!! 唔知點解, Brian 同三妹男朋友好好傾, 成日都傾密計, 好鬼friend, 因此, 餐生日飯, 都係Brian 請客........ 依餐生日飯緊係食得好豐富喇!!! 食到個日本店主, 主動送甜品比我哋!!哈哈! (日本菜啲相, 係由喜歡攝影嘅三妹男朋友影, 我都等緊佢post!!)
到星期六 and 星期日下晝, 多數都係同屋企人出街飲茶....周圍試下啲新野....其實, 我屋企比較人多, 有時都想去茶餐廳食個 lunch, 飲杯奶茶架!! 但茶餐廳邊有咁大張臺比我哋一家人一齊坐呀?! 所以, 通常就去飲茶囉!!!
以前, 我啱啱移民黎.....覺得加拿大啲酒樓裝飾好簡單架!! 不過, 算喇!! 去到外國都有茶飲, 有啲chinese 野食, 都唔理得咁多!! 但依幾年開始, 啲小餐廳, 酒樓都開始陸續翻新 ....裝飾得好有現代感.....坐都得坐得舒適!!! 今次出去, 媽咪帶我一間新restaurant 飲茶......啲點心都幾特色, 而且, 裝飾and 座位都比人有舒服個感覺!!! 講真, 一間restaurant 裝飾 or 翻新開, 其他啲restaurant 都會跟住做....增加競爭力嗎!! 飲食生意都唔容易做!!
↓去咗一間名叫做..."官廷御宴" Yang's fine chinese cuisine 食...係16th Ave and Bayview. 我唔識讀依間restaurant 嘅第三個字.....同時, 我五妹話, 她連媽咪個中文名都唔記得點寫, 所以, 我就教一教她點寫囉! 因此, 唔記得問媽咪依間restaurant 個第三個字點讀...哈哈!! 而依間restaurant 比我感覺好舒服, 可以坐耐啲!!哈
↓早倫同Brian 去麥當當食餐, ....大家都知麥當當啲野食都係以快餐為主, 但麥當當竟然都裝飾到, 好似一間優閒餐廳咁, 有火爐, 有平面薄電視享受, 真係食個快餐都好似係度嘆緊咁!!!
↓又有日, 行完街, 想隻腳休息下, 去咗一間係多倫多周圍都有嘅咖啡店(Second cup)坐下.....嘩!! 依間咖啡店又裝飾得好舒服!! 突然間諗.....媽咪間屋 and 自己屋企都住咗一段時間了,需唔需要大收革呢???
間酒家好近我屋企，等我下次返屋企又試下先
ReplyDelete[版主回覆02/18/2009 16:13:00]Mui: 你都好耐無出黎喇!! 你快啲出黎, 順便同你屋企人試下依間restaurant 喇!! 啲點心幾特色架!!
vicky: 情人節快樂呀!
ReplyDelete[版主回覆02/18/2009 16:15:00]C&K: 多謝你, 大家咁話, 情人節快樂...應該話...天天同你大少都快樂!
情人節快樂!!!!
ReplyDelete[版主回覆02/18/2009 16:16:00]V&M: 多謝你, 我都祝你同張生, 日日都快樂....!
淨係你哋4個去食嘢? 好少可唔係幾姊妹一齊慶祝喎.... 情人節快樂啦!
ReplyDelete[版主回覆02/18/2009 16:19:00]細細粒: ~係呀!! 我三妹男朋友生日, 係得我哋四個去食, 一來其他妹唔得閒...二來, 我parents 係唔太喜歡食日本野, 所以, 三妹男朋友飯局, 只得四個人....但四個人仲好喇! 我哋圍內可以傾多啲野!! ~你今年係第一年結咗婚過情人節, 有咩特別呢?? 我都祝你情人節快樂, 同Raymond 日日都甜甜蜜蜜!!
happy V day!~
ReplyDelete[版主回覆02/18/2009 16:20:00]小威威: 多謝你!! 我都希望你能夠好快揾到至愛!
麥當當 really looks comfy with the fireplace. I haven't go to 官廷御宴 b4. I know they changed a new name. 御讀 "预"
ReplyDelete[版主回覆02/18/2009 16:27:00]小col: ~依家啲食店, 真係好識裝飾, 連麥當當都起革命...哈哈!! 我覺近幾年啲食店, 好像鬥緊裝飾咁....啲食店唔止係買野食, 仲講環境,講享受...依家啲人生活指數都已經唔同晒喇!! ~唔該晒...御讀 "预" .....‘官廷御宴’ 成個名都幾難讀....哈哈!! 你快啲去試喇!! 我覺你會鐘意依間啲點心, 因為,有啲點心都幾特色架!! 有時間..就同小Niel and 你奶奶去食喇! 依間應該近你啲!!
hi Vicky, you did not know how to read the name of the Chinese restaurant .... So, how did you know how to get there/find the restaurant?
ReplyDelete[版主回覆02/18/2009 16:31:00]Mrs.Tin Tin: 因為, 我媽咪車我去依間chinese restaurant 嗎!! 所以, 我唔識讀餐店名, 我都飲到茶...但我會記住我唔識讀嘅中文字點寫, 有機會就會問人點讀!! 哈哈! 依家住得加拿大耐咗, 真係好多時唔太記得啲中文字點讀架!! 哈哈!
Vicky: ~其實d餐廳肯改革，真係對你我都有好處，呢d就叫做雙贏啦，哈哈！ 間酒樓又真係幾摩登喎，而且睇落光明潔淨，好舒服咁呀！ 我見你間麥記都覺得好溫暖呀，個暖爐係咪真係用得架?我諗近住暖爐個位肯定成日有人爭住黎坐o者！ 加國都好丫，d餐館會變下，我呢個鬼地方，真係十年如一日，梗係啦，d大陸人無要求，只係最緊要平。
ReplyDelete[版主回覆02/24/2009 04:42:00]陶陶夫人: ~以前,加拿大啲食店, 裝飾得好簡單架!! 但唔知點解依幾年開始, 啲食店就爭住咁大番新, 一間比一間好坐, 一間比一間好食, 無計喇!! 我相信太多人競爭喇!!! 唔大番新, 都可能無人幫襯...... ~邊個唔想食平野架? 我依邊都好多地方係以平價作招客......依家經濟唔好嗎...個個都想save 啲架喇!! 我諗而家周圍啲食店都係一樣....鬥平爭客架喇!! 不過, 我成日有個感覺, 覺美國人好捨得洗錢架!! 我相信美國都有好多具特色嘅餐廳, 因為美國人願花錢去食野.....買野架!!