February 21, 2009 (Saturday)
都估唔到, 我係2009 年過咗成個幾月, 我都係第一次係自己屋企打邊爐!!! 上個月, 啲天氣都差唔多日日都好寒冷, 我竟然醒唔起要係屋企打邊爐添! 依我咁喜歡打邊爐依個玩意嘅我, 咁耐都唔打邊爐, 真係覺有點怪!!! 哈!!
可能, 就係一場雪暴!!! 令我打邊爐嘅心情又再復燃...哈哈! 一早聽天文台話星期六(Feb 21) 會有雪暴, 我就好似聽到打仗依個消息咁, 立刻去chinese 超市買啲存糧....當中買了唔少打邊爐材料....準備落大雪, 打邊爐!
今次去chinese超市掃貨, 比我見到有一盒盒日本麵豉湯醬賣, 我就靈機一觸, 用麵豉湯黎打邊爐,....原來, 用麵豉湯打邊爐又幾好, 清清哋.....啲食物入晒麵豉湯味,...都幾似日式火窩架!!! 由其事, 落啲烏冬係火窩湯低淥, 食烏冬時, 真感覺到去日本餐廳, 食烏冬嘅味道...哈哈!!! 下次, 打邊爐再encore 過麵豉湯先得!!
↓係chinese 超市入啲打邊爐食物, and 一啲啲零食.....準備留家避雪暴!
↓雖然話, 有雪暴, 無咩必要都唔好出街...但我星期六一起身, 見仲未落雪, 天色只係暗暗哋, 我個心忍唔住, 好想出街行, 所以, 就"聊" Brian 同我出街食bagel....點知食完Bagel 無幾耐, 場雪就黎喇!! 真係好大雪呀!!..(我食B.L.T bagel, Brian 食salmon bagel)
**不過, 天文台將依場雪暴,講到好大咁!! 但end up 啲雪又唔係落好多! but, 我都多謝天文台講到場雪暴好大件事...令我可以係自己屋企慢慢渡過一個weekend!
111111111111111
ReplyDelete[版主回覆03/03/2009 06:07:00]Kitty: 好野....第一...
唔係咁大雪jeh
ReplyDelete[版主回覆03/03/2009 06:12:00]Kitty: 我初頭聽天氣預告, 話會落好大雪, 我仲估場雪大添!! 但到頭來, 啲雪都唔太大....雖然, 都見到啲景像係比白雪cover 晒, 但啲雪落咗一陣就停咗...!!! 其實,都好, 落咗少少, 第二日要出街都唔洗太唔方便!!!
香港就天氣潮濕, 好似春天咁, 而你嗰邊都有排會落雪, 我見中國湖北呀, 其他地方都連場大雪, 係廣東地區先會潮濕溫暖, 天氣變化得好大呀.....真係有D擔心地球天氣唔知變成點~~
ReplyDelete[版主回覆03/03/2009 06:21:00]細細粒: ~地球啲天氣係除時會變化,但擔心得幾多吖?....四季係自然現像, 每年都會潮濕,每年都會凍,每年都會熱....雖然,係要時間適應變化......但最好唔好比天氣影響自己心情呀!!! 因為,天氣啲野你都控制唔到..哈哈!! ~都見你買咗抽濕機, 點呀!! 好唔好用呀?
I love bagels. Raisin bagel with honey is my favorite.
ReplyDelete[版主回覆03/03/2009 06:23:00]Mrs. Tin Tin: 我又未試過食Bagel 配honey 黎食, 定我都試下先!! 但聽落去感覺會幾好配塔!!! Thanks for share
我呢邊天你都唔多好... 藍天白雲好少見到呢...
ReplyDelete影相出嚟效果都爭啲啊!!!!!!
話時話.. 我都好耐無打過邊爐啦... 哈
[版主回覆03/03/2009 06:31:00]畫: ~唔知係香港有個廣告講開藍天白雲, 真係好多人講依樣野, 不過, 係人都想見到藍天白雲,但有幾何丫!! 啲天氣又唔係我哋控制....最緊要, 唔好比天氣影響自己要做嘅一切!!! 如果,講影相, 好天同唔好天, 其實, 都可以步觸到唔同角度.....哈哈!! 我見你日夜,啲相都影得如似好....完全唔係劣作!! ....而且, 你比我知, 原來香港一啲都唔細架!! ~我前日,又再一次打邊爐,....哈哈!! 因為,我哋近排又凍返, 得零下30℃,依啲天氣打邊爐最岩喇!! 哈!
但你始乎遺留咗地球天氣已經變得唔尋常, 又反覆常變, 我都已經好擔心LU...暖化情況已經好嚴重, 天氣變得好唔穩定囉~~~
ReplyDelete可能我呢度第一次用, 開既時間唔算長, 所以抽水都唔係話一次就抽得乾晒, 暫時都唔知好唔好, 不過都抽咗幾次, 抽乾過D衫架~~~
[版主回覆03/12/2009 02:53:00]細細粒: ~天氣地球已經變化, 其實, 我哋以前細個都可能經力過依啲天氣變化, 但當時我們仲細個, 唔知咩叫潮濕! 時間就係咁過咗!! 係大咗, 識多咗野...有自己屋企, 就會連屋企空氣都會理埋!!!.... 所以, 如果有機會, 就盡量環保啲...罐頭and 紙張要分類!! 盡量唔用膠袋?? 雖然, 唔係全世界啲人都會咁做!! 但自己開始做下, 都已經幫了個環境好多架喇!!! ~乾衫真係好重要嘅家務!! 因為啲衫唔乾, 掛到間屋周處都係, 我都眼火爆架!! 哈哈!! 不過, 係潮濕天氣有部抽濕機, 又真係有點幫助!!!
Vicky: 我其實同你一樣架，只要我聽到天氣預告話會好凍好凍既話，我就會同老公齊齊去supermarket掃貨，雖然唔似聽到打仗咁誇，但都好似以前係香港聽到颱風打到黎咁囉。講真丫，凍冰冰，連個仲想出去買野喎，雖然即日買既野係新鮮好多，但如果買d本來就係要雪藏既又無妨囉！ 你講開日本湯做火鍋，你o個邊有無新出既豆乳湯底呀?我呢邊就好sure無啦，係HK依家勁hit呀，我諗你加國可能會有，如果有既話，不妨買黎試試，好似話好健康又好味架喎！
ReplyDelete[版主回覆03/12/2009 03:05:00]陶陶夫人: ~北美洲啲天氣, 一話落雪, 真係交通唔方便, 雖然, 係交通工具有開放, 但想去自己心中個目的地, 就好似蟻咁慢!!! 都係提早買定啲食物係屋企, 咁會方便好多!!! 而且, 係依邊買啲野, 真係冰鮮多!!! 我都唔理喇!! 買咗就放落雪櫃, 就算食唔晒, 第二煮黎食都得!!! 所以,係外國住, 真係唔洗日日買餸架!! 只係擔心解凍問題!! 哈哈!! ~0下!! 荳乳湯底? 係咪荳漿黎架? 如果係我都好似知知哋, 因為,我都見過香港啲blog 友食過!! 但我係依邊啲超市無咩留意有無豆乳湯賣, 等我特別留意下!! 有就買黎試下!!!! Thanks for share!