February 22, 2009 (Sunday)
原本, 我沒有準備去看Ice Fest (冰雕節), 雖然, 年年都有, 而且, 攪冰雕嘅地點, 好近自己屋企, 行都行到去, 但人就係咁, 啲地方越近自己所處, 反而沒有激動去行....哈哈!! (而且, 早排都係電視都睇咗啲冰雕喇!!!!)
星期日, Brian 需要買自己啲日用品!!! 我緊係跟他出去喇!! 我仲諗住, Brian 都係渣車出街買野, 所以, 我就求求其其着件褸出去囉!! 仲諗住自己坐係車度, 都唔會點凍, 所以, 我穿着得比較輕便(其實係單薄).....點知, Brian 渣渣下車就去咗第二個方向 (ice fest 方向).....
我話: 「Brian 你想去邊呀??」
Brian 話: 「想親眼,望望今年啲冰雕!!! 」
我話: 「但ice fest 果樹好難迫車架喎!!」
Brian 話: 「試下兜去睇下, 如果揾到車位就去望下啲冰雕喇!!」
一入去Ice fest 範圍, Brian 竟然揾到個車位!! 仲要個車位好近冰雕地方添! 就係咁, 我就無端端走咗去冰雕展, 我仲要毫無準備, 着到好單薄, 仲無帶手套, 去望啲冰雕, 感覺真係好凍呀! 好彩, 今年, 有好多人參觀冰雕展, 有人群幫我遮咗啲風...哈哈!! 但太多人, 影相就有啲唔方便, 成日都要等啲人散開咗啲先影到冰雕相!
記得有年冰雕展, 好似係雕動物, 今年, 冰雕就係雕世界各地名勝為主題!! 而今次冰雕展,我只睇咗一陣.....之後,我就比啲店鋪吸引住, 走咗去行街 (行Yorkville)哈哈!! 攪到好遲先同Brian 買日用品!哈哈!!
↓有英國代表--大笨鐘, 仲有, 比薩--斜塔
↓有多倫多地標CN Tower 呀!! 隔離仲有個雕咗廣告商名嘅冰雕..哈哈!
↓有巴黎鐵塔, 啲細路仲趴咗入鐵塔裡面添! 而有啲冰雕係為啲贊助商雕架!!所以,有啲冰雕係有贊助商名架!!
↓有埃及--獅生人面像,日本寺院., 加拿大土註代表圖案....總之, 今年, 有好多好多冰雕and 好多好多人去觀看冰雕喇!!......去觀賞冰雕啲人個個都着到去滑雪咁!!唔識我啲人, 見我着到咁單薄, 仲以為我唔怕凍添!!! 其實,我好怕凍, 十一月返香港都覺凍架...哈哈!!
ICE FEST
Subscribe to:
Post Comments (Atom)
oh, you forgot your gloves but you had camera. Good job!
ReplyDelete[版主回覆03/03/2009 17:53:00]Mrs. Tin Tin: 自我開始寫blog之後, 我就一出街就會打相機...哈! 我連手套無帶, 都要打相機!! 哈哈!!
而家已經溶晒
ReplyDelete[版主回覆03/03/2009 17:55:00]Kitty: 溶咗喇!! 早排暖咗陣嗎!! 實溶喇!! 好彩,Brian 趕得切去睇咋!! 哈哈!
I really don't know there's ice fest every yr.........beautiful.
ReplyDelete[版主回覆03/03/2009 17:56:00]小col: 有架!! 係每一年都有架!! 你下年依個時候都去睇下喇!
嘩.......好想睇呀!!!!
ReplyDelete[版主回覆03/03/2009 17:58:00]V&M: 好凍架!! 真係要着多啲衫去先睇得舒服架!!
好似.. 唔錯啊~~~
ReplyDelete[版主回覆03/03/2009 18:01:00]畫: 我去依個ice fest 時都有諗, 如果你去依度, 你一定唔會放過渣住部相機影啲冰雕嘅情景....而且, 冰雕附近啲雪景好美, 你啲影相發燒友一定喜歡.....哈哈!
正呀~
ReplyDelete[版主回覆03/05/2009 14:27:00]小威威: 啲冰雕, 係就好似好好睇, 但就好凍!!
good taste !
ReplyDelete[版主回覆03/05/2009 14:27:00]Le wine merci: Thanks.....
D相細張咗D....所以睇得唔係好清楚添......但都感覺D冰雕好靚, 手工好好呀....
ReplyDelete齋睇你既相, 又唔覺好薄, 不過唔好凍親就得喇!!!
[版主回覆03/05/2009 14:49:00]細細粒: ~如果,我將啲相,全部大大張咁放出blog,唔整細,我相信,我都唔可以post 太多相出黎喇!! 我但求你哋啲blog 友,係咁二見到啲冰雕就算, 我又唔係影相人, 啲相都求求其其影咋! 可能啲冰雕美感,我係影唔到出黎架!! 哈哈! ~係加拿大黎講, 我依日算係着得薄喇!!! 連手套都無帶, 其實,好凍架!! 但我都係睇咗一陣冰雕就走人....所以,都唔會凍到流鼻水!!
Wow it's beautiful!!!
ReplyDelete[版主回覆03/26/2009 03:14:00]KK(美國旗) ~Nice to meet you!!! ~今年啲冰雕,係特別啲!! 用世界各地名勝做主題!! 好似去一次冰雕, 就遊觀全世界,哈哈!!
Vicky: 人就係咁衰架啦，越容易得手既野就越唔會珍惜，你地個冰雕展咁近，其實真係點都去睇下既。 睇到有咁多展品，全部都幾靚喎，如果只係睇相，我反而覺得個參展商既牌係最靚呀！哈哈！係呢，呢d冰雕會唔會好似哈爾賓o個d咁，夜晚會有埋燈飾架? 你著得咁少衫去睇冰雕真係服左你，其實，你可以考慮長期放件褸係Brian架車，咁就萬無一失啦！
ReplyDelete[版主回覆03/26/2009 03:26:00]陶陶夫人: ~咪係囉!! 人就係咁!!! 越近或者越容易, 就唔會理!! 初頭同Brian 諗住居住依區, 除方便返工外!! 仲可以方便去行街..去飲野....點知, 就渣車去第二度行街,飲野!! 依家諗返起真係好好笑!! ~啲冰雕,年年都有!! 今年特別啲, 係雕啲世界各地名勝!! 好似去完冰雕展之後, 去咗好多地方旅行!! 哈哈!! ~有贊助緊係會雕得好看啲喇!! 有支助(金錢支助)實有分別!! 但今年啲世界名勝, 實在特別啲!! 因此, 多人爭住同名勝影相! 但所有冰雕夜晚係唔會好似哈爾賓果啲冰雕着燈! 但個場地係夜晚就會特別光!!! ~我唔打算放褸係車喇!! 我令願着暖啲!!! 因為, 有時我襯衫, 先知件褸係架車度!! 又要落車攞, 好麻煩架! 哈哈!