今個week 真爽, 返埋星期五, 就可以享受長周末....因為, Feb 16,(星期一)係公眾假期......所以, 今個情人節好似好悠長....真係可以去玩下, 休息下!!
不經不覺, 原來今年情人節, 已經係我同Brian 第九個情人節喇!! 時間過得真係快!! 我計計下.....我哋大家都就黎一齊咗十年喇, 有時諗返起, 大家點相識啲野, 都係好似早排發生嘅事!!! 哈哈!!
每年情人節都會同Brian 出去食餐飯, 行下街!!! 今年都唔例外, 就算我生咗小朋友都仍然要, 齊齊同Brian 慶祝情人節架, 因為, 我要感染我個小朋友, 他/她大個咗都識得點同佢另一半慶祝!!!哈哈......哎吔!! 我好像越想越遠喇....哈哈! .....
由於, 今年情人節係星期六, 所以, 我真係由朝到晚, 都同咗Brian 出街, 哈哈!! 首先, 去咗商場(Sherway Garden)行, 順便食過lunch, 食完再行街....再嘆咖啡 and 電腦....
↓情人節 lunch 去咗food court 食, 我食 egg salad wrap 配 blueberry smoothies...Brian 食korean bbq with rice!!
而本來今年, 都好想去食西餐, 諗住黑麻麻, 扮下野....想有啲情調!! 但好多間西餐食店, 都會係情人節整set menu, 食物選擇好少, 而且, 價錢仲唔平!! 費事晒無謂錢, 到最後, 選擇食日本菜....但係食shabu shabu ......, 可以暖笠笠....而且, 日式火窩, 我真係好耐無食0路!! 好彩早訂臺, 因為我見無訂位啲人, 要等好耐.....
↓好滿足嘅Shabu shabu, 由於,我唔食牛肉, 所以, Brian 預先order 咗雞 and 豬肉火窩....去日本餐廳, 點少得食啲日本手卷...and 日式串燒....全部好yummy!! 由其事個火窩湯底, 好好飲架!!! 飲完返屋企都唔口渴...哈!!
↓食完dinner, 去咗食雪糕,......估唔到雪糕店, 擺咗咁多別緻朱古力賣...好識做生意.
↓情人節時, CN tower 全日都係着紅色燈....都幾應節!!
今年, 大家齊齊買了情人節禮物, 大家都預早送了禮物比大家....我買了一部電話 and Apple store 嘅head set 比Brian......而Brian 就送了, 我一早想買嘅紫色褸比我!! 皆大歡喜!!
↓我就送依部電話 and Apple store headset 比Brian
↓依件紫色樓, 係Brian 送比我!! 而家天氣仲凍, 有新樓着,.....岩晒!
---------------------------------------------------------------------------
好多女仔, 都好希望情人節會收到花, 但我係情人節係從未收過花架!! 但我真係好坦白講, 我完全唔渴望收花啲人!! 我真係覺花好唔實際架!! 比盒朱古力我, 都起瑪可以食落肚嗎!!! 但花點食得落肚呀!! 真係得個"擺"字 ......以前, 讀書我住宿舍, 真係見到有啲女仔渣住紮花係學校周圍行, 渣住紮花啲人, 真係覺自己好威架! 但比我, 我會覺尷尬囉!!! 好似向外宣佈自己有另一半咁!! 哈哈!!! (因為我試過唔係依個節日收到花....攞住啲花坐車...好尷尬! 咩人都望住晒!! 當時, 真係想throw 紮花去垃圾筒!!)
好開心, Brian 明白我!!!
11111111111111111111111
ReplyDelete[版主回覆02/18/2009 17:19:00]Kitty: ....又第一!!!
你係咪想hint 我 星期四買花過你
ReplyDelete[版主回覆02/18/2009 17:22:00]Kitty: 我唔需要花架!! 我會throw去垃圾筒....我覺畢業, 結婚有花係好, 平時, 我真係唔需要花, 好彩, Brian 明白我!
哈哈.......見到最尾你話唔恨收花, 講真, 我會恨架....不過都收過2次, 都係生日時送既, 因為唔駛畀人賺無謂錢....嘻嘻...所以而家就算無花收都OK....起碼都收過嘛
ReplyDelete我都有D同你想法一樣, 節日去食飯, 除咗貴D外, 服務唔一定好, 所以我都少咗喺節日去食好嘢, 都係慳慳哋, 留番D錢買其他嘢....嘻嘻~~
[版主回覆02/24/2009 05:08:00]細細粒: ~你收過咪得囉!! 講真, 我唔係晒命, 我真係唔喜歡收花架!!! 我真係到而家都未恨過收花, 我見我啲妹收花, 我都唔會恨架!! 可能,我比較實際, 我喜歡現成禮物.....或者出街食一餐飯, 我會更加開心! ~節日出去食野, 真係有啲傷腦根架!! 食chinese or 日本野,就比較好啲, 因為, 日本野, 都唔會set menu, 仍然可以照返平時咁叫野食, 感覺自由好多!!!
你睇你幾恨嫁丫.......哈哈!
ReplyDelete我都冇出去食呀, 但今年我又冇煮喎.....反而係老公煮俾我食呀, 我影了相, 但未post.......
你送電話俾Brian, 佢對電話咁花心, 會唔會用兩個月就換機架?
你就係話呢件褸呀....好得, 好靚呀! 俾我都會即刻買啦!
[版主回覆02/24/2009 04:59:00]爆炸魔女: ~如果得我兩個(我and Brian), 我真係唔介意同Brian keep 住依家依個關係架!! 但你知我喇...有好多野都有口難言...結咗婚會比較舒服啲....哈哈!! 我而家反而渴望早啲生小朋友, 因為, 我想有比較健柏身體黎照顧小朋友....可以望住小朋友長大....哈哈!! 但要小朋友, 就要結婚先, 所以, 我某程度係相當恨嫁...哈! ~我見到你post 咗情人節啲相片喇!! 你先生肯自己出街買材料, 仲自己落手煮, 對你先生黎講, 依啲係好大工程架喇!!! 他今年好細心...要讚下, 哈哈! 讚得多就會有進步, 依個世界邊個唔想比人讚呢??哈哈! ~我知Brian 對電話極度花心.....但我送咗依部電話比佢, 他下一部會唔洗用太多錢, 去換個部新....我可以多個籍口話, 下一部新電話都係我有份送囉!!哈哈!! ~早排同你講, 就係依件樓囉!! 好暖, 我又覺靚, 哈哈。。。我舊年十一月頭已經見到依件樓架喇!! 係香港又見到, 最後, 真係等到有減....即買...哈哈! 依排出街都着住!
嘩......十年感情都難得呀!!!祝你哋日日都咁sweet~~~
ReplyDelete[版主回覆02/24/2009 05:11:00]V&M: ~係呀!! 不知不覺, 我同Brian 就快一齊咗十年喇!!! 感覺時間過得好快....哈哈!!! 多謝你祝福!!! ~你都係同張生,日日都sweet!!
u remind me my hubby didn't give me any Valentine's Day present yet.........I should ask him for 1. Actually he already bought me alot of stuff in HK, so doesn't matter.
ReplyDeleteI also don't like flower, I prefer something more practical. Pot flower even better.
[版主回覆02/24/2009 05:16:00]小col: ~係囉!! 早倫小Niel返香港, 我相信, 小Niel 一定買咗好多禮物比你!! 大家生活, 日日開心咪得囉!!哈哈! ~我唔係想晒命, 我到依家都唔恨收花, 我見人收花, 我係會感覺人哋好sweet, 但我自己就唔會有依個感覺, 可能我比較實際,(同你一樣), 真係要啲實際啲野多啲...哈哈!
最緊要雙方都明白,情人節D花又眞係比平時貴and 唔抵 ! 我同你一樣,寧願食咗佢好過 !
ReplyDelete你件樓又眞係幾靚 ! Brian 眞係知你心意(實際型) !
[版主回覆02/24/2009 05:20:00]高貓貓: ~你講得岩....我可能太實際喇!! 所以, 過時過節都希望實際啲咁過!! ~多謝你讚我件樓靚, 件樓想買好耐架喇!! 哈哈!!
Vicky: ~你咁快就已經諗住胎教呀?你都真係諗得好長遠喎，不過咁樣教育佢地都好既，等佢地知道第時點樣去愛人。你都算係一個好媽咪黎既！ ~我同你一樣，其實都唔鍾意收花，我寧願將d錢使係第二度啦，買條金條俾我好過，哈哈！ BTW,祝你同Brian白頭到老，年年都一齊過情人節！
ReplyDelete[版主回覆02/24/2009 05:30:00]陶陶夫人: ~其實, 我依家渴望生小朋友,多過結婚架!! 因為, 我想襯自己仲有energy, 我可以陪住小朋友長大....陪住小朋友讀書and 一齊玩. 希望盡量令到自己小朋友開心成長.....我都希望自己能夠擔當做媽咪依份job...哈哈!! ~我唔係晒命, 我真係唔喜歡收花, 係屋企見到啲妹收花,我都唔會恨架!!! 可能有啲人會覺我怪, 但如果要用錢買野,唔係買啲實際啲野好啲咩....可以keep 住長時間, 或者攞黎用, 我覺咁樣會好啲囉!! 但我又唔會渴望啲金器....哈哈!! 因為,我唔係依啲人囉!! 哈哈!!!總之, 同身邊果個有共識, 我就好開心, 開心過任何禮物!! ~我都祝你同你先生日日都快樂, 快啲生小朋友!!!