依兩日要一齊寫, 因為....依兩日係預留咗比Daddy, Daddy 話想我見下啲親戚, 因為我所有親戚都係香港.......雖然, 我離開咗香港咁多年, 我亦唔知啲親戚係我離開香港後, 仲有無提及過我!! 或者知唔知我係邊.... 講真, 我自己也沒有提及過, 或者點想起過啲親戚(除婆婆)!! 但我禮貌上, 我係後輩, 我點都會見下啲親戚嘅!! 而我daddy 個邊 and 媽咪個邊都一大推人架!! 所以, 食親飯...點都要好多個鐘, 仲要訂大臺食飯, 先夠坐!!
見親戚.....好例牌比啲親戚問...而家做緊邊行呀? 人工幾多架? 結婚未呀? 有拖拍未呀?! 依啲問題我就不段答囉!!!
↓係香港, 我實日日行街, 買買買, 都唔知自己點解日日都可以攞住幾個購物袋返屋企, 真係好得人驚.....我同daddy 個邊親戚飲茶前, 我都要行一行街...哈哈!! Daddy 個邊啲親戚, 年記大啲, 有啲仲已經過咗身,......但Daddy 啲親戚仲記得我, 可能係街見到會唔認得我!!! 但一講開我就記得, 因為,我Daddy 係他屋企排行得好尾(男丁係排最細), 但Daddy 結咗婚, 隔咗好耐先擁有第一名小孩(即係我.....) 所以, 當我出世, 真係幾多親戚黎掂下我,抱下我!!! (我daddy 當時真前偉, 遲結婚,仲遲生我....果個年代好少見, 哈哈!!)
↓同媽咪個邊親戚食晚飯, 媽咪個邊親戚比較後生啲, 我仲記得,我細個去婆婆度, 有啲阿姨都同我一樣, 會着住校服架!! 哈!! 而家, 啲阿姨已經有自己家庭,有小朋友!!! 第一張相, 係我啲表妹, 都算close, 而家都有網上聯絡, 以前一到暑假就一齊玩,一齊學游水....第二,第三張相就同婆婆, 舅父,daddy, 阿姨, 姨丈...影相囉!!
↓阿姨啲小朋友 (即我表妹and 表弟)好細個, 我都係第一次見,.....原來同小朋友影相,真係難, 因啲小朋友唔喜歡望鏡頭架!! 哈!!
↓同媽咪個邊親戚, 就係去咗北京道一號, "潮" 食野....哈哈! 大家傾下講下, 食得好開心!!!
------------------------------------------------------------------------------
↓同daddy 有空當時間, 就去咗食魚蛋粉, 啲魚蛋粉真係好好食, 好食到我連湯都飲埋, 係加拿大真係食唔到依啲魚蛋粉, so我一有空當時間, 就叫daddy 陪我食魚蛋粉, 宵夜都食, 食足夠本先返加拿大!! 食開魚蛋就會見到開水果店的表哥,(因為水果店係魚蛋粉麵店正對面) ....入水果店, 就同表哥影相, 表哥仲送咗一大堆水果比我攞返屋企食, 有啲水果, 係台灣品種, 好特別...我一問表哥有關水果啲野,他以為我想食, 好豪氣送了許多水果比我!! 所以, 次次食魚蛋粉好例牌動作,...就係可以食埋新鮮水果or 果汁!!
↓同daddy 返屋企不停食水果....仲係香港間屋周圍影相....
↓返香港仲同daddy 行公園, 途中仲見到自己香港讀個間中學, (因為我香港間屋,同我讀書啲學校好近), 原來我中學重建....返新!!! 而家中學個樣, 已經唔係我讀書時嘅面貌!!..... 行完公園,見到有薄餅夾糖賣 (講真, 我只識用潮洲話講依隻小食名, 依隻小食真正名, 我係唔知係點叫), 見到, 緊係即買黎食, 因為我好耐無食了, 讀小學and 中學時,都會食!!! 今次返香港食到, 真難得!!
↓唔知點解, 我肚可以放咁多野食, 同daddy 行公園+行街行到攰....去咗間餐廳食下午茶....依間餐廳啲燉奶, 好滑架!! 今次返香港要食咗幾次依隻燉奶先捨得返加拿大!! 我試過早餐就去依間餐廳食燉奶做早餐!!
節目好豐富呀!~
ReplyDelete[版主回覆02/18/2009 06:33:00]小威威: 去到香港, 我真係日日都節日豐富.....哈哈!! 太多人想見, 太多野想食!
i hope i can find that kind of 薄餅 in HK........it recalls some memories!
ReplyDelete[版主回覆02/18/2009 06:39:00]bobo de Licious: ~其實, 我都好好彩見到依啲糖薄餅賣, 因為,我daddy 都話,唔係成日見到, 啲妹以前返香港都專登塭, 都揾唔到.......我都希望你返香港時都能夠見到喇!!! ~我細個都好喜歡食依款食物....一見就要媽咪買....以前,兒時食啲野, 雖然,材料簡單....但就覺最好好食,...有時, 食物唔係主角, 反而回億先係主角!! 哈哈!
I also love to eat 薄餅夾糖 very much. I remember I can eat 2 per day when I studied high school in HK. The old lady sold me 薄餅夾糖 very nice. Once I forgot to bring money, she said I can give her back on the other day........haha.
ReplyDeleteThe restaurant u went for 燉奶 very famous and I love to eat there very much. The bread is so so so good.
I can't read the name of your high school very clearly. I think it's the same one as my hubby studied in HK.
魚蛋粉
u speak 潮洲話? My mom is just speak very little and I just know a few words........
[版主回覆02/18/2009 15:44:00]小col: ~你細細個就咁喜歡食架喇!! 哈哈!! 可以一次過食2個薄餅夾糖...哈哈!! 我今次依個薄餅夾糖係同一個伯伯買架!!! 我相信以前個年代, 啲人係會有善啲, 你唔記得帶錢, 都可以聽日比, 我諗依家無依啲野講....哈哈!! ~我都覺自己好好彩能夠在今次返香港見到有依款夾餅賣, 因為我daddy 係香港居住時間長, 都唔係成日見到依款夾餅賣, 我記得有年,我個妹返香港,揾咗好耐都揾唔到!!! 我唔洗揾都見到...我好開心!!! 食依啲餅, 雖然,唔值錢, 但就食到好多回憶出黎囉!! ~燉奶...又係我喜歡嘅食物之一, 我daddy 喜歡係燉奶依間茶餐廳食早餐(麵包)....所以, 我一返香港就一定幫襯燉奶架!! 哈哈!! ~我係香港讀個間中學,係女校黎架!! 所以, 我相信你先生唔會係依間學校讀!!! 哈哈!! 我香港讀培道中學架!! 你係香港都讀過中學架!! 讀到Form 幾先黎加拿大?? 我覺係香港讀書, 雖然,壓力大...但比較好玩啲, 但係加拿大讀中學, 就比較眼間大開, 因為學校好多活動!!! 教學方式, 比較着重個人思考,......哈哈! ~我係好喜歡香港食野, 因為香港啲食物風味,係加拿大依邊真係做唔到, 好似魚蛋粉, 車仔麵, 真係好有特別, 第二道係無法食到....但我又唔會話加拿大啲野食唔好, 加拿大都有好食嘅野, 慢慢揾就會揾到岩自己口味嘅食物... ~Yes, 我係潮洲人, (我parents, 兩邊都係) 我潮洲話還比我英語流利, 因為, 我屋企係我細個時, 已經全用潮洲溝通....所以, 我回港都是用潮洲話同長輩傾計....到黎咗加拿大....都會用潮洲話同我parents 談話, 由其事唔想比第三者知我哋講野嘅時候...哈哈!! 我到而家,仲有啲食物名稱, 只懂得用潮洲話講, 唔識廣東話係點講...哈哈!! 你都係半個潮洲人, 你識少少講, 已經好好架喇!!
下次你返去,我同你print 定d flyers 派,咪唔洗狂答人lor
ReplyDelete[版主回覆02/18/2009 15:48:00]Kitty: 當flyer 係利事咁派, 你真係好諗頭...哈哈!!!
好忙喎~~~見到親戚後被人問咁多嘢, 會唔會唔想答架? 哈哈~~~~
ReplyDelete你既表妹有D大個, 有D又咁細個既..哈哈....細路仔係好難叫佢坐定定同你影相架...所以要捕捉都幾難...嘻嘻....
喺香港, D嘢食咁好味, 真係好難叫你唔好食....而且又有好多喺加拿大搵唔到既, 梗係要喺香港食好多啦..係咪!
我都好鍾意食魚蛋粉架, 有時99都會煮嚟做晚餐架, 魚蛋加鴨胸肉加菜加肥牛, 又多餸又好味....
[版主回覆02/18/2009 15:59:00]細細粒: ~係香港, 日日都會好忙, 好多節目, 由於自己返香港時間好短, 無辦法唔唔忙喇!! 啲親戚見我依個年齡,多數都會問埋一大堆工作, 拍拖啲問題, 我謂有講完再講囉!! 哈哈!! 而且,Daddy 又在場, 所以, 咩都要講下囉!! Daddy 都有面啲喇!! 成日唔出聲,仲奇怪喇!! ~我有啲阿姨年記大啲, 有啲比較細...所以, 有啲表妹係好大,有啲就好細囉!! 啲細表妹and 表弟, 我都係第一次見...雖然, 影相好難對住鏡頭, 但同佢哋就好好玩!!!哈! ~香港啲野食, 真係好好味, 唔雖然貴價食店, 都可以享受到好好味嘅食物....所以, 我係香港, 真係一日食足四餐....或者更加多食物!! 哈哈! ~你奶奶真係當你係女咁, 煮埋晚餐比你食, 而且,材料仲咁豐富...你知唔知,唔係個個99 都會願望煮埋飯架!! 你真係好幸福, 你都要錫多啲你奶奶喇!!
(Empty)
ReplyDelete[版主回覆02/18/2009 16:00:00]Edison & Cherry: ~嘩!! 張picture 整得好靚呀!! V記, 你係節日, 就會整啲特別相, 你好有心思!! ~大家咁話...Happy Valentine's Day!
我都成日買果隻夾糖餅食，個名好似叫糖葱餅，我都唔太肯定！
ReplyDelete[版主回覆02/18/2009 16:03:00]C&K: 唔該晒!!!原來叫做糖蔥餅....邊度時常有"糖蔥餅"買架!! 你話我知...我mark 低, 返香港再食過...哈!
而家先到四五日..... 你... 你... 都好.. 慢啊... 哈哈
ReplyDeletefamily day 都幾開心呀~~
[版主回覆02/18/2009 16:05:00]畫: ~你都覺 ....我寫香港啲野真係超慢呀!! 你係咪等你和我見面篇blog, 等到頸都長呢!! 哈哈!! 就到架喇!! ~Family Day 係開心....但我覺最開心係我daddy ...因為, 她好想我係香港...哈哈!
(Empty)
ReplyDelete[版主回覆02/18/2009 16:06:00]多謝!
very busy trip to HK !! 培道係出名的女子中學呀，前排電視有介紹呀！
ReplyDelete[版主回覆02/18/2009 16:12:00]Happy Girl: ~我係香港唔係逗留太長時間, 所以,每天係香港嘅時間都係好密麻麻!!! 哈哈!! ~你真係好眼力, 見到我間中學名!! 多謝你話我間學校係好中學先....乜我間學校好出名架?? 仲早排上過電視?? 係咩節目黎架?? 我都無聽我以前啲同學講過嘅!!! 但我最開心時間就係依所學校渡過, 又識到好多朋友....所以, 依間學校比我好好回憶!!!
我都唔係好識點錫佢喎...自己媽咪都係一般般啦, 間中打畀佢傾吓偈, 我知佢都好開心架啦....但奶奶就唔知佢鍾意乜...有時都係問下佢想要咩咋...
ReplyDelete[版主回覆02/20/2009 05:45:00]細細粒: 點錫人, 我諗唔洗我教喇!! 咁你想你身邊啲人點錫你, 你就照返依個方法去錫你身邊啲人咪得囉!!
Vicky: ~你知嘛，你去親既都係出名既食店黎架，無論同daddy家 or mummy家都係，間間都好好食，你真係有口福呀，講真丫，呢d野真係係外國好難食得番，就算有，都係唔同味道架。 ~你表哥係開生果店架，真係好呀，如果我有表哥開生果店，我都會成日落去幫襯食多d生果，因為佢實會幫我揀最靚最時令既生果既；就好似我大姨媽都係開海鮮檔架，我由細都係食海鮮大，佢次次都會揀d最靚既俾我食架，不過依家已經退左休lu... ~澳洲牛奶公司勁出名，其實一定一定要食佢既超級美味厚蛋治呀！
ReplyDelete[版主回覆02/24/2009 04:31:00]陶陶夫人: ~我其實已經太耐無返香港了!! 上一次返香港,已經係十年前, 今次返去香港, 真係好多地方都變咗, 更加先進,更加繁華....而啲親戚, 話去邊, 我就去邊度食囉!!! 但啲野食,真係幾好食架!!! 香港就係因為食材好, 所以,啲野食好好味!!! ~我都記得你有親戚係做海鮮生意, 你細細個一定食咗唔少靚海鮮喇!! 哈哈!! 正如, 我一樣, 我有親戚係開生果店, 所以, 我都係食到咗特別生果, 今次,回港表哥都比咗好多生果比我食, 有啲生果品種好特別, 我都係第一次食...哈哈!! ~我都係第一次去澳洲牛奶公司食, 啲燉奶and 厚多士真係好有水準, 這間食店,我真係每日都幫襯咁濟, menu 選擇雖然唔多, 但啲野食好有水準!!! yummy!