團年飯

January 24, 2009 (Saturday)

     今個weekend 返咗媽咪度, 一定要返喇!! 因為要食團年飯....每一年農歷新年, Daddy 都會返黎加拿大, 所以, 每年團年飯都可以一家食到, 雖然, 我依邊農歷新年一定無假期放, 但都會襯weekend 時候提早食團年飯!!

     團年飯, 我哋屋企多數都係出街食多, 我哋屋企已經一排人, 如果唔出街食, 我媽咪一定做到癲喇!! 而且, 我媽咪實會做啲家鄉新年食品....如果又煮埋團年飯, 就好攰架喇!!! 

    唔好話今年經濟差, 我媽咪都比平時提早去book 臺, 先book 到位食團年飯,  我哋去到restaurant 已經見到全場爆滿!! 仲要等咗45 分鐘先有位坐.... 真係誇張!!! 但唔理喇!! 總之, 一家人食到團年飯咪得囉!! 哈

↓依間restaurant 裝飾都ok, 但實在太多人, 都無心機欣賞啲裝飾喇!! 由於,restaurant 都全場爆滿, 啲野食上得比較慢....所以, 啲食物一黎就食...只係同碗翅湯, and 海參影咗相!!

↓去到媽咪度, 實有野攞返屋企, 今次媽咪比咗好多賀年食品我!! 有啲係媽咪親手整架!! 而袋紫色野, 係金鋪買架!! 由於, 我今年的生肖唔係太好, 所以, Brian 買咗個金牌仔比我...我放咗入手袋!! (我係佛教人, 但我好少理依啲野, 但Brian 唔係佛教人, 就年年都會做足依啲工作...我覺我自己同Brian 啲信仰好似換轉咗...哈哈!)

  --------------------------------------------------

      其實, 每次我屋企話食飯, 係好難約得齊人!!! 由其事啲chinese 節日, 真係要好早講定, 如果唔係一定約唔到!! 可能我哋身處外國社會喇!! 係啲chinese 節日唔會有假放!!! 啲外國人就算知我哋有新年, 或者中秋, 但都唔會特別有咩着數, 工作係人都要做, 無理由你係中國人, 到chinese new year 就比少啲野你做架!! 所以, 我都明點解好難係正日約得齊全家人!

     不過, 隨着我 and 我啲妹年齡大咗, 約食飯真係好困難, 今年, 我眼見唔多妥, 唔妥到, 我要出聲, 打電話約 (係"叫") 阿妹返去媽咪度食飯..... 有時聽到啲妹唔返屋企食飯個原因好簡單...『就係想留係school residence做功課而唔想去食飯, 食一餐起碼兩個鐘, 唔想晒啲時間係食飯度 』..........平時唔返媽咪度食無所謂, 但係chinese new year 喎!! 仲要一早通知, 同book 定位, Daddy 又返咗黎加拿大...點都要食飯見下面喇!! 有時, 我啲妹就係太為自己, 完全唔會為大局着想!! 唔通依邊大, 係依邊讀書啲小朋友, 大個咗會係咁嘅思想架?? 無啲團結感!!

    我每逢返媽咪屋企, Brian 會同我隨行, 但我完全理唔到Brian...因為, 我每次返媽咪度, 都覺屋企有點混亂, ...我會忍唔住動動手, 幫媽咪清潔屋企, 執下野,  洗下衫, 抹下屋, 連廁所都抹埋, 仲要幫媽咪讀信件....!! 有時, Brian 覺我返媽咪屋企似做鐘點工人, 哈哈!! 但如果我唔做, 就無人幫媽咪做架喇!! 我唔係想扮偉大, 講下自己點為屋企做野, 係我唔明點解有啲妹日日係屋企, 但一啲野都無做到, 連自己啲野都唔做,  一放工(6pm已經返到屋企)就等食, ...仲要呻一至五都開工, 星期六, 日一定休息, 便什麼都唔會理!! ....., 而且, 有比家用, 已經盡咗責任喇!! 真係覺部分妹有點自私!! 乜頭家唔係你架!  但好彩我有四個妹, 唔係個個都係咁!! 有部分都ok, 算是有點安慰!!

  **新年流流講埋依啲野, 應該講啲開心野嗎!! 祝大家新年快樂, 身體健康, 萬事如意!! 恭喜, 恭喜

!! 我係blog 度見到好多人同我有新年祝賀, 我真係好開心, 多謝你哋嘅心意!!