我到而家先寫香港第三天行程, 真係寫得慢.....早排, 我去其他啲blog 友度, 我見到人哋返香港, 真係好精彩, 我見人哋返香港, 去咗好多高貴餐廳,....去咗好多特別地方 (旅遊點), 真係好有planning, 而我返香港完全沒有一個特別planning, 只想返香港見見朋友, 感受香港生活節拍....我已經好享受!! 哈哈!!!
我這次回港, 每日都係同daddy 食早餐, 之後, 約返工啲朋友食lunch, 下晝行街, 夜晚待朋友放工,就去食飯.....哈哈!!
依一日, 就約咗識於微時嘅中學同學食lunch, 雖然, 朋友E要返工, 但都提早少少同我享受一個lunch, 大家一起傾計!!! 我初頭仲唔識路去朋友E 的工作地點, 好彩,我屋企鄰居個妹妹咁岩放lunch 返屋企 (鄰居妹妹好細個, 着住校服), 她就順便教我點去朋友E 工作地方, 而家啲妹妹真係醒目, 細細個就知坐咩車最平,最方便!!! 哈哈!!
見到朋友E, 真開心!! 大家終於唔洗用電腦傾談, 可以直直接接面對面講, 一邊食台灣野一邊講...感覺親切, 唔知係咪識於微時啲朋友, 真係特別了解大家....而家,大個咗想同啲朋友keep 大家都話忙, 忙忙下無見面, 連話題都沒有了!! 同朋友E 十年無見, 話題仍然不絕!! 依餐短聚lunch 食得好自在!
↓唔知係咪細個識啲朋友先會keep 得長久, 我同依個朋友識咗十年以上喇!! 我哋去食台灣野做lunch, 朋友E 還爭比錢...多謝!!
食完lunch, 自己行陣街, 因為我係報紙發覺, 香港Sogo為慶祝開慕15 週年, 所以, 有好多貨品減價, 我見減價真係唔放過喇!! 最開心就係, 連名牌都減, 認真益咗我,....係咁買買買...哈哈!!真係大豐收...哈哈!! 但我買野買到傻咗, 買買下我call 埋Brian 問意見, 差啲嚇親Brian, 我係香港下晝call Brian, (即係加拿大零晨), 我相信Brian 幾驚依個call, 因為Brian 都擔心, 我係香港頭三日啲盆村已經用盡. 哈哈!!
↓香港三日內的戰利品(有啲都無show 到添!!哈), 而啲hello kitty, 係爆炸魔女送哈哈!!
夜晚, 原本約咗另一個朋友食晚餐, 但朋友的辦公室臨時有緊急事做, 所以, 不能應約, 朋友唔得閒, Daddy 又上咗中國傾生意, ...我時間好free...我就打電話再約爆炸魔女囉!! 我相信爆炸魔女唔會因為我臨時臨急約她有微言啩!!哈哈!!! 當然, 爆炸魔女一口應承我, 仲帶埋她仔仔出黎, 一齊去旺角等!!!! 我依日有爆炸魔女帶領, 令我買咗好多特惠嘅hello kitty 用物添....哈哈!! 好開心再同爆炸魔女約會, 今次依個約會我同魔女都係無預計到, 但她仍然安排好好啲節目比我!! 我亦好慶幸, 可以見多次爆炸魔女和她仔仔...!!! 我哋周圍行, 係咁講, 食完dinner 又行街....好開心, 好滿足!!
↓今次相約爆炸魔女, 我樣子精神啲, 都係香港三日, 咩時間都慣喇!!......爆炸魔女幫我係精品店門口影相...效果幾好睇, 而我係身後間精品店也有幫襯,...哈哈!! 亦唔少得爆炸魔女個仔當我哋攝影師!!! 依日同魔女and 她仔仔都行到幾夜先返歸, 第二日魔女仔仔要去學校旅行...都唔知有無起遲咗身...哈哈!!我哋兩個大人真係顧住(玩)行街傾計......行街行晚咗添!! 哈
↓我們去了食煲仔飯and 車仔麵, 我曾幾何時, 同魔女講過, 好想食車仔麵, 魔女當然有記住, 就帶了我食, 喜歡香港車仔麵口味, 有好多唔同配塔!! 好味!! 而個煲仔飯即叫即整, 好熱辣辣, 都好味!!!
↓Dinner 實在食太多....食唔落甜品, 魔女就打包個榴蓮糯米圈比我!! 依個甜品好正,啲榴蓮好香, 糯米皮好煙銀, 我一返屋企就成條食晒!!! 一來好好味, , 二來比害怕榴蓮嘅daddy 聞到, Daddy 要我開露台落地窗, 食依個甜品,(當時夜晚天氣幾涼) 食完仲要將容器放係後門廢物箱!! 我daddy 就成晚都無出過房添!!哈哈!!
返嚟香港點會唔大出血呀!!!
ReplyDelete[版主回覆01/23/2009 16:46:00]V&M: 你講得岩, 香港真係好多野好低買, 係不經意, 買下買下, 就買咗好多!!! 好得人嚇!! 哈哈!
出blog唔叫我 爆炸魔媽真係巧靚女 ( 佢見到我叫佢魔媽可能會來炸我喔) 你打返來嚇Brian啊?
ReplyDelete[版主回覆01/23/2009 16:49:00]Kitty: ~我而家半夜先寫blog, 緊係叫唔到你喇!! 費事比你話我crazy 呀!! 哈哈!! ~咁魔女靚啲定係我呀!! 哈哈!! (唔洗答我自己知答案架喇!) ~人哋好後生, 叫返人啲做魔女喇!! 哈哈!!
哦....第三日係咁過既....都買咗唔少嘢喎....返到去有無即刻用呀...哈哈~~~ 我都知魔女一定會應承你既, 所以我都唔覺意外呢....哈哈~~~ 不過唔緊要啦, 開開心心過一日!繼續寫快d喎...哈哈
ReplyDelete[版主回覆01/23/2009 16:55:00]細細粒: ~由於我太耐無返香港喇,真係日日都買買買...有時買到自己唔知自己買咗咩...係真架!! 因為香港啲野價錢比較實惠, 而且,選擇多, 所以, 不經意,越買越多!! 行李都超重!! 有啲係香港買啲戰利品都會即刻用架!! ~我都係問下魔女得唔得閒....因為,係依日係星期五, 好多人都有約, 好彩魔女有時間, 我哋又可以見多日!!哈哈! ~有時,我覺自己太長氣喇!! 所以, 寫blog寫得好緩慢!! 哈哈!!
榴蓮糯米圈
ReplyDeleteeverything in HK taste so so good. I really miss all the food in HK
[版主回覆01/23/2009 16:58:00]小col: ~你咁喜歡食野, 我相信你去香港...一定日日食唔同特色野!!! 哈! ~香港啲食物, 真係選擇好多!! 而且, 啲野食好創新...所以, 我係香港都日日食唔停!! 每日個肚皮都"脹book book"哈哈!
返黎香港都唔搵我架
ReplyDelete[版主回覆01/23/2009 17:00:00]心樂: 我返香港時間好短, 而且,我成十年無返香港, 都想自己親身感受香港氣氛!!!
哈哈!~ 下次你來香港一定要搵我呀!~
ReplyDelete[版主回覆01/23/2009 17:01:00]小威威: 我都唔知自己幾時再返香港喇!! 就算我返, 都留得唔長架!!!
榴蓮糯米卷????? omg!
ReplyDelete[版主回覆01/29/2009 17:21:00]bobo de Licious: 我都明白依種生果係非常極端架!! 有啲人會上癮!! 有啲人一生都唔會食, ....但我好細個比我外婆影響, 所以, 我對榴蓮上了癮...哈哈!! 我好lucky, 我屋企得我daddy 唔食榴蓮, 所以, 我daddy 返咗香港, 我同啲妹, 媽咪and Brian會一齊食架!! 哈哈!!
Vicky: 你地去左滿記食甜品呀?佢既 榴蓮忘返真係無改左名， 好食到不得了，下次你有機會食一定要去試。 爆炸 魔女真係夠朋友呀！ 你無啦啦打俾Brian，佢其實可能諗，屎啦，Vicky又錄爆card啦，我呢期返工即係白做啦，哈哈哈！
ReplyDelete[版主回覆01/29/2009 17:30:00]陶陶夫人: ~你仲記得香港啲甜品店名and 甜品名稱, 你真係對香港每一樣野都好熟識, 怪不得你咁掛住香港的一切喇!! ~我相信你都係榴蓮愛好者!!! 一輪咀講咗咁多榴蓮食品!! 原來我哋溴味相頭...哈哈!!! 我下次返香港會叫爆炸魔女帶我試.... 而我同爆炸魔女真係好老友, 真係好難用言語講, 我哋係點好!! 但我好開心能夠遇上爆炸魔女依個朋友, 識完她,我覺自己好榮幸!!! ~Brian 後尾都有同我講, 他真係怕我用晒錢, 唔方便,.....所以, 我係香港每一日, Brian 都好擔心!! 而且, 我成十年無回港, 他仲害怕我唔識路添!! 哈哈!! 好彩, 我都ok.....識返香港間屋企!! 係買多咗野...哈!
我仲未寄相俾你添, 你等多一陣, 等我一次過晒相呀.....
ReplyDelete睇返你回港的行程好似唔喺好耐的事, 但其實已經過了兩個月, 時間真係過得好快......
我同你去的地方都係好普通, 唔係咩嘢高級地方, 最緊要你鍾意食同買就得喇!
Durian......I like it!
[版主回覆02/06/2009 06:13:00]爆炸魔女: ~依個留言,原來我睇完唔記得覆添!!哈哈!! ~你真有心,晒相比我, 我自己都未有心機整香港啲相添!!! 其實,我發覺我係香港, 你個相機同我影多啲相!! 我反而唔太多攞我自己相機同你and 仲言影相! 不過,你幫我影親相, 都影埋啲食店, 我可以用Brian 睇下食店啲環境添!! 唔該晒你!! ~你講得岩,時間真快.....我返咗黎加拿大都兩個幾月, 但個心個感覺好似同你見完無耐....好深刻!! ~講真,我真係好喜歡你帶我去啲地方....你帶我食野,啲野又好食, 帶我行街,又岩我,好開心!!! 我同自己講,如果我返香港無咗你,我覺我今次返香港唔夠精彩架!!! ~個榴蓮糯米卷, 真係好好食, 我講起, 依家都想食...哈哈!!!