Happy birthday...to him

July 12 (Saturday)
      依日係Brian 正日生日!!Brian 好耐都無試過生日時間係weekend喇!!...平時, 他生日多數係閒日, 都係放咗工, 去食下野就算!!! 今年Brian 生日撞岩係weekend, 當然由朝玩到晚喇!! 其實, 係由朝食到晚先岩,哈哈!

      由於, Brian 正日生日, 天氣非常炎熱, Brian見咁熱,  好想食啲清淡食物, 所以, Brian 就提議去食越南野做lunch...天氣真係焗到頂唔順, 我都叫咗涼粉冰燒一燒暑先得!!!

Birthday lunch 食咗satay串燒雞,飲咗椰汁涼粉冰, 雞撕湯河, 春卷豬肉串檬

       食完lunch 就去咗行街, 去咗Sherway Garden 行街, 依個Mall 啲冷氣算最涼架喇!! 去行Mall, 目的係想買太陽眼鏡, 因為黎緊個星期六 (July 19), Brian 會同他屋企人去Cruise 玩, 會去Italy, Greece, Turkey.....之如似類國家玩, 去足十幾日...去旅行當然要有幅太陽眼鏡喇!! 而且, Greece 係夏天有成44℃, 個太陽好猛, 無太陽眼鏡點得架!! 後尾, 行到夜晚八點幾, 先成功買咗幅合適太陽眼鏡!! 太陽眼鏡就係Brian 嘅生日禮物喇!! 不過, 真係行Mall 行到腳都攰埋!!! 因為除咗行Sherway Garden, 仲行埋Yorkdale Mall 添!! 
  

行行Mall 我都覺熱, 我見經開朱古力店, 就買咗杯凍冰冰朱古力凍飲...依杯朱古力飲品係blog 友推介,真係好好飲...好消暑

      行咗好多商場, 行到人都乾晒!!! 見係時候dinner, 就去食台灣dinner 喇!! 依餐dinner, 我哋本來order 好多野食架!! 點知, 食食下個侍應話依樣又無, 個樣又孤清, 所以, 我哋後尾食咗四樣野食咋!! 但唔知係咩天氣疑想熱and 焗,我哋叫抬上面啲野都食唔晒!!! 但其實, 啲野食係好好味, 可能我行到攰攰哋, 所以, 無胃口喇!!

Birthday dinner,魯肉飯, 招牌肉粒(我唔記得叫咩名)但味道唔錯!

古早味油蔥冬粉 and 蚵仔煎

依日天氣好焗,我焗到行行下街買咗啲像根"擇馬尾"添....但我哋大家好享受依餐台灣餐, 原來,依間台灣食店, 而家增設宵夜時間, 啲野食平啲架!! 我揾日見Brian 遲放工就去依間台灣店, 享受宵夜價錢先得!!

      Brian 生日,邊會食完dinner 就返屋企坐吖, 而且, 仲係星期六, 當然會直落, 唔返屋企喇!! 我提議去Yorkville (依條街好多酒吧林立 and 好多超名貴房車架!!哈) 因為我知Yorkville 裡面開咗間新餐廳(bistro), 我就叫Brian 同我去食甜品, 飲下野!!! 我個人最仲意試新野!! 咪襯Brian 生日去試下新地方囉!!! 而且, 我知Brian 啲style,  我安排得依個地方比Brian, 我相信Brian 一定enjoy and 開心!......... 果然,比我估中, Brian 好喜歡, 我為他安排嘅食甜品餐廳....我哋仲傾計傾到人哋食店要執走人, 我哋先埋單走... 
      
  

依間餐廳啲裝飾,睇得出, 用咗好多心機裝飾, ...連張凳and table setting 都做得好好, 我哋仲同啲侍應好好傾添!! 哈

生日, 當然飲啲酒喇!! Brian 飲白酒, 我依日超熱, 係室內有冷氣都話好熱, 所以, 我飲Lemonade! 甜品食咗Creme Brulee and Tiramisu

係餐廳影相留念

     雖然, 今日好熱...又唔算話係好隆重同Brian 慶祝生日, 得我一個同Brian 慶祝, 我哋兩個只係出下街行, 食下飯, 飲下野 !!好似好簡單, 但我知 Brian 喜歡簡單慶祝嗎!哈!! Brian 希望我能夠同你永遠一齊慶祝你每一個生日!! Happy birthday my beloved.