第一次blog 友約會

July 10 (Thursday)
      我今日, 係 BIG DAY!!! 我第一次blog 友約會呀!! Brian 話依次約會叫勇敢約會喎!! 哈哈!! 因為, 我真係第一次從網上識人, 之後, 約出黎見面咋!!  似唔似以前粵語長片啲人用紅玫瑰作記認嘅約會呀!!  哈哈!! 講真, 我約會之前果晚有啲緊張架!! 我仲係blog 上遊覽晒, 我約會lunch meeting 啲blog 友嘅網誌先!! 好似做足功課咁!!哈哈!!


       到lunch time 喇!! 我哋約定係一間西人餐廳lunch....因為依間餐廳係地鐵沿線, 對我黎講好方便 (多謝blog 友千就)...我一到時間即刻走人, 買埋小小見面禮, 就坐地鐵去餐廳meet 我啲blog 友喇!! ....第一個見到係Mui,, ... 之後, 見到Bobo de Licious, and Mandy@多倫多, 哎吔, 啲blog 友真係好好傾, 好有禮貌 ....大家一齊影相and 食野, 真係好開心, 之後, 遲少少見埋係美國黎嘅blog 友---貓公館壹號, .....個個都好nice!!  貓公館壹號仲知我喜歡Hello kitty, 仲係美國買咗啲 kitty 手信比我, so nice!!!  由於, 我要返工, 所以, 我先走...真係好唔捨得咁快同啲blog 友講 goodbye!  因為我想繼續講, 繼續傾..哈哈!!  而且, ..Mui and 貓公館壹號, 都係特登返黎多倫多, 依次meeting 真係好難得!! 希望再有下一次meeting!

↓寫blog 啲人最喜歡影相...哈哈!! 我哋依日係咁影, 座位又調黎調去...我又對住唔同相機鏡頭不段笑, 突然之間覺自己好似去緊喜宴...哈哈!!! 黑色短袖衫係Mui, 綠色V字衫係Mandy, 米色背心係Bobo de licious, 帶耳環粉紅色袖黑色衫就係貓公館壹號



      今次, Blog 友lunch meeting, 叫咗好多食物, 我平時lunch time 都好少食咁多唔同種類嘅野....但依次lunch 食物已經係其次喇! 我反而享受...同blog 友, 大家出黎, 傾下講下!! 大家出黎見面之後, 真係令到大家投契一點!! 我初頭寫blog, 都無為咗識到人 or 想得到啲咩野架!!  只係想係yahoo blog 留一個message, 繼延好隨心寫自己啲野,  但就係依個blog, 令我識到好多朋友, 有啲仲已經變成好交心朋友!! 依啲係我意外收獲, 對我黎講....寫blog 識到朋友, 真係相當珍貴的禮物....

↓Lunch time...都食咗好多唔同類形嘅食物, 連dessert 都食埋, ...我比Brian 睇過啲食物相, Brian 話好豐富嘅lunch...


↓以下啲禮物係貓公館壹號送給我...依個blog 友係美國返黎架!! 今次meet 到已經好難得, 仲送禮物比我,...有朱古力, kitty 筆, and kitty 毛巾, 好多謝你呀! 你太客氣喇!!  原來支kitty 筆仲識變顏色架!!



 


**後記:
   Mui:
   我係blog 都識得Mui 差唔多一年, 原來我哋係同一間大學畢業架!! 係我師姐黎架! 見Mui 真人,  都好斯文, 好nice,  一啲都唔肥, keep 得好好添! 由於, Mui 係安省東面住, 真係唔會成日見到, 但我相信Mui, 會間唔中返多倫多!
   Bobo de Licious:
   初頭Bobo de Licious 係我blog 留言, 她只留言無係yahoo 寫blog, 係近排先開始投入blog 懷抱, 我哋大家都好多野岩傾!! 見真人, 我覺她幾後生, 好nice, 仍然好好傾! 而且, 唔肥....都好slim.而且, 佢相機好專業架!
   貓公館壹號:
   她又係同我一間大學畢業, 也是我師姐黎架! 她為人好得意, 講野好風趣, ...最特別係我哋大家都喜歡hello kitty!! 而且, 也買埋手信給我..我會係屋企寫食譜時,用住依支筆架喇!! 多謝晒你呀!! 你太客氣喇!
  Mandy:
  我有時都會見到她係Mui's blog 個樹留言, 但我都係去依個lunch meeting 之前個一日先遊覽她的blog, ....她眼大大, 人好! 她真人都好nice, 我哋雖然剛剛相識, 但沒有什麼隔模, 一講就到題!! 我會係你個blog 探多啲你架喇!!
  


Posted by at

12 comments:

  1. Mui11 July 2008 at 19:40

    個日lunch好開心呀!其他食客見到我地不停咁調位影相，真係好好笑
    哈哈，我好斯文？
    p.s.多謝你既禮物呀!
     
    [版主回覆07/15/2008 15:04:00]Mui:   ~個lunch 真係好開心, 如果可以耐一點仲好...哈!! 其實, 識到你哋真係好難得!!!   ~依日我哋係咁調位,好似玩緊爭凳仔遊戲咁, 哈哈!! 好彩我哋坐係卡位, 如果唔係一定會更多人望住我哋...哈哈!   ~我覺你好斯文, 講野好細細聲, 我唔得, 講咩都聲浪好大...哈哈!! 成日都比媽咪咁話我!!   ~啲chocolate 都係小小意思!! 唔係咩特別禮物黎架!!!我多謝你哋千就我啲時間添!!

    ReplyDelete
  2. Mandy11 July 2008 at 20:02

    wow.......妳咁快手呀!
    我都好開心認識妳!我都同妳一樣約食飯前一晚先來試探妳個Blog架! 打後我會日日都來探妳架啦!
    多謝妳的小禮物呀! 下次見面唔好咁客氣啦!
     
    [版主回覆07/15/2008 15:09:00]Mandy@多倫多:   ~開心野, 一定要快啲post, 想快啲記低我開心心情嗎!!!   ~你個人都好容易傾得埋, ...我哋有張相, 你仲"cool"我手影, 相當nice 呀!!! 我會探你多啲架喇!!!   ~份禮物...真係好普通...唔洗客氣呀!!!我唔記得問你有無花生敏感添!!! 希望 無喇!!! 哈!!!

    ReplyDelete
  3. Anonymous12 July 2008 at 02:52

    多謝你咁趕都走上嚟同我地食歺飯﹐而且我地仲係你第一次見嘅blog友添﹐真係萬二份榮幸!! 
    [版主回覆07/15/2008 15:17:00]Bobo de Licious:   唔趕,一啲都唔趕...多謝你哋千就我啲時間就真!! 我依個 Lunch meeting 被Brian 形容為係勇敢約會, 但我覺依個約會好開心, 我唔去依個meeting 一定走寶喇!! 我相信依啲約會..一定會陸續有黎...Yeah!! 到時, 我哋再一齊食其他好野!!!再一齊傾計...一齊笑餐飽, 再一齊影相, 我很喜歡我真情留露啲相, 哈哈!

    ReplyDelete
  4. 怡威12 July 2008 at 04:02

    哈哈!~ 我都有試和blog友一齊食飯!~ 感覺好得意呀!~ 也試過行街撞到... 最搞笑的今年傳送聖火也撞過!~
    [版主回覆07/15/2008 23:48:00]小威威:   我都係你個blog 見過你同Blog 友食飯啲相!!! 不過, 香港交通比較方便, 容易約到and 撞到!! 哈!我今次約會非常難得, 有個blog 友係美國坐飛機黎架!! 有個blog 友就住好遠, 要渣成四個鐘頭車架!! !

    ReplyDelete
  5. Nancy12 July 2008 at 09:52

    係blog 到識到朋友　仲可以約出嚟見面 真係幾好呀~~
    [版主回覆07/15/2008 23:52:00]畫:    ~我都估唔到自己係blog 會識到人架!而且, 仲識到啲好nice 嘅人, 寫blog 都多咗朋友! 我都好開心識到你, 你曾經仲話幫我買蛋糕材料...你都好nice 呀!!!
    ~今次約會真係好難得, 因為加拿大地方實在太大, 真係要大家千就時間先見到架!

    ReplyDelete
  6. meimei12 July 2008 at 13:34

    我同blog友Mui 都差唔多識左半年.....原來佢真人唔肥ka...咁佢仲成日話減肥ke.....hahaaaaa)))))
    [版主回覆07/16/2008 00:11:00]天使BB:   係呀!! Mui 一啲都唔肥架!!! 我覺她keep 得好好添!!! 不過, Mui 做運動都係想健康啲!!! 而且, 我覺Mui笑時, 笑得好甜!!! 哈哈!

    ReplyDelete
  7. 細細粒13 July 2008 at 20:29

    其實係呀, 識到新朋友仔好開心架, 而且遇到啱傾既就更加好, 呢種係緣份嚟, 大家珍惜就好.......
    [版主回覆07/16/2008 00:30:00]細細粒:   ~我真係發夢都估唔到自己會係blog 識到人架!! 而且, 仲可以建立友誼!! 我覺好難得囉!! 所以, 我好開心, 而且會好好珍惜架!!!   ~我都好開心, 透過爆炸魔女識到你!

    ReplyDelete
  8. 陶陶13 July 2008 at 20:38

    Vicky: ~真係好開心見到你地有meeting呀,我好認同你講法,最初真 係無諗住識人定係咩,一心就係寫下Blog,記下事,寫寫下就識 到好多住附近既,而且yahoo既blog友個個都好nice架真係,所以 識到佢地,真係人生既一次難忘經驗黎架! ~Blog友最出名就係影相架啦,難得出黎食番餐,怒影怒拍就理 所當然架啦,所以你得一個鐘出去meeting真係得好少時間架咋! 仲有呢,睇你地既相,連我住係NY都feel到你地既喜悅呀! ~唉...Vicky,唔知幾時我地可以有個開心meeting呢? ^.^
    [版主回覆07/16/2008 01:02:00]陶陶夫人:   ~Luckily, 我係blog 識到啲人, 個個都好nice!! 好真誠! 初頭我開blog, 都係想留言比朋友, 後來, 自己先開始寫blog...當寫日記!!! 但就發夢無諗到有依個咁難忘經驗!! 而且, 依個經驗仲令我擴闊到自己圈子添!!! 我識到你都好開心!!   ~如果你係Toronto, 我都會約你出去見面架!! 我哋大家其實都有好多野講, 而且, 某程度嘅想法都好相似!! 如果我去到Ny 一定會煩住你架!! 你有心理準備先好呀!! 因為我要行街,食野架!!哈哈!   ~依個lunch meeting, 我除咗開心之外, 仲好感動架!! 因為啲blog 友就時間同我食架!! 而且, 我仲先走添!!! 真係有啲唔好意思架!! 但我有依個短聚, 已經好興份喇!!   ~你都感受到喜裕呀!!! 我到依家提起依次meeting 都好開心!! 咀唇都微笑緊架!! 哈!!  

    ReplyDelete
  9. 貓公館壹號14 July 2008 at 00:24

    好開心認識你呀 ! Hope to see you again next time!

    Oh I did not have a chance to mention, since I read some of
    your posting before that you enjoy drinking wine in the evening with your
    boyfriend, I figure you might enjoy dark chocolate to go with Zinfandel.
    [版主回覆07/16/2008 01:10:00]貓公館壹號:     ~我要多謝你啲禮物先!! 你真係件件禮物,都好岩我...而且, 仲記得, 我同Brian 好喜歡飲酒添!! 你好留意我係blog 寫嘅野!!! 好touching 呀!!    ~下次有機會真係要meet 你耐一點時間呀!!! 你真係好nice呀! 雖然,今次同你短聚, 但我而家諗返起依日, 我咀唇仲係微笑緊架!!    ~唔知你有無對花生敏感, 希望 無喇!! 因為我個啲係Almond chocolate...我果日唔記得講!! 哈!!

    ReplyDelete
  10. ღ V M ღ14 July 2008 at 19:33

    哈哈........第一次blog友聚會係咪好開心呢~~~
    [版主回覆07/16/2008 01:34:00]V&M:   真係好開心...我去依個blog 友聚會之前個晚仲好緊張添!!! 哈!

    ReplyDelete
  11. Si Man Chau　周斯敏14 July 2008 at 20:25

    咁妳下次同Brian來New York City 就吾好忘記搵我啦！
    [版主回覆07/16/2008 01:35:00]為食貓:   Ok!! 我會架喇!!

    ReplyDelete
  12. Mimy15 July 2008 at 08:18

    你地就好啦..住係同一個city點都易見D..但係美國甘大真係好難會聚到架~
    [版主回覆07/16/2008 01:48:00]睛天娃娃:   ~今次blog 友聚會真係好開心!! 其實, 五個人裡面, 有兩個係特登黎多倫多見面架!!! 外國地方真係大, 雖然, 同一個國家住, 但要blog 友千就時間先見到!! 我知今次meeting, 啲blog 友好就我!! 我開心見到blog 友之餘, 仲好感動添!!!   ~但我同你係網上面識到,我都覺榮幸!! 係真架!!

    ReplyDelete

Subscribe to: Post Comments (Atom)