正常餐

July 31 (Thursday)

    其實,Brian 係cruise 一上岸, 就會blackberry messager 比我!! 係我叫Brian 唔好打長途電話比我, 最好連message or email 都唔洗比我, 我好怕依啲通訊會好貴囉! 而且, Brian 今次旅行係同佢屋企人一齊去, 我唔會驚Brian 會唔見咗!! 我令願save 返依啲$...返黎加拿大同我去食野, 去買野仲好喇!! 所以, 就算同Brian 用blackberry messager 聯絡, 我都盡量簡短回覆, 長話短說!! 唔好以為,我唔掛住Brian!! 其實, 好想Brian 陪我!! 但仲有五日..Brian 就返架喇!

      

edge-butterfly-4.gif image by vickyngkiki
edge-butterfly-4.gif image by vickyngkiki
edge-butterfly-4.gif image by vickyngkiki


    講返自己近況先,... 而家, 自己一個人, 我通常灘係sofa 睇電視!! 睇到肚餓, 我先食dinner, 真係食得簡簡單單食三文治就算喇!! 因為我費事洗太多碗蝶嗎! 而且, 又想續繼灘係sofa 度呢!  原來一個人霸晒成張sofa 睇電視又幾舒服!! 哈哈!!  但我有朋友見到我個blog,...見到我食素菜包都叫一餐dinner...真係嚇到我朋友 "領領頭" !! 

   其實, 我唔係唔食野, 我又唔係無心情買餸, 如果要煮幾味餸一餐都得架!! 因為雪櫃啲野食多到Brian 返黎我都未必食晒!! 但最大功夫, 只係將啲肉解凍,..然之後再煮熟, 就得!!  但我就係懶到連依啲功夫都無做到呀!! 哈哈!!

   係前幾日, 見自己有啲時間, 而且,自己又簡單到唔簡單咗好幾日, 就煮返餐啲正常晚餐比自己食!!  但一煮就手痕, 我仲連續兩日都開爐再煮啲特別野比自己食添!! 哈哈!!

↓以下係我開爐煮嘅野食!! 第一張相,有煎豬扒, 炒青瓜and 飯, 之後, 張相係肉絲炒烏冬, 由於,食咗上癮, 第二日再炒多次比自己食


↓今日,我仲整咗個茄汁蛋三文治做早餐,夜晚食一蝶青瓜壕油撈麵, 清清涼涼好好味!!


↓雖然, Brian 去咗旅行, 但我都有探TT 仔仔架!! 仲間唔中去書店行下添!!


Posted by at

17 comments:

  1. Emily1 August 2008 at 05:34

    自己一個人咪好悶囉
    [版主回覆08/04/2008 09:24:00]心樂:   初頭係有啲悶架!! 但後尾就ok喇!! 唔會太悶!!!

    ReplyDelete
  2. Anonymous1 August 2008 at 06:41

    星期二﹐好快到架咋~~~
    [版主回覆08/04/2008 09:26:00]Bobo de Licious:   真係唔經唔覺Brian 就返喇!!Yeah!!

    ReplyDelete
  3. 通少1 August 2008 at 12:26

    5 日, 好快過啦, 哈哈, 忍多陣
    [版主回覆08/04/2008 09:26:00]通 少:   時間真係好快...Brian 就返喇!! Yeah!!

    ReplyDelete
  4. Mui1 August 2008 at 14:43

    襯Brian唔係度，試下d新菜式，等佢番黎有驚喜呀!
    [版主回覆08/04/2008 09:28:00]Mui:   我初頭都有諗過, 襯Brian 唔係屋企, 自己係廚房幾耐都得, 但一個人就懶得就懶...喜歡瞓係sofa 看電視,哈哈!!

    ReplyDelete
  5. kitty1 August 2008 at 19:10

    早知我來你煮我食
    [版主回覆08/04/2008 09:30:00]Kitty:   我煮啲野好求其, ...怕你食咗我啲野之後, 以後都唔揾我喇!! 哈

    ReplyDelete
  6. melmel1 August 2008 at 20:34

    食多D正餐!如果唔係瘦咗就實心痛死Brian !
    [版主回覆08/04/2008 09:32:00]高貓貓:   我唔會瘦架喇!! 我食咁多零食..哈哈!

    ReplyDelete
  7. 怡威1 August 2008 at 21:45

    brian打電話都係關心你姐．．．
    [版主回覆08/04/2008 09:33:00]小威威:   係呀!! 他都好關心我, 但依個月電話費單一定好貴!!

    ReplyDelete
  8. 貓公館壹號2 August 2008 at 01:55

    Brian will be back soon!
    [版主回覆08/04/2008 09:34:00]貓公館壹號:   yeah!! 時間過得好快, Brian 就返喇!! 我唔洗等到頸都長!! 哈哈!

    ReplyDelete
  9. Nancy2 August 2008 at 08:33

    攤係梳化到真係好舒服...
    我都會唔願起身...
    哈哈哈
    [版主回覆08/04/2008 09:35:00]畫:   ~我以前好少灘係sofa架!! 而家Brian 去咗旅行...就有機會自己用一張sofa 喇!! 哈哈!! 原來sofa 好舒服!!

    ReplyDelete
  10. SkyBlue3 August 2008 at 00:37

    ｂｒｉａｎ返到黎，你就無咁悶啦！
    [版主回覆08/04/2008 09:36:00]C&K:   係呀!! 他返黎, 我啲生活仲會正常返, 唔會成十點先食dinner!! 哈哈!

    ReplyDelete
  11. ღ V M ღ3 August 2008 at 19:11

    訓喺sofa睇電視真係好正架~~~我就鍾意喺房訓喺張床到睇~~~仲有幾日好快過架嘞~~~
    [版主回覆08/08/2008 14:38:00]V&M:   ~我好少坐係sofa 睇電視架!! 但一瞓開...就喜歡依個睇電視舉動喇!! 哈哈!!   ~瞓係張床睇電視都舒服, 但我係床唔食野架!! 所以, 瞓sofa 舒服啲!! 哈哈!!   ~Brian 都返咗黎喇!! 我依排可能瞓得sofa 多, 整到成個人都懶咗, 無寫blog...哈哈!!但我會繼續加油寫 and 去多啲你個樹留言!! 哈哈! 你等一等我呀!

    ReplyDelete
  12. B の家3 August 2008 at 19:36

    而家應該冇五日咁耐啦, BRIAN 應該好快就返黎啦,
    一個人霸晒張梳化真係好舒服架, 真係唔想起身架,
    有時得一個人食飯, 真係唔知煮咩好架, 求求其其一餐都冇所謂啦, 最多等 BRIAN返黎先食餐好啦!!
     
    [版主回覆08/08/2008 14:42:00]Bの家:   ~Brian 已經返咗黎喇!! 我無得自己一個霸住張sofa 睇電視喇!! 哈哈!! 不過, 前排一個人生活, 我初頭會以為自己唔慣, 但自己一個之後, 又覺ok....但食野, 就真係好求其喇!! 而家Brian 返黎, 我黎緊個weekend 一定會叫Brian 同我食餐好...哈哈!!   ~Bの家,...好多謝你嘅關心呀!!! 多謝晒!!

    ReplyDelete
  13. 細細粒4 August 2008 at 06:15

    畀我一個人就真係唔會煮呢......哈哈...........不過真係唔錯喎~~~睇落都好好味咁呢~~~
    [版主回覆08/09/2008 04:45:00]細細粒:   我一個人真係費事煮!! 因為有時一個人份量都幾難預架!! 但煮開就想煮, 所以, 就煮咗兩,三日...哈哈!! 但都係煮得比平時求其, 哈哈!!! 味道一般咋! 但自己一個食, 我覺ok 架喇!

    ReplyDelete
  14. 陶陶4 August 2008 at 08:45

    Vicky: ~就返黎啦Brian,係呢段時間,有無覺得自己好似搞緊籌款活動咁,人人響應呢? 其實一個人時,又真係好懶好煮野食架,唔好話你丫,我都會架,有時衰到一個杯麵就算架啦,有句說話叫"女為悅己者容",其實換轉煮飯都係一樣,都係為左心愛同欣賞自己既人去煮飯既,如果呢個原動力唔係身邊,人就會變得好求其啦! ~好彩你呢兩日都真係有番餐正常既,我比較鍾意你第一個餐,有豬排有湯,夠晒營養又夠飽肚,仲有一日佢就返黎啦,到時唔使再煩自己一個要食咩啦!
    [版主回覆08/11/2008 15:08:00]陶陶夫人:   ~我覺得Brian 去咗旅行, 好似好多blog 友同我一齊, 齊齊倒數, 大家一齊同我計下Brian 幾時返黎..哈哈!!! 有時,我諗到blog 友同我一齊倒數...我都會笑咗出黎架!!
      ~我一個人,都無話唔習慣架!! 但食野就好求其!!!  其實. 食野, 除咗享受食物味道, 還要同身邊啲人一齊分享先覺啲食物好味道!!! 所以, 你講得好好..."女為悅己者容",....我都係因為有心愛人係身邊才有原動力煮飯食!!! 我本來想襯依個自己單獨時間研究啲甜品架!!! 但當諗到做出黎個成果係自己食, 就無心機整新食物喇!!!
      ~我煮依個餐正常餐, 都係因為依啲食物唔放得係雪櫃太耐, 所以, 迫住自己快啲食,...因而煮得比較正常...哈哈!! 而且, 食咗好幾日求其餐,自己都頂唔順喇!! 要煮一啲正常少少食物...哈哈!!! 如果, 我再食求其食物, Brian 可能以為我克 薄自己添!!! 哈哈 !!

    ReplyDelete
  15. Mimy5 August 2008 at 07:56

    一個人食野真係好free...鐘意食咩就食咩...唔洗煩丫嘛...不過兩個人食又真係開心D既~
    [版主回覆08/11/2008 15:10:00]睛天娃娃:   我agree一個人食, 想食乜都好free, 但有時食野, 如果大家一齊食,感覺係完全唔同架!!!

    ReplyDelete
  16. manman6 August 2008 at 02:42

    肉絲炒烏冬
    [版主回覆08/11/2008 15:11:00]豬神村村長:   多謝讚賞!呀!!

    ReplyDelete
  17. Chris Cheung7 August 2008 at 03:48

    Brian應該番左啦，所以我估你唔會咁快update住，小別勝新婚嘛！
    [版主回覆08/11/2008 15:13:00]Pal:   哈哈!! 你真係識講野, 哈哈!! Brian 已經去完旅行返咗黎喇!! 我哋而家日日見返喇!!! 自己時間真係無咁多!!! 所以, 請你見諒我遲少少先update!!! 哈!!

    ReplyDelete

Subscribe to: Post Comments (Atom)