July 16 (Wednesday)
係July 15, 我收到一個好突然嘅電話
...Brian 話會有客人會到訪屋企...我一聽到時好shot..咪即係要同屋企大掃除囉!!! 我有理無理, 係黃昏時候去剪
個髮先, 錫下自己先開始clean up
行動!!
我剪了短少少嘅頭髮,點呀?? 我覺好清爽喇!!
其實,我有啲勞氣
架!! 因為依個 消息太突然喇!! ...間屋企, 一唔大掃除由自可, 一要大掃除, 發覺屋企超多clean up 要做!! 做到眼都檬埋
...其實, 我不流都有"係咁二" 執屋 and clean up 開屋企架!! 但由於有客人會到訪Brian 屋企, 我就費事失禮喇!!! 洗手間, 廚房,窗台, 電視架後面啲位都起勢咁抹...總之, 啲咩 "噥噥喇喇" 都cleap up 晒, 但個吸塵機
又壞壞哋, 個開關製又鬆鬆哋, 吸吸下要禁入啲個開關製先着...變相清潔得比較困難囉!!
由星期二July 15 知道有客人會係星期四July 17會黎, 依幾日, 我簡直係一個見布就去抹, 見有頭髮就執嘅人, 又攞住支Windex 周屋走, 又順便開機洗衫
.........我已經全屋抹過, 執過野, 有啲舊雜誌唔要就放落廢物箱, 我連衣櫃啲衫
都執and 接得整整齊齊,真係忙到都無時間玩電腦! Brian 今次都好乖, 我知他依排係工作上超忙架喇!! 但都有幫手執屋! and 搬開啲唔要雜物
!! 比個叻你喇! 而且, 又買咗玩具比我玩!! 比多個叻你!! Totally, Brian 有兩個叻喇!
我一邊打掃時, Brian 好忙咁接電話..另外張相...係用黎裝candies 嘅container, 由於, 係好似wii remote...所以, Brian 放工係啲報紙檔見到就買咗依個得意野比我!! Yeah!! 將啲糖放係個玩具wii remote 裡面, 禁個製啲糖會係wii 個remote 頭頂彈出黎架, 好好玩架!! 又食得又玩得!! 哈!
你就好啦, 我短髮會好鬆, 唔靚架...但都諗住下年要剪吓短髮先....哈哈哈~~~
ReplyDelete哦....有客人........難怪要大掃除啦, 我都係有客人先打掃得乾淨d咋........平時都係換吓地, 執番d頭髮.....哈哈.........佢哋太弱啦, 成日掉落地~
BRIAN做咩工作啩........唔記得有無問過添~~~
[版主回覆07/24/2008 16:26:00]細細粒: ~我由細到大,啲頭髮好幼and 鬆架!! 但我curly 髮就唔太好看!! 哈哈! ~你就結婚就唔好剪短頭髮喇!! 結婚要長頭髮先set 到好靚頭..你都係結婚之後先考慮剪短喇!! ~其實,我平時都有clean up屋企架...但如果有客人到...就更加執整齊啲喇! 唔想太失禮, 想比客人好啲印像嗎!! 你結咗婚後, 都要執多啲屋喇!! ~乜我無講到Brian 做邊行咩!? 如果我話Brian 做買賣電話,你一定信喇!! ..其實,Brian 係做investment bank 架!!
嗱嗱嗱!都話你短髮靚咖啦 ! 要執幾日屋,証明呢個客人very important ! 係咪"見家長"呀? 好事近?
ReplyDelete[版主回覆07/25/2008 04:42:00]高貓貓: ~多謝讚賞...其實啱啱剪完頭...個髮型師實幫我整到個頭好好架!! 但自己洗完頭就整唔返架喇!! 哈哈!!不過, 短咗頭髮個感覺真係清爽好多!! ~你估得無錯, 個客人就係Brian's parents. 我哋間唔中都會見架!! 所以, 唔會話"好事近"先見!!哈哈!!
你咁靚... 剪什麼都好看呀!~
ReplyDelete[版主回覆07/25/2008 04:55:00]小威威: 多謝讚賞 .
我屋企都係架 一執屋就好大陣 '象' 啊~~~
ReplyDelete我初頭都以為係 will remote 再睇埋內容... 哈哈
[版主回覆07/25/2008 05:00:00]畫: ~唔知點解, 屋企成日都有塵架!! 抹完兩日有又塵架喇!! 所以, 話大掃除, 真係好大陣仗囉!! 有時我少抹電視機後面...一抹就抹好耐...哈哈!! ~Brian 初頭係啲便利店見到依個wii 玩具, 都以為間便利店賣wii remote control...哈哈!! 但望清楚啲, 原來係似wii 嘅糖果盒!
我都有o個hello kitty 杯 不過..i dont like hello kitty 佢偷用我個名
ReplyDelete[版主回覆07/25/2008 05:13:00]kitty: ~我好喜歡hello kitty架!! 小心啲睇,我係喜歡hello kitty, 唔係Kitty 囉!! 哈哈!!! ~套hello kitty 杯,係舊年換架!! 我要Brian lunch time 時幫我換架!! 後尾換唔齊, 仲要周圍揾添!! 哈哈!!
WII REMOTE 糖, 哈哈哈, 好過癮呀
ReplyDelete[版主回覆07/25/2008 05:22:00]通少: Brian 初頭係便利店見到有wii remote control 賣...都覺奇, 係後尾望清楚先知係糖果盒, 真係又食得, 又好玩...哈哈!!
你成日都執屋，我諗你係想比個好印象你地既guest先再執，比我，就真係有排執啦，你知我好懶架啦
ReplyDelete[版主回覆07/25/2008 05:49:00]Mui ~我成日執都係"係咁二"執,唔係正經執架!! 但有客人黎, 咩都要整齊啲, 我連櫃都執囉!! 哈哈!! 我見你個廚房都幾乾淨吖!! 你一啲都唔懶呀!! 哈!
夏天咁熱短頭髮就最爽,我剪短頭髮唔好睇架,有時熱起上嚟真係嬲嬲地想剪哂佢呀~~~
ReplyDelete[版主回覆07/25/2008 06:07:00]V&M: 夏天出街, 我最怕晒黑...所以, 會着薄長袖架!! 如果頭髮仲留長, 感覺會唔舒服....哈哈!! 我覺你髮型唔錯呀!! 我cruly hair 唔好睇架!
咁我意思的確係之後先考慮既....但都好懶, 唔想成日gel頭架...睇吓點先啦
ReplyDelete我都唔記得有無講過架, 不過做投資真係好勁架, 起碼我覺得搵得多錢d架.......
[版主回覆07/25/2008 06:11:00]細細粒: ~我有時懶到唔gel 頭就落樓下架喇!(多數落街買報紙先唔gel..)! 哈哈!! 但gel 開就會慣咗, 識預時間...!! ~哈哈!! Investment bank都係一份工黎...哈哈!! 都係每個月出糧, 唔會話有咩特別. 我見Raymond 都係Accounting firm 做, 都唔錯呀!
哈哈~ 唔洗甘緊張...起碼你有兩日執丫...有時我地D friend鐘意失驚無神話黎...得幾粒鐘prepare咋~
ReplyDelete[版主回覆07/27/2008 04:06:00]睛天娃娃: 朋友, 可以casual 啲都得, 但今次係長輩黎, 所以, 都係要執得似樣少少! 不過, 你啲朋友又幾得意, 去人屋企都係仲意即興架!! 哈哈!
Vicky: ~你一向短髮都好睇架啦,唔錯 我都唔鍾意咁突然既來訪,係就係平日都有執o者,但有人黎時又想再執得清潔一d架啦嘛!我都係同你一樣,一見有頭髮就會即刻抹走既人,我少少污糟都唔可以忍受架,所以真係同你好鬼夾,大家都係咁鍾意去抹野同執屋!我相信,如果我有朝一日黎探你,你既屋企都會係好乾淨既o者
ReplyDelete[版主回覆07/27/2008 04:22:00]陶陶夫人: ~多謝你又讚賞短頭髮好看, ...我 喇!! 哈哈!! ~我哋啲性格真係好似呀!! 連依啲生活小舉動都似埋, 其實, 我覺執乾凈啲,自己又住得舒服啲, 而且, 人客黎到,又唔會太失禮!!! ~如果我黎美國, 我會提早一點通知你, 好讓你有充足時間清潔...但其實我唔mind 架!! 你平時一見頭髮就執, 都應該平時都係好乾淨喇!! 而且, 我去美國都係出街行and 食野多!! 都唔知有無機會去到你屋企..哈哈! 但我到你個邊旅行時, 一定會揾你架!! 預咗我會煩住你, 同我周圍影相, ....哈哈!! 我真係講到我自己就黎去美國添!! 哈哈!! 十畫都未有一"peak" 呀! 哈!