整綠茶食品

July 11 (Friday)

     今日,除咗去攞 iPhone 3G電話外, 其實, 我係攞電話之前做咗好多野架!! 我一次過, 做咗兩樣綠茶甜品出黎, 有一樣,係Brian 點名,要我整嘅甜品, 依個甜品係叫做綠茶朱古力蛋糕, 我初頭聽到Brian 話要食依個蛋糕, 我覺好怪.....因為, Brian 要個蛋糕係綠色, 但裡面有朱古力有流出黎嘅感覺.....嘩!!! 真係考起我.....但見Brian 特別日子(生日), 就整喇!!!  我咪滿足Brian 要求囉!! 其實, 我亂整一通咋! 當好似綠茶蛋糕咁整...之後, 加大量朱古力碎係綠茶蛋糕中間囉!!! 就係咁...........!! 試味時, Brian 話: 「就係要依個味道.... 」哈哈!!

     Brian成日都形容啲特別食物, 問我識唔識整, 早排Brian 話想食啲蝦比茄汁包住 (即係茄汁蝦碌), 問我識唔識整, 之後, 我亂咁整, 但Brian 食完就同我講...係呀!!! 係要依隻味...蝦當然比較容易整...但有時, Brian 會講啲好特別食物出黎, 只係形容味道.......就要我整出黎,...Brian 真奇怪, 所以, 我唔係成日滿足到Brian 要求架!! 有時我自己都唔知自己煮咗啲咩出黎!  你估我係廚師咩...乜都識咩!!! 但Brian 讚我煮到佢個要求時, 我就覺好有成功感!! 哈!

↓第一張相係焗綠茶朱古力蛋糕之前影架!! 唔好見外表係綠色, 其實蛋糕內裡有好多朱古力碎架!!! 第二張相係焗完綠茶蛋糕個樣! 由於, 綠茶蛋糕內裡好多朱古力碎...所以, 實有流朱古力嘅感覺


↓
kitty.jpg image by vickyngkiki
仲有依個綠茶芝士蛋糕 (生日蛋糕) 一到十二點(July 12th)就食依個蛋糕喇!! Happy birthday my Beloved, Brian....




Posted by at

11 comments:

  1. 怡威18 July 2008 at 22:39

    (Empty)
    [版主回覆07/22/2008 07:14:00]小威威:   多謝讚賞..哈哈!

    ReplyDelete
  2. manman18 July 2008 at 23:14

    好想試食呀
    [版主回覆07/22/2008 07:16:00]豬神村村長:   多謝讚賞呀!!!

    ReplyDelete
  3. kitty19 July 2008 at 12:33

    好過我家Peter, 乜都話"好味嘩" 我都唔知自已煮成點
    [版主回覆07/22/2008 07:21:00]Kitty:   ~ 哈哈!! 但我覺Peter 次次講啲野, 都好creative....哈哈!!! Peter 真係帶比你好多歡樂!!!   ~ 咁好可能你真係煮得好食, 所以, Peter 咪話咩都好食囉!!

    ReplyDelete
  4. Nancy19 July 2008 at 19:39

    同上次相比 今次既綠茶蛋糕好好多啊~~
     
    [版主回覆07/22/2008 07:42:00]畫:   你讚我呀!! 多謝晒你...我有進步喇!! 哈哈!!

    ReplyDelete
  5. ღ V M ღ20 July 2008 at 18:25

    好得喎~~~
    [版主回覆07/22/2008 08:38:00]V&M:   其實, 啲蛋糕都係馬馬咋!! 多謝讚賞呀!

    ReplyDelete
  6. 貓公館壹號20 July 2008 at 22:59

    Very nice! 綠茶蛋糕 looks yummy
    [版主回覆07/22/2008 08:42:00]貓公館壹號:   多謝你讚賞呀!! 我其實自己未試過綠茶蛋糕啲味架!! 一做完Brian 就攞黎食晒喇!! 我自己都唔知好唔好味架!!! 哈!

    ReplyDelete
  7. Queenie21 July 2008 at 03:15

    你而家好叻呀,Brian order嘅蛋糕你都做得到,仲成功咗添.......我就好耐都冇整喇,你要努力呀!
    [版主回覆07/22/2008 08:50:00]爆炸魔女:   ~ 係囉!! 你依家真係好耐無整蛋糕喇!!我都知你好忙架喇!而且, 每日都好攰!! 不如用時間休息好過!! 但你咁耐無整蛋糕甜品,你屋企有無人request 你整蛋糕呀??哈!!有無投數呀??? 哈哈!   ~Brain 好特別, 會簡唔中order 我整啲特別野食, 包刮甜品and 餸菜, 有啲request 真係好特別. 連名都唔知...Brian只係講味道...我都係估估下整黎食架!成唔成功都係50 50 咋!! 哈哈!!   ~我而家都係學習緊煮野食, 我會努力學,...不過依排一個人食野...真係一切從簡...無咩點煮..食三文治又一餐!

    ReplyDelete
  8. 細細粒21 July 2008 at 07:53

    呢次個綠茶蛋糕似模似樣, 好成功呀~同埋好好味呢
    [版主回覆07/22/2008 08:55:00]細細粒:   ~ 多謝讚賞呀!!個綠茶杯裝蛋糕...我焗完之後試都未試過味, 就已經比Brian 食晒喇!! 你知喇! 一放工就肚餓, Brian 就食咗啲杯裝蛋糕...我自己都未食過...唔知好唔好食架!!!   ~ 但今次兩樣都算係成功, 唔太甜!!  

    ReplyDelete
  9. melmel21 July 2008 at 10:26

    好好味咁,下次可以挑戰 D 難度高 D 慨 !
    [版主回覆07/22/2008 08:58:00]高貓貓:   但唔知下知Brian 會request 啲咩挑戰比我喇!! 哈!! 今次兩款蛋糕..Brian 都話唔太甜, 我而家整蛋糕, 盡量少甜!! 感覺好似健康啲!

    ReplyDelete
  10. Mimy21 July 2008 at 12:22

    哈哈~ 原來brian成日出D甘既能題俾你既
    [版主回覆07/22/2008 09:00:00]睛天娃娃:   都好似讀書時啲surprise quiz咁架!! Brian 間唔中都會出題目比我...request 食啲特別食物架!! 哈哈!! 因此,我有時煮野食都係估估下架!哈

    ReplyDelete
  11. 陶陶25 July 2008 at 11:16

    Vicky: ~我覺得佢直頭當左你係廚師啦,好彩你對煮野有概念, 所以好多時佢一出題俾你,你都煮得到,你知嘛,以前d皇帝 都係咁架咋...wkakaka 你呢個蛋糕可以改名做"綠茶心太軟",下次佢一講,你就會知 係要整咩囉 ~原來係因為Brian生日,所以你特別為佢整左個生日蛋糕,我都 未食過綠茶芝士蛋糕架,有機會真係要試下你既手勢,我相信, 你呢個生日蛋糕都會好好食,事關我係一個綠茶迷,所有關於綠 茶既野我就最鍾意架啦 祝Brian生日快樂呀!
    [版主回覆07/26/2008 04:09:00]陶陶夫人:   ~有時煮飯好似玩IQ題架!! 一邊煮飯, 一邊個腦係度諗, 究竟Brian 係咪要依啲餸呢??你知喇!! 我又唔係Brian 個腦袋...有時煮野食比Brian 食都係估估下 !! 但有時又會比我發明到啲新菜式, 真係唔知多謝Brian 啲idea 定係多謝自己創造到新菜式!!哈哈!! 好彩我依幾年開始愛上煮飯...就從中慢慢學囉!! ......你形容得好好呀!! Brian 有時似以前啲皇帝出難題,叫人煮咁...你講得好貼切呀!   ~Brian 自己都幫個cake 改咗做"綠茶心太軟", 生日之後, Brian 都話好想再食, 但我唔得閒整比佢食呀!! 定得閒啲先喇!! 哈!!   ~我相信我哋唔止綠茶fans..仲係比較仲意日本野嘅人喇!!我見你整啲野食都比日式化!! (見你煮比你先生餐生日飯就知喇!!!)  原來你先生同Brian 係同月生日架!! 哈哈!! 多謝你同Brian 講生日快樂呀!!   ~而家我係度諗, 如果我哋係香港一早識得, 一齊讀書..我哋可能好friend架!! 你記唔記得, 我哋連裝飾風格都好似架!! 哈哈!  

    ReplyDelete

Subscribe to: Post Comments (Atom)