由佛羅倫斯為中心,....向葡萄園出發

June 8,2015 (Monday)

而家寫遊記, 

執下今次去旅行嘅相.

嘩!!

我先發覺, 原來我係意大利嘅每一日, 可以去到咁多地方.

每日, 7am 起身, 至少11pm 先返酒店. (有幾日, 仲約其他團友宵夜happy hour 玩到零晨, 先返酒店)

原來, 我係意大利, 計計埋埋, 都有成16個鐘, 都係條街. 

而家, 諗返起, 都覺好誇張

去旅行, 原來真係可以忙過返工. 

--------------------------------------------

而今次去意大利, 我第一站, 便到達---佛羅倫斯.

以佛羅倫斯做中心點, 

目的是去意大利紅酒莊遊覽, 兼增進紅酒知識.  

去旅行, 都上埋紅酒課. 

真係咩都比我玩晒!! 

↓由意大利---佛羅倫斯, 坐旅遊車黎 Tuscan town鄰近, 都坐咗兩個幾鐘頭車, 終到達Antinori酒園. 中途路勢比較凹凸不平, 因為意大利啲酒莊, 通常都係山上. 真係"鄧"住山路, 先黎到. 

 

↓出發前, 係酒店樓下間cafe 食早餐. 原來,意大利人早餐, 喜歡吃甜食. 朝早食蛋糕, 蘋果批, 再加杯咖啡, 當早餐. 就算食麵包, 都係查朱古力醬/果醬.  我唔慣, 食甜點作早餐, 我要求食火腿+牛角包做早餐. 但當地侍應, 仍比朱古力醬/果醬比我查牛角包食

 

↓由意大利---佛羅倫斯. "鄧"咗兩小時車, 到達Antinori 酒莊. 啲酒莊好鐘意有件城堡咁嘅款嘅建築物. 好似1345 年已經有依座城堡. 好悠久歷史. 而酒莊人員, 帶我去田園見識葡萄. 

 

↓可以自己落田摘葡萄, 但去嗰陣, 唔係摘葡萄季節, 所以啲葡萄, 仲係bb 咁款!!

 

↓Antinori 酒莊, 用黎釀酒嘅木桶. 啲葡萄就係木桶裡發酵. Antinori 酒莊, 是意大利最有規模嘅酒莊, 好多個山頭, 都是Antinori 嘅園地

 

↓參觀完酒莊, 就去咗酒莊園裡頭間餐廳食lunch. 每一度菜式, 都pair 酒莊園嘅酒, 一同品賞

 




↓這間Antinori 酒莊園, 好慷概, 比我哋用餐嘅酒, 都是之名年份, 真係支支都係好酒!! 而酒莊內嘅餐廳, 裝修好典雅

↓頭盤麵包熱辣辣, 啲橄欖油, 係點麵包/品賞. 啲橄欖油好純, 唔覺肥!! 反而感覺好香! 而意大利每個酒莊都兼種埋橄欖樹. 所以, 品酒之餘, 都會品賞埋橄欖油.

 

↓頭盤香醋橄欖油配creamy cheese沙律, 還有意大利雲吞

 

↓主菜有煙鴨胸. 之後, 有個芝士小食, 啲芝士點不同蜜糖食, 再配酒, 味道好出色!!

 

↓甜品,用個好優雅嘅器皿裝住, 見到都嘩嘩聲.

↓最後, 還有杯意大利小咖啡. 作總結. espresso (真係一啖飲落肚), 但飲得出意大利啲coffee, 真係好過星星咖啡店多多聲!!!

 

-----------------------------------------------------------------------------------


食完lunch, 又闖去第二個酒莊園.

↓意大利酒莊園, 都是在山坡上. 

 

↓這間Domini Castellare di Castellina 酒莊, 很喜愛用雀鳥做紅酒嘅label. 這品牌酒, 在紅色酒世界裡, 是top 100名之內嘅紅酒. 但這間酒莊有點特別, 因為一去到, 就即刻叫我哋一團人坐係偏廳試酒, 但我都未了解莊園嘅葡萄和歷史, 就即刻試酒??  真係有別於一般酒莊, 是參觀完, 講解完, 了解完, 先試酒!!

 

-------------------------------------------------------------------------------------


真係發癲, 原來一日裡面, 去咗三個酒莊.

當時, 又唔係好覺咁癲.

而家望返啲相,先記起.

↓第三間酒莊, 係叫做Castello di monsanto. 位於Tuscancy(但就到Siena). 這間, 酒莊人員好用心講解!!!連地圖都出埋!!

 

↓首先介紹下, 釀酒嘅儀器.

 

↓這是藏酒地方, 啲藏酒地, 通常係地庫, 牆身極厚, 感覺涼浸浸. 有利藏酒.  由於意大利人, 比較主重自己家族,啲藏酒地方, 會寫自己兒孫嘅名字, 紅地墊旁, 一間間房, 就寫咗酒莊園家族兒孫嘅名字. 啲藏酒, 就是留給兒孫長大時使用

 

↓參觀完, 了解完, 就開始品賞紅酒. 

 

------------------------------------------------------------

之後, 又坐兩個半小時旅遊巴,  返佛羅倫斯間酒店.

但意大利交通, 真是相當擠塞.

有時觀光完, 跟本係返唔到酒店. 就要直接去晚餐所在處. (因為我哋越洋book 咗枱)

因此, 旅遊巴司機, drop 我哋一團人, 去食晚餐間餐廳附近.

但由於意大利有啲地方, 車輛需要特別証件, 才能入城. 所以, 旅遊巴司機, 只可盡人士, 渣到去, 餐廳附近嘅地方, 放低我們.

我們一團人,  再行一段路, 去我們預先book 咗嘅餐廳!!

不過, 意大利人, 好有心, 旅遊巴司機, 怕drop 抵我哋一團, 自己自行步行入城, 會迷路.

旅遊巴司機, drop低我哋之後, 就畫咗個地圖比我哋, 還落車指住我哋由邊個方向行..........雖然大家言語唔太通, 因為意大利人英語有限!! 但好明白他們嘅用心!! 好照顧到我哋!!

↓去到一間, 我由溫哥華book 定一間意大利餐廳食飯. 全間餐廳, 得我哋一枱亞洲人. 而且全間餐廳, 得相中企係度個位阿哥識講英文. 我哋一團十二人, 就比這一位阿哥發版, 反正意大利人食野嘅文化同中國人相似, 一大堆食物, 會一齊share 食!!! 首先, 黎一個意大利火腿, 太好食, 我日日食, 我坐長途車嘅小食, 都是買這些火腿食. (這些火腿係加拿大賣, 很昂貴, 但係意大利就很相議)

 

↓意大利人喜歡食內臟, 又再黎雞肝多士, 超美味!! 還有白酒 (意大利啲酒仲平過蒸溜水!!)

 

↓頭盤青瓜芝士沙律, 炸黃花 (當地好流行)

 

↓係意大利, 意粉不是主菜, 係叫前菜. 意粉有啲硬, 但接受到, 味道唔錯

 

↓主菜係番茄牛肚. 味道不錯 (佛羅倫斯, 最馳名, 就是牛肚, 當地有一個包, 名叫牛肚包, 是全佛羅倫斯人, 日常必食嘅包類!!) 主菜隔離, 實有蝶蔬菜, 像四季豆

 

↓主菜有炆牛肉, 和炆豬扒 (好味)

 

↓甜品, 係雪脆蛋糕和tiramisù.   全部菜式份量係triple 上, 因為我哋一團有十二人一齊食, 但係意大利食飯, 比我想像中便宜. 我係比較加拿大嘅價錢

 

↓食完飯, 行返去酒店, 我哋住係佛羅倫斯市中, 所以行路仲快過坐車!! 每日都經過MichelAngelo製作嘅銅象, 銅象名為David. 先返酒店! 係意大利啲街牌好混亂, 我認行邊一個銅象及建築物, 返去酒店的. 完全唔望街牌. (望完街牌, 都記唔到, 因意大利文, 好像隻隻字差唔多, 條條街名, 讀起來好難上口, 無法記得) 

 

↓沿途經過gelato , 一定要試!! 係意大利, 賣gelato 嘅鋪頭, 跟本周街都係, 但食就食有啲名氣, 因為我肚皮有限, 食就食好啲, 這間venchi 是排行幾高嘅gelato店, 質感算滑,但意大利好熱, 真係要快手食, 擺一陣影相, 都就黎溶.

 

↓再經這個教堂, 就返到酒店, 但返到去, 約咗其他團友飲甜酒, 食糕點, 零晨先返自己房瞓. 真係癲, 由朝玩到零晨, 真係攰到衫都唔換都瞓得着, 真係咩時差都無.  而相中支甜酒好香, 而家見返, 都好想再飲!!!