最後一日酒莊, 地中海午餐, Pizza 晚餐

June 11,2015 (Thursday)


黎到第四日, 佛羅倫斯.

都係以參觀酒莊為主. 

可能, 會悶親睇緊我個blog啲blog 友.

但依一日, 係我係意大利最後一日參觀酒莊啦!!

我要過多一,兩年時間, 儲夠彈藥, 以及奏備時間, 先可以再黎酒莊啦!  

去一次酒莊, 真係學到好多酒嘅知識㗎!!  真係好過渣住本書讀. 

酒莊之後, 我就會係意大利嘅佛羅倫斯和羅馬遊覽, 還會進行瘋狂購物之旅. 哈哈~~


↓這個酒莊位於意大利嘅Bolgheri 村. 這酒莊Ornellaia 沿途景色都很美, 因鄰近是國家級, 大自然保護區. 很多候鳥會係依度周圍飛, 圍繞酒莊園嘅樹木,都很壯and 美.

↓這個Ornellaia酒莊, 歷史唔太長, 所以, 建築方面富有時間感.  "邱"緊褲個位阿哥, 係酒莊工作人員, 負責帶我們參觀酒莊.

 

↓Ornellaia酒莊嘅花園很美, 啲草剪成英文字母架!!  我見到個"V"就即刻走埋去. 因為"V"代表Vicky 嗎!!  

 

↓其實, 埋英文字, 係意大利文, 好似係「歡樂」嘅意思. 

↓玩完一輪花園, 就落Ornellaia嘅葡萄田園上堂啦!! 這個酒莊, 每年九月, 就有摘葡萄工人, 摘葡萄. 但原來Ornellaia 嘅葡萄,  摘完之後, 要經兩次檢查. 每粒葡萄啱品質,  才能去釀酒. 葡萄有微小瑕疵, 都會清除. 非常嚴格

 


↓都話Ornellaia 比較新穎嘅酒莊, 釀酒嘅地方, 會有藝術品. 

 


↓Ornellaia 酒莊, 用技術調節溫度黎釀酒.

 


↓參觀完酒莊, 當然係最期待嘅嘗酒時間

 



↓嘗酒時, 好落力mark 低啲味道和notes. 

 


↓Ornellaia酒莊, 真係好慷概, 比咗好多酒, 給我哋品嘗

----------------------------------------------------------------------------


這一日嘅lunch, 就精彩啦!!

對住個地中海食lunch 呀!! 

海天一色, 美到, 不得了!!

雖然, 登咗好耐車路, 先黎到依間餐廳.

而且事前又越洋打電話去依間餐廳頂位. 

但真係好值得黎!!! 真係有幾何, 可以對住地中海食飯吖

↓初頭, 入依間餐廳係見唔到依個戶外景, 係行到餐廳個後花園, 就見到依個地中海, 真係一見到, 依個地中海景色, 真係咩都唔識講....好靚呀!!

 









↓由於, 我哋係一早訂位, 所以, 我哋一坐低, 餐廳就準備酒和食物比我哋!! 蝶海鮮, 鮮味到,連汁都飲埋.

 


↓意大利嘅前菜, 係意粉.  兩蝶意粉, 都係海鮮黎, ......兩蝶都非常之甜, 因為啲海鮮夠新鮮!! 真係好好味!!

 


↓主菜, 還有魚, 和炸海鮮盤

 


↓甜品, 橙和桃配雪糕, 以及脆脆杏仁雪糕餅

 


↓食完lunch, 當然要同地中海影相啦!!!

↓依間餐廳, 可以食飯, 以及游水.....但無咩人游, 可能太熱, 35℃喎!! 晒到變燒豬啦!!都係喺度行下, 影下相, 算數. 不過, 可以近距離接觸地中海......好難得

-------------------------------------------------------------------


食完lunch,

就再去, 這個旅程最後一個酒莊----Biserno. 

這個酒莊嘅莊主, 將經營模式, 發展成為集團.

除咗意大利擁有葡萄園, 係匈牙利和紐西蘭, 都擁有葡萄園
↓到達咗Biserno 酒莊, 首先去參觀啲葡萄園先, 因為Biserno 嘅葡萄園嘅泥土比較特別, 主要是岩石混合物(galestro). 

 

↓參觀完, 就開始wine tasting.  嘗酒嘅酒杯, 真係多到數唔晒.

 



↓這位就係Biserno 嘅工作人員, 每隻酒, 她都好用心講解點樣發酵, ....好詳盡!! 而我面前嘅酒杯, 就不段填滿酒!

 


↓嘩下.....可以試到幾多酒!!! 還試咗一隻好珍貴嘅 Tokaji 甜酒!!

 


↓酒莊之旅, 都黎到尾升啦!! 依三日酒莊之旅, 都多得這一位導遊安排和帶領, 她由朝早已經係酒店等我.....她帶完我去酒莊, 就可以收工, 但她常常怕我唔了解意大利文, 自行去晚餐嘅地方, 會唔識路, 所以, 她會盡量帶我去食dinner 間餐廳, 她自己先放工! 好好人

 




大家有無發覺, 我黎咗意大利. 好似仲未食過pizza!!

Pizza 簡直就係意大利代表作啦! 

我未黎意大利前, 都以為自己去意大利旅行時, 會日日食pizza.

但原來, 係意大利, 比較好啲嘅餐廳 (restaurant), 係唔會出售pizza. 

要食pizza , 就要去cafe, 一些比較大眾化嘅餐廳, 先會出售pizza.

真係唔知......原來, 係意大利人心目中, Pizza係好casual 嘅食物!!

↓依日dinner, 終去咗間cafe 食, 首先黎支白酒先!!

 


↓一坐就有麵包,  (但無同麵包影相, 有好香橄欖油和醋, 點麵包食), 係意大利所有餐廳, 一坐低, 就會送上麵包, 因每間餐廳, 都收取麵包費, 有如中式酒樓, 收取醬介費咁.  而前菜有沙律, 意大利啲蔬菜好新鮮, 好甜美. 我可以講, 係意大利食沙律, 無醬汁, 都好好食

 


↓前菜還有番茄多士, 意大利啲番茄好甜美, 係加拿大食唔返!! 前菜還有炸花, 係意大利好多時都食炸花 (好好味!!)

 


↓前菜, 還有炸海鮮盤, 之後, 食咗波菜意粉

 


↓還食咗牛肉番茄闊麵, 最後....期待係意大利食pizza 嘅時間到啦!! 熱辣辣嘅pizza 出爐啦!! 係意大利食pizza, 食係好味啲, 我喜歡意大利夠薄身. 好香!! 美味. 

 




去旅行, 我邊有咁順灘, 食完dinner就返酒店.

其實, 食完dinner 都十一,二點,

但旅行嗎, 點都玩盡啲啲.

最開心, 意大利啲鋪頭, 係好遲先close, 我半夜三間, 大Brian 去酒店附近, 食gelato.

↓揀咗依間Gelato 鋪頭.  (係意大利, 很多地方都有Gelato 食, 連土多都賣Gelato), 但我會揀間裝修好啲, 感覺乾淨啲嘅Gelato 鋪頭, 我先會幫襯, 此終去旅行, 食到腸胃有事, 就危險啦!! 依間Gelato鋪頭, 連"不"雪糕,嗰位阿哥, 都着到去飲咁. 好講究嘅一間雪糕店.  哈哈~~ 

 


↓幾得威, 食到gelato. (而家望返啲相, 我個樣好殘, 完全無化過妝, 咁款)