佛羅倫斯--酒莊和牛排

June 9,2015 (Tuesday)

黎到意大利第三天

都是以wine tour 為中心 (參觀三個酒莊園)

但酒莊, 位於郊區

所以, 都要坐陣車, 先能到達酒莊.

每次係意大利坐車, 都特別掛住加拿大啲寬闊道路.

因為, 意大利啲路真係好狹窄.

而且, 道路上, 車輛又多. 常常traffic jam.

有時, 坐在車上, 望出窗外嘅交通, 見到啲車, 係啲狹窄道路上, 左串右插. 真是心都離埋.

↓由佛羅倫斯市中心, 坐車去酒莊......時間唔短.  中途, 司機都會停係公路旁邊嘅service centre. 比我哋去下洗手間 or 飲下野.  總之, 就Get 個break 咁.  Brian 入鄉隨俗, 學啲意大利人一早飲咖啡.  我覺在意大利任何地方嘅咖啡, 都好飲過星星咖啡好多!! 怪不得意大利係無星星咖啡店啦!!

 



↓(第一張相). 我身後, 就係意大利公路旁邊嘅service centre.  登咗兩個鐘頭車, 終於到酒莊. 但車, 不能直駛入酒莊門口, 要自行步行一大段路才到達酒莊入口.  第二張相, 我身後個城堡, 就是莊園嘅人員, 等緊我哋嘅地點.

 


↓到達第一個參觀及學嘢 嘅酒莊----Casanova di neri

 


↓casanova di neri, 釀酒嘅地方.

 


↓參觀完 Casanova di neri 酒莊, 釀酒過程. 最後, 當然去賞酒啦!! 

 


↓通常, 意大利啲酒莊, 會準備橄欖油麵包, 一邊食麵包, 一邊賞酒. 當日, 酒莊園都開咗啲好年份嘅酒, 給我們wine tasting.

 





↓個金髮姐姐, 就是Casanova di neri酒莊人員, 她好有心機介紹啲酒. 不過, 意大利酒莊有別於法國酒莊, 因為法國酒莊, 將所有酒, 發給貿易行, 才能把酒, 出售給消費者. 所以, 去法國酒莊, 都買唔到酒的. 但在意大利就不同, 意大利酒莊, 通常出產完啲酒, 都是自行出售, 所以, 係意大利酒莊, 試到邊隻酒岩自己心水, 就可以即時係酒莊購買. 酒莊有郵運服務, 寄酒寄到我屋企門口都得. 

 


↓我好有心機, 一邊賞酒, 一邊做功課make notes.  我帶晒筆and 紙去wine tour  㗎!!

 



--------------------------------------------------------------------------------------


這天, 第二個參觀嘅酒莊 -----Banfi castle.

在這個Banfi 酒莊, 除咗參觀和學習外, 還在這個酒莊, 附設嘅餐廳食埋lunch.

但這間Banfi 酒莊, 商業味道, 比較濃厚

因為酒莊入口, 就是一間shop. 裡面售賣, Banfi 酒之外, 還有出售關於酒嘅用具/ 開party 用品......



↓第二個參觀嘅酒莊Banfi.

 


↓Banfi 酒莊, wine tasting 嘅地方, 都係Banfi 開設嘅商鋪內, 因為想你試完, 就即刻買嗎!! 但它們啲酒, 都唔錯!! 

 


↓我鐘意Banfi 依一支酒. 好岩我當日想飲嘅酒!!

 


↓在Banfi 酒莊附設嘅餐廳食午餐.  當然啦, 在酒莊嘅餐廳食飯, 當中每一度菜式, 都會配埋酒莊嘅酒.  我超級喜歡, 食物配埋適合嘅酒同吃!! 第一度餐前小食, 是意大利雲吞, 配Banfi (pinot grigio)白酒

 

↓前菜, 是牛肉tar tar, 還有前菜--燉牛肉意粉 (意粉是廚師自家製作, 食時感覺好爽口) 

 


↓主菜---紅酒羊肉, 甜品是意大利餅 (原來這些餅, 是點意大利grappa 甜酒食!!)

 




-----------------------------------------------------------------------------------


這天, 參觀第三個酒莊 ----Caste Gicondo

無錯, 我真是一日裡面, 去足三個酒莊.

雖然, 每間酒莊, 都是提供wine tasting, 話明taste, 都唔會飲好多!!

但三間酒莊, 夾夾埋埋, 係咁taste. 真係放咗唔少酒落肚!!

Book 個陣時, 同埋身在現場時, 係感覺唔到自己會咁瘋狂wine tasting 

可能, 當時感覺, 自己難得黎到意大利, 就點都享受落去!!

玩就玩盡啲嗎!!

但到依家, 寫返遊記, 望到自己啲相, 以及自己每一日嘅行程.

真係覺自己好誇.

因為自己, 係全日, 所飲嘅液體, 大部份都是酒. 


↓坐車去第二個山頭, 黎到Caste Gicondo 酒莊.  嗰日, 入到酒莊就落大雨啦!!

 


↓Caste Gicondo---釀酒嘅地方!!

 


↓Caste Gicondo藏酒地方

 


↓每支酒, 都品嘗一下啦!!

 



↓Caste Gicondo 啲酒色, 都唔錯!! 試完酒, 剛好落完雨. 可以去葡萄園參觀. 

 



----------------------------------------------------------------------------------


每日, 行程黎到最後,

都是dinner 時間!!

我今次意大利之旅, 真係早出晚歸.

去完所有wine tour. 酒店都返唔到, 就喺時間去restaurant 食晚餐!!

由於, 我哋居住佛羅倫斯嘅酒店. 所以, 通常夜晚餐dinner. 都係佛羅倫斯食.

而係佛羅倫斯, 最馳名嘅食物, 就係----牛排. 

仲要係超級大安士嘅牛排, 

雖則啲牛排, 大大件, 但燒得好好味, 肉質又不錯!!

所以, 係佛羅倫斯, 差不多晚晚都食牛排!! (而且, 牛排又好好送酒呢!!)


↓晚餐, 頭盤通常都食沙律. 佛羅倫斯啲沙律菜好新鮮, 而且又好爽口, 真係唔太洗落沙律醬汁,都覺沙律好好味!!

 

↓頭盤, 還有燒茄子, 主菜----番茄豬扒肉

 

↓前菜有意粉, 黑松露粗意粉 , 蕃茄空心長意粉

 


↓前菜 ----Carbonara (原來, 真正Carbonara 係咁), 還有鴨肉意粉

 


↓佛羅倫斯, 很馳名嘅燒牛排.  一個order 嘅牛排, 份量都唔少. 初頭望到件牛排咁厚身, 以為會好"銀", 但這件厚身牛排,真是燒都剛剛好, 而且, 肉質不錯!!

 


↓食dinner 點少得酒呢, 而且, 在意大利, 飲酒真係便宜過飲蒸溜水. 由於, 我今次旅行, 一行十二人, 食到尾, 這間餐廳送了支意大利甜酒--limoncello (檸檬甜酒) 比我哋飲!! limoncello 係甜酒, 但酒精量高, 個個飲到好高興. ----而limoncello 是意大利人飯後最愛享用嘅酒. (意大利排行第二位, 最暢消嘅酒)

 


↓甜品, 係 tiramisu. (同自己平時食開嘅Tiramisu 有點不同, 但依款Tiramisu 香濃好多, 食落去嘅感覺, 就好像雪糕咁. 而且, 啲mascarpone cheese 真係好香滑!!)