用腳遊佛羅倫斯, 購物 和 五星級晚餐

June 12,2015 (Friday)

黎咗佛羅倫斯三日,

跟本就無咩點係佛羅倫斯行過,

通常, 係佛羅倫斯, 一朝早就起身, 就由酒店坐車入酒莊.

經過三日, 已經去完晒, 八個酒莊.

輪都輪到遊覽佛羅倫斯.

所以, 依一日, join 咗一個佛羅倫斯嘅Walking tour

以腳步, 去認識佛羅倫斯.

↓這天, 參加咗一個佛羅倫斯嘅Walking tour. 導遊一見到面, 就派耳機, 一邊聽住導遊係耳機內嘅介紹, 一邊步行去認識佛羅倫斯

 


↓佛羅倫斯, 好多歷史建築物, 跟本好難坐車去到, 因為當年, 佛羅倫斯建城時, 都無預計到依個世上是有房車--->依一樣東西.  所以, 佛羅倫斯啲道路, 都好狹窄, 因為當年, 只有馬車or 人.  所以, 要遊覽佛羅倫斯, 真係以行路型式, 會比較方便啲  相中個位, 渣住microphone 嘅姐姐係我導遊, 她同我一齊用腳骨力, 行遍佛羅倫斯主要地標和特式頂點.

 

↓這個是醫學博物館, 當年, 真係有偉人係度作研究科巧,...現在, 就成了博物館

 


↓佛羅倫斯啲建築物, 在戰前已經存在. 但到依家都keep 得好好. 建築物, 很多鵰塑.

 


↓當年, 又無貨車, 又無電, 即係連電鑽, 都無嘅年代. 當年, 啲建築師, 真係用人手, 一手一腳起這個教堂.到現今依個年代, 都覺依啲建築好結實, 而且好緻細. 這個教堂係全世界, 十大之一. 真係大到唔知點影

 


↓當年, 無相機, 啲鵰匠人員, 就把腦海情景, 鵰出黎, 金色嘅場身, 係十二門徒同耶穌食飯嘅情景. 另一幅相, 個建築物, 起得好detail. 而家啲建築物, 邊會花咁多心機. 

 


↓遠古時, 可能無咩成本管理, 係佛羅倫斯, 隨街都見到好多鵰塑, 由以前keep 到依家. 仲好結實. 其實, 係佛羅倫斯, 教堂為中心, 所以, 建築物是圍住教堂黎起!! 所以, 大街小巷都會見到教堂.

 


↓佛羅倫斯, 有個好大嘅教堂, 也有一個好細嘅教堂, 而且歷史好悠久. 入到去, 一眼望晒......其實, 佛羅倫斯太多博物館, 無心機行, 經過就算

 


↓聽講, 遠古有一個好有財富及氣勢民族. 黎咗佛羅倫斯, 起咗好多建築物. 所以, 有很多佛羅倫斯嘅建築物及鵰塑, 都係這個勢利民族嘅功積. 但這個民族, 就是以為自己好強勁, 只能允許同族人先可以通婚, 但這民族是有家族病. 因此,一代體力差過一代. 最後, 這民族就滅忘咗.......現在只能靠建築物和鵰塑去了解這族人. 

 


↓以前啲人無相機, 通常都係叫鵰匠去塑做, 人像出黎, 真係好多人體鵰塑. 但欣賞嘅人都太多. 無咩點影相, 望完就走開.  我都唔知點解係歐洲, 一見到人多,  就形住會有人想開大茶飯.....即係打劫呀!!!

↓其實,係佛羅倫斯隨街都見到啲特別野. 相中箭咀指住個圓扣, 原來係遠古時迫馬車用. 又有人話, 用來行刑嘅圓扣.  有些牆壁上, 有人形面相, 有人話係michael d'angelo  

 


↓佛羅倫斯好多依啲巷仔, 但遠古時, 已經有分, 行人路和馬路, 但意大利人好細粒咩?? 點解啲路咁狹窄嘅??  .......而係佛羅倫斯, 真係通處都見到同一個教堂

 


↓佛羅倫斯, 最出名都係依度, 以前啲人, 以這條河, 為水源. 初頭, 佛羅倫斯無對面岸, 但人口越多, 又有人發明咗點樣建築橋梁.....所以, 佛羅倫斯就形成兩岸

↓而家條河, 唔係當地人嘅水源, 但就好有特式!! 最特別是而家仲有人居住係依啲屋裡面!! 雖然好多建築物係遠古時都已經係度, 但到依家都keep 得好乾淨, 完全無破舊嘅感覺.

↓以前意大利人嘅屋, 中間都係空地, 我覺似中國人啲天井.  但以前意大利啲屋, 個門口起到好高, 咁點入去呢??? 其實, 以前啲門口起到二樓咁高, 係有防盜嘅作用,由於以前啲意大利女人, 唔可以出街, 啲老公出外返屋企, 會係樓下大叫老婆, 咁老婆就會放條梯落去, 比老公爬返屋企囉!!  (相中紅色門, 是當年, 進入房屋嘅大門)

 

---------------------------------------------------------------------


雖然, 用腳骨力, 去認識佛羅倫斯, 但完全唔覺攰. 

真係每一步, 都見到好多佛羅倫斯嘅特別野,

有導遊, 真係唔同啲,

其實, 好多地方, 係我在佛羅倫斯時, 每個日都經過,

但導遊一指點, 真係觀察到更多. 

不過, 我應該第一日, 一落機就join 依個walking tour. 

因為join 咗依個Walking tour, 我認識好多佛羅倫斯嘅路.

自這一個Walking tour, 我出去佛羅倫斯行街, 甚至係出街食宵夜, 都會方便啲, 起碼唔洗渣住個地圖先揾到食!! 哈哈~~



↓去完Walking tour, 都下晝時份, 嗱嗱臨去揾間餐廳食lunch, 求其揀咗一間.  都係貪個地方夠乾淨. 由於太熱, 飲咗啤酒.

 


↓仲飲汽水(支汽水都唔平), 原來意大利啲罐裝汽水係長型.  當日lunch, 頭盤食咗帶子

 


↓前菜有蕃茄意粉, 好好食, 雖然啲材料唔多, 但好食到, 要埃多蝶食.  還食咗個薄pizza. 好鬼香!

 





-------------------------------------------------------------


去旅行, 我邊可以唔shopping 吖!!

其實, 我第一日落機, 人哋個個掛住梳洗,

我自己, 已經衝咗係佛羅倫斯shopping.

黎到第四日佛羅倫斯, 有空檔時間, 我點會返酒店房休息!!

緊係去shopping 啦!!!

買到自己心頭好, 還有其他........個心當躺定好多!!

但其實, 我今次係整個意大利之旅, 購物個過程, 洗錢洗到心都寒....因為估唔到自己, 係外國購物, 可以癲成咁!!



↓我當然係這個品牌朝聖啦!! 這些戰利品, 原來都只是頭炮

--------------------------------------------------------------------------


去旅行, 除咗shopping.

會食一餐, 當地五星級, 享受下啦!!



↓間五星級餐廳, 係依個建築物裡頭.  一入到去, 一團人歡迎你!

 

↓初頭以為紅色凳間餐廳係我book 間五星級餐廳, 點知原來間五星級餐廳係二樓. 個環境仲華麗!

 


↓嘩.......餐桌和環境感覺很華麗. 

 


↓當然影返張相啦!! (由朝行到晚, 我個樣原來已經殘咗, 無咩神采) 

 








↓啲餐前麵包熱辣辣㗎 !! 服務員, 會定時換過新鮮熱辣嘅麵包!!! 頭盤係---帶子. 旁邊啲汁都好好味, 真係連汁都唔放過

 


↓頭盤黑松露牛肉他他蛋.(雞蛋嘅煮法, 好特別, 蛋黃蒸, 蛋白就唔記得係點整, 總之併埋落啲生牛肉和黑松露, 就好perfect!!), 頭盤還有黑松露芝士餃

 


↓主菜係羊, 好新鮮, 好juicy!!  之後, 食啲雪芭, 洗一洗味蕾

 


↓依間五星級餐廳, 服務相當唔錯, 真係唔洗出聲, 個服務員都知道你想點, 而且, 這間餐廳啲餐具好講究, 好華麗!! 這天order 咗紅酒和甜酒. 支甜酒好出色!!

 


↓甜品, 芒果汁脆皮朱古力金璞蛋糕.  還有甜點併盤, 用來送酒or 茶

 


↓揀選茶, 都放一大盒比我選擇.  最後黎杯意大利咖啡. 就say goodbye

 




這餐, 五星級晚餐, 都食咗四個幾鐘頭, 

但完全唔覺, 自己坐咗四個鐘頭咁長時間.

因為, 我真係享受到, 慢慢食, 慢慢嘆嘅感覺!!

↓入夜, 約朋友去happy hour, 我和Brian 第一個到, 當日飲咗意大利當地, 人人入夜都飲嘅lemon 酒 (飲完先知, 原來檸檬酒, 酒精好烈! 但檸檬味, 好容易入口)