Victoria Day -- Brunch + 添家品

May 19,2012 (Saturday)


由於, 星期一是Victoria day公眾假期.   所以今個星期六的假期mood, 比較強熱.  而且, 天氣也很好. 當然出街啦!!

這天, 我們又是去Patio餐廳吃brunch!!   Brian 就是咁, 食開一間餐廳. 如果係鐘意. 就會時時提,時時想再encore!! 

見太陽高掛, 氣溫上升. 我都想晒一晒.

但可能太多人有Holiday mood 和想晒太陽嘅心. Patio 餐廳大排長龍. 等咗45mins 先能入座! 幸好, 等位時, 都有個偏廳坐下,順便問人攞本menu 刨.  一入座就即刻叫野食!!

坐係Patio,  而且, 周圍都落地玻璃, 當然周處望, 而且, 個氣溫好高, 啱我!! 有得食,有得晒(太陽). 食物又啱口味!! 滿足!!

↓ Patio餐廳, 坐在偏廳等位, 問人攞本menu, 一邊讀一邊等,  而我身後,好多人企住排隊等!!

↓好好陽光 (而且好暖, 但Brian話好熱)

↓我們的飲品和頭盆

↓Brian的牛肉+流心蛋

↓我的牛油果,煙肉,蝦配流心蛋

--------------------------------------------------------------------------------



吃過brunch之後!! 當然去行街, 在經過某家具用品專門店(Canadian Tire)時, 聽到內裡攪咗個 "擦擦卡"現金獎遊戲.  當然去玩下.  因為我都有啲野想買!! 哈哈~~

好好彩, 我擦咗三張"擦擦卡" 都有$5 現金獎. Totally, 我持有$15 現金獎. 轉個頭, 即時買咗3件貨品.

本來三件貨品需要$30 才成交. 但我有$15現金獎.   所以到最後, 我只付了$15 就能抱三樣東西回家.

買到野,當然開心. 仲要係優惠價買. 仲更多開心啦!!

平時, 行街周圍望, 真的不是白望.  其實, 腦海都知自己需要什麼, 到真係有機會買野, 就把握機會, 購買心中所需品.  真係要係自己住開嘅地方, 先可以咁買野法. 去旅行去外地, 邊可以咁吖!


↓家品店的擦擦卡, .......買咗三件用品 (燈,行李鎖和空氣清新refill)

↓M&M鎖,我覺好cute+有需要. 而且個鎖係美國approved. 去邊都用得. 而房間添新企燈

↓行完街回家, 解渴飲品, 其實, 返屋企再嘆


--------------------------------------------------------------------------------------------


遊街太耐, 回到家安裝下新家品, 又到晚餐時.

晚餐, 終於可以食到, 我好想食嘅Bacon. 我還買了隻龍蝦, 拆了肉. 弄了盆白汁龍蝦煙肉意粉, 仲有青口 on the side.  都幾有海鮮餐嘅感覺. 哈哈~

而放假, 當然開埋支紅酒伴晚餐啦! 黎一個完美home made dinner. 哈哈~~ 


↓晚餐, 白汁龍蝦煙肉意粉和青一口 (現在啲青口好大隻). 還有紅酒