May 20,2012 (Sunday)
雖然, 是星期日, 平時的星期日, . 多數放慢腳步, 唔會點出街, 盡量坐在家休息.
但星期一是假期, 個心就會輕鬆啲. 見放假都能早到起身, 就即刻行落樓下, 食個早晚餐先. 平時, 邊有可能. 係難得放假時, 先有心機吃!! 所以, 好迅速換件衫, 落街食早餐
這天一出街就好焗. 係焗爐個隻「焗」. 係街行一陣, 塊面都變紅色. 我覺得現在嘅天氣,.... 冬天, 一凍, 就即刻好凍. 夏天, 一熱就即刻好熱. 完全無咩中間....
嘩!! 突然間又33℃. Brian 出街已經唔好面口. 但早上, 條街和食店, 仲未話太多人. 都已經好啲啲.
幸好, 我食早餐個間麥當當啲冷氣都ok. 大家仍嘆得一個舒服早餐.
其實, 放假很想出街行, 但長周末假期, 好多店鋪都close. 雖然我居住市中心, 也是旅遊區, 所以, 我附近有部分店鋪都會照常開鋪. 但琴日都行過, 無理由再行. 而且外邊又熱, 商場冷氣一定唔足. (因為環保條例, 商場冷氣不能開太涼)
費事難為Brian. 都係留在家. 反正係屋企, 都大把野執, 執依樣, 執下個樣. 好簡單都用咗好多時間. 再上下網. 其實, 都不會悶.
↓在麥當當吃早餐, 店內周圍都係依張Bagel sandwiches嘅 poster. 下次會試!!! 這天, 想吃甜, 我吃了pancakes, Brian 吃了豬柳蛋漢堡餐
但我就是坐不定, 總要找籍口出外, 下午茶時間, 就出外吃了軟雪糕!! 點知,吃完就出事. 結果, 就係要抱住個廁所囉! 唔抵........ 坐係屋企被暑咪好, 點都要出街. 自討苦吃!!!
↓下午茶買了兩杯雪糕, 但差唔多兩杯都係我食晒.
晚餐,要stay home.....見雪櫃有咩, 就煮咩!!
自家煮了, Brian時時話要食嘅煲仔飯 和 番茄青口. 至於, 個番茄青口, 我係亂煮一通. 見雪櫃有番茄醬汁剩. 就倒埋入去啲青口度煮. 但出奇地,個青口好野味. Brian 要求有機會就encore.
哈哈~~ Encore ...無所謂!! 但我都係亂煮一通. 下次煮返, 都知會唔會同一味道!! 我只係盡量....哈哈~~
而放假, 就加點氣氛, 晚餐就配埋酒. 完美!
↓晚餐 (放假就飲下酒)
↓番茄青口, 還有肉排蠟腸煲仔飯
放假唔出街唔開心喎
ReplyDeleteBrain係黐家定怕熱？
佢咁怕熱咪去唔到熱帶地方旅行？
[Oli回覆06/06/2012 06:54:37]香港D商場、食肆，甚至地鐵D冷氣都凍到爆，我頂唔順的
[版主回覆06/06/2012 05:39:25]Oli:
~你已經好了解我, 知我放假一定要出街, 所以, 下午茶時間, 出咗街食雪糕.
~Brian一時時, 但他怕熱多啲. 他係屋企,開冷氣, 我要着多件長袖衫先得.
~我依邊夏天, 一熱都好熱, 但由於環保條例, 商場和食市不能開太多冷氣, 所以, 一到夏天, 我都覺依邊啲食市和商場,不夠舒服囉! Brian反而掛住香港夏天商場和食市啲冷氣. 他說香港啲食市和商場肯開冷氣,...it's so good!! 哈哈~~(因我記得香港啲商場+食市, 開冷氣開到帶眼鏡出入啲人, 眼鏡會有"霞"氣)
~其實,Brian都去過熱帶地方, 但酒店, 商場+食市有好涼嘅冷氣就ok.
如果條街咁熱，我會留在家中做下手作仔！
ReplyDelete[版主回覆06/06/2012 05:39:56]Fion:
~做小手作都唔錯!! 其實,現在有互聯網, 坐在家都唔會悶得去邊啦!! 但我個心, 點都有啲出街癮, 出街先安樂. 哈~
很出色哦
ReplyDelete[版主回覆06/06/2012 05:40:07]小倩Jade
~多謝你!! 你太過掌.
煲仔飯,正!
ReplyDelete[版主回覆06/06/2012 05:41:00]空中少奶奶:
~我發覺Le creuset整煲仔飯, 好ok. 你都用花花煲試下整. 在家吃,點都健康啲.
1.75 ice-cream ！
ReplyDelete[版主回覆06/07/2012 01:22:57]Mike:
~原來係咁意思
[Mike回覆06/06/2012 17:05:02]你話「兩杯雪糕, 但差唔多兩杯都係我食晒」，1.75 就係接近 2杯。
[版主回覆06/06/2012 05:41:13]Mike:
咩係1.75 ice-cream???
食多杯雪糕.....就涼透心呢...!!
ReplyDelete[版主回覆06/06/2012 05:41:27]冬日Winter:
但食得多,肚都痛埋. 變咗清腸胃!!
而家多倫多咁熱ga....不如改lunch 在家煮...先再出街逛 + dinner 喇!!! 晚餐中西合壁喎~~
ReplyDelete[版主回覆06/07/2012 00:31:43]菲on:
~多倫多熱起上黎都好熱架!!!
~有時都會lunch 自家煮, 調返轉個次序. 但都係depend 個日心情係點.
~依餐dinner, 都係亂煮一通, 見雪櫃有咩便吃什麼, 不過, 個煲仔飯係Brian request架!! 他很喜歡吃煲仔飯
咦 原來妳夏天都會食臘味煲仔飯架
ReplyDelete[版主回覆06/07/2012 00:34:46]Jo姐姐:
~煲仔飯都無分冬天定夏天吃. Brian長期都喜歡吃煲仔飯. 他想食, 屋企材料許可, 就會整黎食.
Vicky ,
ReplyDelete番茄青口幾創意喎 , 第日我都試下學妳咁煮 .
現在香港的天氣都好怪0架 , 一落雨就時時落 , 一熱就好熱了 , 昨日天文台掛上今年第一個酷熱警告了 , 超熱 .
[版主回覆06/12/2012 04:30:54]ak:
~我有時煮野食,都很隨意. 看到雪櫃有什麼剩,便會煮什麼. 不想浪費. 但就是誤打誤撞, 就整到一個新菜式. 哈哈~~
~我依邊都有酷熱警告, 天氣很焗