May 16, 2012 (Wednesday)
現在的天氣很神奇. 一熱就熱. 大廈會所的BBQ 場都已經開幕. 日日都見到好多人走去燒.
我同Brian兩個人, 閒日食飯, 可以很隨意. 這天, 買了塊魚肉和香腸. 便走落樓下燒野食. 燒完帶返屋企食. 最多飯後吃點水果. 成餐飯慳水慳力. 就攪掂.
燒烤真係燒烤, 燒烤爐, 燒出黎個陣味, 真係唔同啲. 係屋企點整舊肉, 都食唔到燒烤嘅香味!!
今年,第一次BBQ, 未食完, 已經諗定下次幾時再燒好. 哈哈~~
↓太陽高掛.....但遲啲, 前面啲矮嘅建築物會拆, 將會起服務式酒店+ 居住大廈, 都唔知會唔會咩都遮住晒......而Brian 負責燒野食.
↓坐係度,等啲食物燒完, 攞返屋企食. 我無化妝, 只可影則面. 哈哈~~ 而我還是好怕凍, 人人短袖衫, 我仲着風褸.
燒野食, 都係熱氣, 食完喉渴渴, 走咗落樓下麥當當買Mcflurry雪糕. 買完先知, 而家雪糕加咗好多價!! 但Mcflurry 有新口味---Drumstick ice-cream 碎. Brian 仍然好老套, 食傳統Oreo Mcflurry 雪糕. 我有新口味試, 當然即時試!!
Drumstick ice-cream 碎---就好像朱古力雪糕甜筒碎. 好有咬口. 食Mcflurry 時, 啖啖都咬到脆bob bob
↓燒三文魚, 香腸+麵包. 已經夠兩個人食!! 還有, 甜品---麥當當雪糕.
i suppose you don't need to clean up the BBQ after usage? My husband likes BBQ but it me who needs to clean the stove!
ReplyDelete[版主回覆06/02/2012 07:13:37]Mrs. TinTin:
~BBQ 場有個刷給用戶, 用完BBQ 爐燒野食之後,用個刷, 擦一擦個爐. 其實,大至上擦一擦, 都已經好clean. 但我大廈BBQ 場, 有員工當籍作bbq 爐清潔架! 每日都清潔得好仔細. 朝晚都clean. 所以,個BBQ 爐用完, 就可以走!!
~你係用咩爐BBQ, 我知清爐係麻煩, 但燒出黎啲食物會特別香!!
BBQ + 雪糕 正呀 我都好想食啊
ReplyDelete[版主回覆06/02/2012 07:13:38]Jo姐姐:
~你個邊都應該熱, 揾日就BBQ 啦!!! 夏天多數都係依啲活動!
流哂囗水啦, 好期待燒野食呀
ReplyDelete[版主回覆06/02/2012 07:13:40]Mrs. Wu:
~你坐完月, 都夏天. 燒野食就最岩!!
咁搞笑，燒完拎返屋企食？
ReplyDelete[版主回覆06/02/2012 07:13:42]Oli:
咁我費事帶啲餐具去會所個bbq場嗎!! 燒完用個盒裝住, 塔lift 就返到屋企. 啲bbq food 仲係熱辣辣, 坐係屋企食方便啲嗎!!
我都係鍾意港式燒烤, 用支义义住黎燒.
ReplyDelete[版主回覆06/02/2012 07:13:43]靚芒:
我以前都鐘意港式bbq, 但我等唔到耐, 都係一氣過放係爐燒. 方便啲. 但間中玩下港式燒烤. 都幾好玩!!
兩個人BBQ...燒完拎返屋企食......點解唔即食既??
ReplyDelete[版主回覆06/02/2012 07:13:46]菲on:
我費事帶餐具去bbq場嗎!! 我燒完啲bbq food, 用過大盒裝住, 之後, 塔lift 就返到屋企, 啲bbq food 仲熱辣辣. 坐係屋企食, 咩餐具都有. 方便啲嗎!!
你哋大廈啲爐好乾淨呀。我哋去 park 燒嘢食，嘩，啲爐見到都想調頭走，剩炭 / 食物不在話下， 仲有我最怕嘅蜘蛛！
ReplyDelete[版主回覆06/02/2012 07:13:47]Angela:
~ 我大廈個bbq 場, 有清潔工人日日清潔. 朝晚都有. 好勤力
~ 但我覺,最注要係我大廈啲人都幾nice, 大多數啲人燒完, 都會用個bbq 刷, 刷乾淨先走. (個刷係bbq 場內附切)
~有無啲好啲嘅park??我依邊啲公眾park 燒野食地方, 都ok!! 如果你真係好like bbq, 不如你投資一個小型bbq 爐. 又可以帶出park用, 如你有露台,放係露台用都得. 夏天燒野食好方便. 因燒啲野食,一定唔會難食. 又可以當玩. 好開心!!
天熱 --- 叫 Hot B Q
ReplyDelete天冷 --- 叫 冬 B Q。
[版主回覆06/02/2012 07:13:49]Mike:
~我依邊冷天,無可能燒到野食!! 太冷了. 啲食物燒完, 攞上蝶,一陣都變凍啦!! 無可能冬bq
Orea Muflurry其實都是我致愛呢!
ReplyDelete[版主回覆06/02/2012 07:14:37]空中少奶奶:
~我都覺Oreo Muflurry 永遠是好好配塔. 但我貪新鮮. 所有新口味﹐ 一定要試!!
燒三文魚 is good! I like BBQ, easy and always come out good! How can you beat a grilled steak??
ReplyDelete[版主回覆06/02/2012 07:13:52]Big daddy:
~bbq food一定唔會難食. 哈哈~~又easy 又好玩!! 你今年bbq 咗未!!
~而Brian鐘意負責bbq. 他肯做,我就等食,仲開心!!
在會所BBQ...乾手淨腳, 真是方便,
ReplyDelete[版主回覆06/05/2012 07:12:04]冬日Winter:
~係呀!!一落樓下就燒得, 真係好方便.
會所BBQ場就喺樓下好方便，燒完返屋企食，都好正呀！
ReplyDelete[版主回覆06/05/2012 07:11:52]ccKitty:
-最方便都係可以燒完, 就可以即刻返屋企. 食幾耐都得.
-而且, 食物比燒烤爐燒過, 真係特別香架!!所以, bbq 場一開, 都會落去燒. 哈哈
令我諗起加拿大屋企.......响後園燒完即刻返入屋食......可以BBQ又可以睇電視.....
ReplyDelete[版主回覆06/12/2012 01:16:21]琪琪小公主:
~加拿大, 就是有依樣好, 燒野食好方便. 你會唔會返加拿大探親?? 回來加拿大之後, 燒野食. 玩返下啦!