Vancouver Dec 27-29, 2011

December 27,2011 (Tuesday)


由夏威夷回溫哥華(加拿大), 真係成個人都散了.   坐着梳化也瞓得着.

返回溫哥華, 只有4℃, 對我長期在多倫多黎講, 算是很和暖. 不過, 有點幸運, 我不是由夏威夷直接回多倫多. 好像聽到多倫多有-14℃.  天氣的強烈對比和時差.  真是不能一下子吃得消. 

我的假期, 還未完結, 會在溫哥華渡過New Year (Jan 2)先回多倫多.  在溫哥華的日子, 大多數都是出外食, 出外逛. 有時, Brian's parents 直情好主動叫我和Brian, 私底下出多啲街行下.  唔洗陪佢哋喎. 哈哈~~~  (我都未聽過, 啲阿爸阿媽, 催人出街!!!)

由夏威夷回溫哥華的第一餐晚餐, 原先, Brian's daddy想煮. 想顯技. 但我哋全部人都唔想Brian's daddy 辛苦. 所以, 便決定出外打邊爐!! 

我成日都同人講溫哥華啲野好食, 真係無錯架!! 溫哥華近海嗎!! 啲野食真係新鮮啲. 打邊爐的三文魚煲, 好出味!!



↓三文魚魚頭火窩 (很美味!!)

↓還吃了鮮帶子...............打邊爐前買了一個ipad case. 這個ipad case是Brian 買給他父母.  Brian話揾得好辛苦, 因他每日在夏威夷, 都找一個適合ipad case 都找不到. 最後, 都是在溫哥華買到.





-----------------------------------------------------------------------------------------------------------------------

December 28,2011 (Wednesday)

我和Brian + Brian's parents不知是否夏威夷之旅,太過熱烈. 回到溫哥華, 狀態還是未平伏. 坐在屋內都不願出街.

所以, Brian's daddy 全日都煮食物給我們吃. 在Brian's 家,  煮飯果個是Brian's daddy. 他煮和洗, 全是他一手包辦. Brian's Daddy 最怕人幫他手. 因他做什麼都很有程序. 很怕別人打擾.  這一點, 我很明白. 我們都尤得他, 自得其樂.

反而, 我很享受Brian's daddy 的廚藝. 他煮的食物, 會配塔埋酒櫃的珍藏. 而且, 餐具配塔很整齊. 我很喜歡. 我會讚他. 他會微微展露笑容.

 這天, 我+Brian+Brian's mom 一邊玩電腦, 一邊等食. 而且, 很耐都無享受全日上網的樂趣. 很relax.

↓Brian's daddy 準備的晚餐, 餐具排得很整齊.

↓Brian's daddy 準備晚餐啲餐具很靚靚, 還有Brian's daddy 酒櫃珍藏的純Sake.

↓這個是我,.......我就坐在客廳玩電腦, 等吃飯.



-----------------------------------------------------------------------------------------------------------------------------------


December 29,2011 (Thursday)

我和Brian, 在家灘紏咗一日.  而且, Brian's parents 又時常鼓勵我們出街.  這天, 我們終於單拖出街了!! 哈哈!!

去一去溫哥華Downtown, Richmond 的香港式商場, 還去了Brian 最喜愛的電器鋪(Future shop和Best Buy). 一天去了咁多地方, 都是數小時. 真係溫哥華先可以咁. 因為溫哥華的地域, 真是不太大. 一個地方與另一個地方的距離. 很相近. 又不多高速公路.  這是我其中喜愛溫哥華的地方.

晚上, 會合Brian's parents 去日式串燒店, 吃晚飯.   這間餐廳是我選擇的. Brian's parents 也完全未試過. 我只是在網上食評, 看到有人對這間餐廳讚好. 我便叫Brian's daddy 有時間, 帶我試試吧! Brian's daddy 真的記得我所說的話. 這天, 便去試試. 網上食評, 真是無錯. 日式串燒真的很美味! 而且, 全店是日本人經營.  我又鐘意日本野, 所以, 覺得日本人經營的食店, 感覺特別有味道.............發覺溫哥華很特別, 份外多日本人, 很多日式經營食店. 點解多倫多又唔係嘅?? 都不知可解.


↓放假嗎!! 便裝扮到靚靚才出街

↓去了溫哥華downtown (Pacific Centre 行街)

 

↓再去了Richmond (香港人經營的商場行街), 溫哥華啲港式商場, 時尚很多. Food court 都有現代感.

↓好例牌, 去到港式商場, 一定買台式飲品+小食(雞翼)

↓溫哥華啲港式商場, 很多日本連鎖店. 這是其中一間.

↓係港式商場影張相

↓溫哥華的港式商場有精品店, 有購賣部份Hello kitty, 但Hello kitty的物品的價錢食水很深. 是美國的一倍價錢



↓晚餐, 日式串燒店---頭盤刺身魚.

↓日式串燒......配啤酒

↓很多很多的日式串燒

 

↓我們吃了幾多串燒, 竹簽筒有很多竹簽.........................最後, 還食了飯團.