Hawaii Day 3(Shopping)

December 21,2011 (Wednesday)


    每天都係一早起身都揾早餐食. .......原本諗住幫襯下Starbucks.  仲一早查定地圖. 以為好簡單......點知出到酒店. 就比其他店鋪吸引住.  shop 了一陣. 過咗Starbucks 都唔知!!!! 


   明明GPS 話好近酒店有間Starbucks, 但我哋越行越遠, 我仲問手上渣住Starbucks 杯嘅途人, 點去starbucks coffee shop. 點知, 個途人係日本人. 用了好簡單英文解說我知. 不過, 日本人好肯幫人. 真係講到我"知"為止!! (交談咗好耐) 
 

  我哋過咗starbucks 好多個街口都唔知, 費事行返轉頭, 唯有求其去Subway sandwiches 解決早餐!!!

   食完早餐, 去返酒店攞車, 再去回合一個Aunties and 一個後生女. 大家一行六人去Outlet mall (Waikele Premium outlets) 進發.

    我去依個Outlet Mall, 好似無Las Vegas 嘅Outlet Mall 咁大.  但都夠我shop. 哈哈!!  而且, 我哋六個人, 都喜歡shopping.  行咗大半日. 都無話腳攰.  收獲仲豐富添!!  (開心!!) 不過, 美國啲野真係抵過加拿大好多!  美國啲鋪頭真係肯減價!!

   夜晚, 去了一間旅遊書介紹的西餐廳食飯. 這間餐廳係一所大型Shopping Centre 內(Ala Moana Centre, 大到有幾條街咁大) . 食飯前, 又shop了一陣!! 哈哈~~~ 而間西餐廳, 味道就一般啦!! 無旅遊書講到咁好食!! 不過, 我時常覺美國啲西餐廳, 啲食物不多數都遍咸. 每一次去美國, 實有一餐有依個感覺.

   我們六個人, 食完晚飯, 又再shop過, 而家諗返起我哋係依日都shop得幾癲!!

  
 
一早行出街, 食早餐途中影返張相

係Subway sandwiches 食早餐, Subway sandwiches 有日文menu架!! ......我仲見到好多人買日本飯圈做早餐. 我都買返個黎食

係Outlet Mall 購物嘅狀況. ...哈哈~~

係Outlet Mall 好簡單食個lunch, 之後, 再shop過,  哈哈~~ Lunch 食咗茄子雞飯+ ice shave.  我譯做"趴冰", 趴冰內有埋一球雪糕.   聽人夏威夷人好鐘意飲. 因飲完真係透心涼

晚餐去另一個大型購物商場裡面嘅西餐廳食飯. 夏威夷出名燒豬, 所以, 叫了燒豬肉沙律

主菜Brian食魚,......................... 我食蝦

大型購物商場(Ala Moana Centre)係露天商場, 而且面積好大, 個商場大到有幾條街咁大. 好多野行. 行極行唔完.

臨瞓前仲去便利店行, 買了特別味道香口膠




我其實, 在七日夏威夷之旅都係Honolulu. 差唔多成一半時間都係Shopping. 哈哈!!! 其實, 又唔係日日都預時間去shopping.  有時,夜晚食完飯. 都會走去行街. 因為有條街啲鋪頭close好夜. 又近酒店. 咪去行下囉!! 買唔起,睇下, 增廣眼界, 都好呀!! 但我哋癲到連Macy 都行一餐. 行到12am. (Pre-聖誕營業時間).  我哋先返酒店.