Hawaii Day 7 (陽光與海灘)

December 25,2011 (Sunday)


    黎了夏威夷都幾日, 真真正正陽光與海灘都係依日.

   其實, 依日係聖誕節, 好多商場+場館,都會關門. 除咗旅遊街(即名店街)照常營業. 但旅遊街真係日日都行. 所以, 就決定在聖誕日----享受全日陽光.

    夏威夷雖然熱, 但個隻熱又不至於好濕淋淋嘅熱. 但又唔會熱到好似係焗爐咁乾. 可以講話,........熱得黎又會有啲啲海風 (可能夏威夷四面環海). 所以, 夏威夷的熱, 真係好舒服!!  由其事, 我係加拿大住, 時常都係凍, 相比夏威夷, ......見到夏威夷的陽光, 真係超溫暖.


↓我住的酒店後面, 便是沙灘,   在沙灘上見到人玩沙灘排球

↓去沙灘前, 食的早餐 (很喜歡夏威夷的便利店ABC store,真係咩都有得賣) 早餐都是從便利店買, 很方便. (綠茶+夏威夷咖啡)

↓出發去游水, 帶備沙灘蔗+太陽眼鏡+ 人字拖.... 臨去游水前, 買了隻腳趾指環

↓去到沙灘, 租咗把沙灘傘 (依兩位健碩男, 係沙灘職員, 專幫人set 沙灘傘)  唔洗幾幾分鐘, 就set 好!其實海灘是人造的. 所以, 唔係道道地方都可以整個筒插把沙灘傘, 因為有啲地方唔夠深, 是插不到沙灘傘的. 所以, 點都需要找沙灘職員安裝

↓去游水啦!!

↓沙灘個景很美

↓游到攰, 上岸晒太陽...望下天, 好寫意



↓仲在陽光下睇書兼眠一眠.....

↓差完電, 又落水玩過....大家落水影下相!!!

↓係夏威夷買了Hello kitty 毛巾, 去海灘,即用.......還在陽光下食雪條

↓雪條+ 水果凍 (原來, 係沙灘, 水果好快溶, 所以, 係沙灘飲水果凍超正, 一定唔需要等冰溶, 太陽下, 水果冰啖啖都透心涼)

↓在沙灘食埋lunch......熱狗, burger and 水果凍(ice shave)

↓臨走, Brian清埋啲水果冰 (Brian着緊對黃色拖鞋係我架!!).......而我臨走就去kiss一kiss 個海灘水

-------------------------------------------------------------------------------------------------------

    Brian's Daddy好虔誠, 去到旅行, 都要揾教堂. 以前, 我哋坐郵輪都要去郵輪嘅教堂做彌撒架! 今次黎到夏威夷都唔例外.

   我哋唔知教堂係邊, 咪叫酒店call Taxi接我哋去囉!! 點知酒店call 咗架Limousine 黎. 但收我哋Taxi 價咋! 原來聖誕日, 好多Taxi 都唔開工.  所以, 酒店幫我哋call Limousine 去教堂囉!!  我都未試過坐咁豪華嘅Limousine. 車上有埋酒杯!! 哈哈!!

   去完教堂, Brian's parents 話最後一夜係Hawaii, 叫我和Brian自己行名店街, 黎個最後衝次!! 哈哈!
一行名店街, 就買到野!! 又攞住兩袋返酒店!!


↓坐Limousine 去教堂彌撒



↓在名店街拍照!

-------------------------------------------------------------------------------------------------------

晚餐, 去了一間Brian's 父母個朋友推介嘅餐廳食晚飯. 依間餐廳係山上間酒店內. 地點真係好privacy. 聽人講, 陳方安生個女, 係度擺結婚酒!! 而且, 有某國家大使, 也曾在此渡假.

    但這間山上酒店, 環境真係好幽美, 又有小型瀑布,一望落去, 就好舒服!!

晚飯前, 我哋參觀了酒店, 適逢聖誕節, 酒店內啲聖誕裝飾, 都裝飾得好靚. 真係忍唔住, 周圍影下. 差啲忘記食晚餐添!! 哈哈~~ 

    而間餐廳, 服務和食物都不錯! 很細心, 食物又很精緻

↓ 山上酒店大堂的聖誕裝飾. 好有氣氛

↓山上酒店內的小型瀑布

 

↓這間山上酒店處處都洋溢着聖誕氣氛.

 

↓還有薑餅屋

↓山上酒店內的日本餐廳........純日本人經營. 刺身鮮味

 

↓餐具很精美, 餐前小食都很有心思

↓品賞了許多食物

↓還吃了鐵版和牛+ 和牛紙火窩

↓甜品, 也很精緻 

↓千層crepe, 很好吃..........還配上清香綠茶