December 4,2011 (Sunday)
我要錫自己, 一有時便提提自己要煲湯飲. 我都唔知自己煲湯用啲材料係咪拾當. 但總覺個身體多啲水份. 點都應該會好啲嘅!!
而我唔係時時去到中式超級市場, 有啲湯料, 我係會一早係中式超級市場買定, 之後, 洗光淨, 切埋粒, 放係冰格. 要用時, 就係前一晚. 就放係室溫解凍囉!!
依餐湯, 係「粉葛眉豆排骨湯」. 我啲粉葛一早買定, 放咗係冰格. 到時到候先攞出黎煲湯!! 好彩飲湯時又無咩野, 仲好出味添!! 哈哈~~~
唔知係咪住係外國,有時買野, 一係天氣和道路問題, 一係就要滿足中式口味, 所以, 為方便, 出街買野, 都會一次過買好多. 我發覺, 我係外國居住之後, 用冰格比例, 多咗好多. 肉類放入冰格外, 我連蔬菜,......紅蘿蔔,合掌瓜, 粟米,西蘭花..... 都會切粒放係冰格架!! 所以, 冰格時時都好爆. 哈哈~~
↓粉葛眉豆排骨湯 (加埋蜜棗, 紅棗, 花生)
↓下午茶, 食薯條+ 混醬腸粉
混醬腸粉真係好多醬呀！我食腸粉都係落好多醬架！^0^
ReplyDelete[版主回覆12/13/2011 12:53:21]cckitty: 我都係架！食腸粉一定落好多醬，咁先好味，我下次想買埋芝麻晒上面，仲香仲好食
我好鍾意飲紅蘿蔔扁豆赤小豆鯪魚煲粉葛湯架 最衰呢度無新鮮鯪魚賣啦 ><"
ReplyDelete[版主回覆12/13/2011 12:59:20]Jo 姐姐，我都記得自己飲過粉葛配魚嘅湯，但唔知係咩魚，原來係錂魚！但我好似唔覺有得賣！
醒目！😄
ReplyDelete[版主回覆12/13/2011 13:03:42]Smac,我都唔知咁做，係對健康好唔好，有冇營養，但有時貪方便，省時間就咁樣做囉！
蔬菜都可以放入冰格 , 呢個真係好介紹喎 , 我都鍾意混好多醬落腸粉處食的 , 超好味0架 !
ReplyDelete[版主回覆12/13/2011 13:09:48]ak,我貪方便和省時間先放蔬菜入冰格，都係食新鮮好似有營養d,但我依邊有d食品唔係成曰有得賣，所以有就買定先，放入冰格............我食腸粉好鐘意混好多醬，我覺咁先好食，哈
薯條+ 腸粉一齊食....都夠特別....!!
ReplyDelete[版主回覆12/14/2011 01:00:08]冬日winter,而家進行清雪櫃行動，雪櫃有咩就食咩，哈
聰明！我成日要揼爛菜，等我都冰咗佢哋先。你啲排骨湯完全唔油嘅？ Dondon 實鍾意。
ReplyDelete[版主回覆12/14/2011 01:11:50]Angela,有葉嘅菜，我好少放冰箱，因為有葉嘅菜雪完唔太好食，其實我平時係超級市場買有葉嘅蔬菜會盡可能枺乾蔬菜和膠袋嘅水份，用廚房紙包住d菜放入下格雪櫃，蔬菜冇咩水份冇咁易爛.....其實我覺依個湯有d 油，因用咗排骨煲，所以我煲依個湯果陣時，隔一陣就去"不＂走湯面d油，
You know how to better yourself all the time!! Just like Angela!
ReplyDelete[版主回覆12/14/2011 11:25:13]Big daddy, thanks big daddy, 你好識讚美人
即使香港買餸較方便...我都鍾意買好多餸喺冰箱...不過只會雪肉類...日日去買餸好嘥時間啫 :)
ReplyDelete[版主回覆12/15/2011 08:30:43]小花媽:
我都係咁話, 日日買餸真係好嘥時間!!! 雖然, 我每日坐地鐵都經到超級市場, 但都費事日日去買!! 有時屋企打開雪櫃有野食, 都幾方便!!
個湯好好味，啲肋排好 “正”、、、
ReplyDelete不過下午茶 就嘛嘛哋健康。