總結 Vancouver冬奧之旅

February 25, 2010 (Thursday)

   今次去溫哥華, 睇冬季奧運開幕禮, 又適逢農曆新年, 又撞正情人節喎!! 而且, 咁岩對我哋多倫多人黎講, 又係長周末假期(Family day, Feb 13,14,15).  嘩!! 一大堆特別日子!! 好似我懂事以黎都未試過, 有咁多日子, 重疊埋一齊!

  今個咁嘅特別日子, 對我未結婚啲人, 就最麻煩啦!! 出街實對唔住屋企, 但唔出街又好似對唔住我隔離果個人喎! 但真係有少少好彩, 冬季奧運又係依段時間舉辦!! ...奧運喎, 四年一次, 又有開幕禮門票, 咁難得, 唔理係被屋企人嘅籍口, 定係點都好!!! 可以比我出去第二個省行下! 又比我感受下從未感受嘅奧運氣氛喎!! 我相信依個選擇應該係最好安排.

   感受冬季奧運氣氛, 已經比好好嘅回憶!! 之前, 幾篇BLOG 我都記錄咗!!今次, 假期還感受下Brian屋企嘅農曆新年, and 情人節嘅氣氛, 感覺好特別.......

  首先, 講下農曆新年, 講真, 我咁大個女都未試過係屋企以外地方過年!! 就算以前讀書係需要寄宿, 臨近農曆新年果個周末, 都會特登坐車返娘家食餐飯當過節. 都未試過去第二個家庭過. 今年, 去咗Brian 度過, 感覺下佢屋企過年啲習俗! 雖佢啲習俗有啲唔同我屋企!! 但都係啲意頭野啦!! 哈哈.     不過, 今年農曆年, 係我第一年唔洗食中菜過, 農曆新年當天嘅下晝飯, 去咗一間好別緻西餐廳(Db bistro), 食西餐, 飲pink champagne. 而夜晚便去咗食我最喜歡嘅日本餐慶祝. 對我黎講好新鮮啦!! 

  而係情人節, 同農曆新年正日重疊, 所以, 我同Brian 一早已經準備咗情人節禮物比大家了!! 唔需要當日互相送比大家. 但今次係Brian 過埋依個日子, 比我見到Brian's 父母, 到而家都好有情趣架!! 他們直到現在還會互相交換情人節卡表心意架, 依個舉動, 我見到都感覺好warm


↓Feb 14 同Brian's 屋企人食日本菜, 啲野食好新鮮0

↓Feb 14--Brian's 屋企新年習俗, 放兩個有葉吉係床上, 同埋有兩封枕頭利事(自識Brian 之後, Brian 媽咪年年都寄枕頭利事比我, 今年就親自放係我瞓房), 仲有賀年糖果係電視旁0

    年初二, Feb 15 一起身之後, 又係好忙, 食完啲年糕, 蘿蔔糕, 又周圍去喇!! 夜晚, 就返去Brian 屋企食開年飯......

↓Feb 15----開個暖爐 (其實係溫哥華一啲都唔凍, 我哋想新年有溫暖氣氛, 所以, 開暖爐, 但其實我哋一邊開窗一邊開暖爐)0

↓Brian 屋企的開年飯, Brian's 媽咪做指揮, 煮就係servant 煮0

↓食完開年飯, 去賭場玩兩手, 順道行下0

Feb 16
   都係因為奧運, 朝早係屋企看冬奧, 適逢溫哥華啲 HD BOX 特價, Brian即刻買咗一個比他Daddy 部電視, Brian 快手快腳安裝埋, ......就係咁. 今次, 冬奧係用HD睇.

    夜晚, Brian's daddy 煮西餐, 同開酒飲, 最開心係屋企飲酒, 因為飲幾多都可以, 唔洗怕要查車!!  所以, 我哋(我, Brian and Brian' parents) 四個人飲了兩支酒.

↓Brian's daddy 煮嘅西餐, 仲有要透定氣嘅紅酒0

↓由於, Brian's daddy 去屋企地庫揀酒飲, 所以, 去咗Brian's daddy 個酒櫃, 嘩!! 好多酒呀!! 個酒櫃, 雪住啲酒全部都係Uncle 啲珍葳, 有啲紅酒仲出自1986 年﹐連Chateau Lafite rothschild 都有呀!!!! 但依啲酒, 仲要放多陣才飲得!!0

↓我哋去到溫哥華都飲Starbucks0

↓Feb 17-----Brian's Daddy 提議去睇戲, 見阿凡特還未落畫, 便一齊去睇戲, 睇3D.帶住3D 眼鏡嘅我哋!!0

↓好喜歡係溫哥華可以望到山.....望到個山日日都唔同. 有時好多白色, 有時就無咩白色 (雪), 開窗望到有山無咁悶. 係多倫多想見下座山都難. 0

Feb 18----走喇!! 要由溫哥華返多倫多喇!! 超級唔捨得溫哥華嘅一切, 我依兩次走都喊咗出黎, 每次係機場臨入閘. Brian's parents 都會比一個big hug 我架!! 攬到好實, 我眼淺一攬就喊.

↓溫哥華機場0

↓臨入閘見到好多冬奧嘅野, 又見到冬奧贊助飲品嘅polar bear0

↓今次, 坐Westjet 航班.....好準時.......到多倫多!!0

***Brian's mommy 知我時常手,腳凍, 指揮servant煲了湯給我飲, 碗湯啲藥材好足料. 聽到啲藥材名...實知係女士湯!!! 而且, 每次, 一到溫哥華便有拖鞋等住我着, 真係連slipper 都幫我準備埋, 所以, 我哋四個, 係屋企時, 係着住同款拖鞋一齊食早餐, 一齊睇電視架! 依啲舉動令我特別touching!!! 所以, 依兩次離開溫哥華....會更加唔捨得!!