Ice Fest

February 21, 2010 (Sunday)

  早在Feb 18 星期四, 已經返咗黎多倫多, 其實, 好想係溫哥華玩埋個weekend 先返黎架!! 但Brian 好多工事要做!! 所以, 早一點返黎多倫多......辛勤工作.

   早點返黎多倫多都好, 可以有個weekend 休息下!! 雖然, 溫哥華同多倫多有3個鐘頭嘅時差!! 但唔好睇少3個鐘, 要較返自己個身理時鐘, 都幾辛苦!!! 例如, 係多倫多8am 起身, 即係溫哥華零晨5am 喎!! 所以, 頭幾日係多倫多都幾檬下檬下!!

   見weekend 可以同Brian 靜靜咁過, 便唔理什麼時間, 想食先出街食!! 所以, 去了食上海野, 唔知係咪有一段時間無食上海野, 大家真係咩都叫一餐, 叫到我哋張二人台都無位放食物.....但最後又食得晒喎!! 哈哈!! 之後, 仲去咗飲野添!!!

↓食上海野0

   而下星期, 三妹生日,..........Brian 就特別錫三妹架喇!! 所以, 便趁依個weekend 得閒就出外買埋生日禮物. 準備下星期送比三妹囉!!  買生日禮物途中, 見到有冰雕展, 便行去望望囉!! 

   年年都係差唔多依個時間有冰雕展, 但年年都會不經意影到!!! 不過, 我覺得今年啲冰雕好似無舊年咁多!!! 啲冰雕展品好似細咗好多!! 唔通天氣暖咗, 啲冰溶咗啲?? 哈哈!!

↓冰雕展  0

    唔知點解屋企隔離座酒店, 會無啦啦有棵閃閃亮亮嘅樹係門口, 係聖誕節都唔多覺依間酒店有啲燈飾, 反而, 依家有棵閃亮樹係度!!! 見幾靚, 咪影下囉!!!

↓閃亮樹, 有銀燈閃下閃下, 但我部相機唔係好影到0

↓同棵閃亮樹影咗相0

   返到黎多倫多照樣鋪住個電視睇冬奧, 跟本都未轉個台, 日日都睇冬奧, 加拿大啲運動員攞獎, 我真係喊出黎架!! 因為, 加拿大政府真係唔太多資助比運動員架!! 所以, 有獎牌攞好勁架喇!!

    但係多倫多, 反而唔係好多人着住加拿大奧運衫喎!! 係溫哥華啲人, 真係去到邊都有人渣住國旗架!! 而且, 大部分溫哥華人都着住紅色 or 白色衫, or 印有加拿大字句啲衫出街, 但係多倫多比較少見!!!  不過, 溫哥華係加拿大嘅西岸, 多倫多係加拿大嘅東岸, 坐飛機都五個鐘先到啦!! 啲氣氛都沖淡咗啦!!

↓係多倫多百貨公司見到加拿大冬奧衫0