邊爐狂熱

February 3, 2010 (Wednesday)
    琴日放工時段, 無喇喇落起雪來, 但放工後, 要出外做點外快, 硬着頭皮, 都要和風雪同行. 係加拿大住, 最怕是下着雪渣車, 眼同心一定要好留神. 而且, 多倫多依邊地勢比較大, 需要渣長時間車才到達目的地, 所以, 係依邊渣車對我黎講, 一啲都唔enjoy!!!  但好感謝係.....我最後能夠賺到外快之餘, 仲能順利回家.....好安慰.   雖然, 回家後精神已經消盡了!!  但返到自己家, 永遠係最舒服!!

--------------------------------------------------------

     時常都好想早一點記低自己啲生活點滴, 以便將來自己細膩品賞自己啲生活細節. 但近來對寫blog 好像提不是起勁, 上咗yahoo blog, 會巡下人哋啲blog, 但到自己寫blog時, 又好像眼已經好攰, (籍口)......哈哈!! 到了今日才寫過去weekend 所發生嘅事.

January 29, 2010 (Friday)

     好凍, 好凍, 各大新聞, 傳媒地方, 都大事佈導多倫多嘅 "寒冷警告". 平時, 啲啲涼都話凍嘅我. 而家, 有寒冷警報, 真係出到街, 比寒風吹到頭都痛, 要時刻帶住頂冷帽先掂.

     辛苦咗成個星期, 東奔西跑, 每天忙碌着, 難得到Friday, 當然開心啦!! 原本, 咁凍諗住叫外賣食就算!  但黎緊星期六(Jan 30)邀請朋友到自己屋企hot pot, 點都要去中西超市準備嘅打邊爐嘅食材, 還掂都出街......便順便係街食dinner, 順道飲咗上咗癮嘅咖啡. 哈哈!!! 

    唔好以為極度寒冷, 會無咩人出街娛樂, 我哋去粥麵檔食dinner 都要等好耐先有野食, 去咖啡店, 要腳步快啲, 先霸到位坐......什至, 去Mall 行, 買野比Brian都要排好耐隊先買到. 多倫多人係唔怕凍, 定係多倫多越黎越多人呢??

↓渣車無耐....架車已經顯示-16.5 ℃喇!!!!  都未計風速......總之, 就係寒冷喇!!  而另外張相....就係我飲到上癮嘅咖啡. 仲有呀, 這間咖啡店出咗好多花款嘅cupcake, 都幾好特別架! 我仲見到好多人入咖啡店, 只係買件cupcake 外賣就走添!!! 0

---------------------------------------------------------
January 30, 2010 (Saturday)

     依日例牌遲起身喇!! 一起身都差唔多過咗早餐and 午飯時間喇!!

     嗱嗱臨梳洗, 去西人超市啲food court 食啲野, 順便再入啲濕聲野準備打邊爐......因為, 邀請咗三妹and 三妹男朋友夜晚黎我度hot pot. 係依啲極度寒冷天氣下打邊爐真係最適合. 就算三妹and 三妹男朋友唔黎我度, 我都同Brian 係屋企自己打邊爐喇!! 而家, 多啲人, 食物方法又可以多啲種類. 打邊爐打得更好玩喇!!

     有時, 都唔知點解, 三妹男朋友同Brian 真係好投契. 間唔中都會約下大家先安樂....哈哈!!  現在, 差唔多隔幾個星期, 大家都會諗啲野, 剩機聚一聚....有時, 我同Brian 返娘家又見到三妹男朋友....大家真係時時都見!!! 今次, hot pot party三妹男朋友and Brian 都係咁多野講,.....今次, hot pot party 都玩到成半夜4am

     每次, Hot pot or有咩聚會, 三妹男朋友都好識做架!! 實會帶啲相關嘅物品過黎, 最重要係大家都唔會跟跟計較. 所以, 大家每一次一齊聚會都玩得好開心, 快樂!! 好似今次, hot pot.....都係食咗幾個鐘, 其他時間都係傾下計, 玩下啤牌, 落樓下飲下咖啡.....聽落去好簡單嘅節目. 但我哋四個已經玩得好開心!! 相信依啲就係大家節奏相同 and 大家嘅默契了

↓在西式超市買咗個東歐午餐.....係Potato dumpling(Perogies) with Spinach.0

↓hot pot party........個爐啲野食,幾大堆頭.....哈哈!!0

--------------------------------------------------------------January 31, 2010 (Sunday)

   琴日(Jan 30) 玩到好夜........起身時, 又食唔到早餐!!! 但起身無耐, 出街賺外快, 之後, 再去麥當當買啲野食!!

   到夜晚再戰打邊爐, 由於, 買得太多邊爐食材了!! 雖然, 得我同Brian, 都照打多次邊爐, 順便清雪櫃。

   唔知我係咪食襯邊爐都落好多漿料, (偏鹽).......所以, 每次邊爐完都喜歡食返啲甜品野中和.....係屋企食甜品, 雪糕就最好不過. 我仲買咗麥當當S'more pie (朱古力棉花糖批)同雪糕一齊食添!!
  
   但連續兩天打邊爐, 係就食到成身暖淋淋, 可惜,食到喉紗紗....朝早起身, 講野似男人....哈哈!! 要飲雪梨水潤一潤.

↓自己再打邊爐....飯後甜品(雪糕and S'more pie)0