真係估都估唔到, 自己用了幾天寫一篇blog, 還已經發表埋一整天, 竟然會全篇無晒, 好像人間蒸發咁!!! Yahoo blog, 我知你是免費, 但是都尊重我啲文章吧!! 我尊重你, 信任你才把自己的文章存放係度!!!
這篇文章我係重寫的!! 心裡雖是有點酸流流, 但是點都要記下自己係冬季開幕禮嘅感覺.....因為趁住自己還有啲記憶便記落黎, 遲啲我真係怕自己記得唔清楚, 你知啦!! 人嘅記憶唔會每天進步架嗎!!!
-------------------------------------------------------------------
我係冬季開幕禮前一晚, 都瞓得馬馬, 感覺自己個心有啲加速跳動, 可能興奮卦......哈哈!!
Feb 12, 2010自己期待咗好耐嘅冬季奧運開幕禮, 終於都可以置身現場感受下現場個氣氛, 雖然, 坐足四小時以上, 但一啲都無覺悶, 場面好熱鬧, 氣氛好高漲, 係現場睇, 真係可以用 '好震撼' 三個字去形容, 個氣氛完全唔同坐係電視邊睇架!! 在現場所有表演, 燈光, 跳台嘅變化, 一瞬間係眼前出現. 講真吖!! 我當晚對眼都幾唔得閒架!!!
做冬季奧運會觀眾, 除咗對眼唔得閒之餘, 對手都好唔得閒架!! 因為做冬奧觀眾要係不同時間, 便用大會安排嘅物品(有打鼓, 兩支不同色光嘅電筒)黎配合冬奧跳台嘅表演架!! 所以, 做奧運開幕觀眾都好似自己都有份表演, 好有親切感. 沿途我仲要影埋相添!! 真係好似忙足成晚!!!越睇越興奮!!
冬季奧運開幕禮之後, 我哋(我, Brian and Brian 父母), 相相去食日本晚飯, 在晚飯中, 我們還意酋未盡, 仲繼續講奧運開幕當中嘅細節, 連食完飯返屋企, 大家四個, 仲一齊坐係電視機旁邊, 再收看多次, 冬奧開幕禮嘅重播添! 互相再一次分享其中!
到我係溫哥華渡完假, 返番黎多倫多, 公司啲人問個假期情況, 講真, 啲同事問問放假情況, 都只想攪個開場白黎寒酸幾句, 但當同事得知, 去了溫哥華, 還能置身冬奧開幕禮當中, 個個都爭相問問, 我當中嘅細節, 佢哋仲好似興奮過我!! 哈哈!!
唔好話我買花讚花香吖!!! 加拿大冬季奧運開幕禮, 真係做得唔錯架喇!! 加拿大無咩歷史 (相比歐洲,亞洲,加拿大歷史真係好淺) 都能在開幕禮當日展示出加拿大特別嘅一面, 主題做得好好, 前後呼應架!! 而且, 加拿大政府啲金錢資源好有限架咋!! 都攪到開幕禮咁特別, 真係好難做架!! 攪得奧運, 唔止開幕禮, 其他配套設施, 真係做足晒!!! 所有場館都大把奧運指揮員, 你真係唔洗驚, 唔識路返屋企!!
我係加拿大居住了十年有多, 真係第二個decade 都黎緊!! 對依個領土唔多唔少產生咗啲啲咁多嘅感情! 所以, 今次冬季奧運能夠係自己熟識嘅領土舉辦, 真係好興奮架!! 加拿大運動員出場, 我真係有高聲歡呼着....
依幾日加拿大運動員不段有medal 攞我真係感動到流眼淚架!! 可能我眼淺
好像越講越遠..........看相吧!!
↓個開幕禮個show 開始喇!! 首先展示加拿大原住展圖案, 之後, 有四個巨人嘅物體出現, 代表歡迎四面八方嘅人到達加拿大領土. 而在觀眾位上, 就展示出唔同國家嘅旗幟0
↓開始唔同國家嘅運動傑兒出場, ....香港都有運動員參加冬奧(圈住啲人係香港運動員代表)0
↓最後出場, 當然係主辦國, 加拿大喇!!! 我哋做觀眾, 都打鼓支持呀!!0
↓冬奧開幕禮表演時, 係落雪架!! 加拿大係冬天成日都落雪架喇!! 但係室內點落雪呀!! 啲雪係紙黎架!! 0
↓觀眾啲藍, 綠燈光, 係營造北極光嘅效果, 在加拿大北面有好特別嘅動物Polar bear (冬天)0
↓綠草, 藍天, 高大樹林, 木材......(春夏天)0
↓楓葉, 係加拿大嘅代表喇!! (秋天) 見到連觀眾啲位都有楓葉架! 0
↓啲觀眾啲燈光, 我都有份.......而另外張相, 展示雪山活動, 啲人係吊住做滑雪動作架!!0
↓啲觀眾位展示出冬季奧運嘅運動0
↓雪山上慢慢地展示出溫哥華都市.....0
↓之後, 加拿大紅葉出現......冬季奧運就在此 0
↓最後, 有唱歌表演, 啲黃燈我都有份點着0
↓跳台中央展示加拿大溫哥華冬季奧運圖案, 之後, 最後火炬到場, 場館做到好似落雪咁架!!0
↓最後, 代表溫哥華冬季奧運火炬升上0
↓溫哥華冬季奧運火炬燃點着....代溫哥華2010 冬季奧運正式開始0
↓同溫哥華冬季奧運火炬影相0
↓好唔捨得都要走............0
*後記:
唔知點解, 越寫依篇blog, 自己成個人就越感觸, 我啲眼淚若忍若現, 好想流出黎呀!! 今個冬季奧運, 真係比咗好多難忘嘅記憶我, 好似上完一個課程咁
補祝恭喜發財...新年快樂 ...心想事成
ReplyDelete[版主回覆03/04/2010 07:14:00]心樂: 大家咁話.......新年快樂, 最緊要身體健康!!
嘩﹗這裡有好多珍貴的冬季奧運相片睇啊﹗朋友，多謝妳的無私分享﹗祝妳﹕生活愉快﹗
ReplyDelete[版主回覆03/04/2010 07:15:00]心雨: ~因為去咗冬奧現場做觀眾, 所以, 影咗好多相!! ~大家咁話, 新年快樂!! 生活愉快!
見到加拿大 攞medal，我都想喊呀!覺得d運動員好努力，訓練左咁耐，犧牲左好多野，尤其係琴晚睇Joannie Rochette(ice skating) 攞獎，我都睇到喊
ReplyDelete[版主回覆03/04/2010 07:14:00]Mui: Me too!! Joannie Rochette 個場我都有睇, 佢個日比賽, 我不段祈禱!! 因為佢背後個故事真係好感人! 佢好堅強呀!! 所以, 做運動員條路真係唔係太易. 好耕辛!! 而且, 我哋加拿大啲運動員好多都唔係全職運動員, 政府又唔夠多資助.....所以, 有獎牌攞, 真係好叻架啦!!
I think the atmosphere is totally different compare to most of us just watch from TV. What a good experience.
ReplyDeletebtw, how do u know when to use the drum and light? They will show on the rundown?
[版主回覆03/04/2010 08:10:00]小col: ~你講得岩呀!!! 係現場睇嘅氣氛, 係電視係完全感受唔到!! 我係現場坐足半日, 一啲都無覺悶, 要走時仲好唔捨得走添!! ~我係另一篇blog已經覆咗你, 我點知幾時用鼓......and light!! 因為開show前有禮儀大師教導嗎!!!
forgot to say Yahoo really need alot of improvement. I also lost some of the photos I uploaded and the stuff I wrote.......
ReplyDelete[版主回覆03/04/2010 08:11:00]小col: 係囉!! 而家upload 相, 成日都唔見咗啲相!! 不過. 依幾日yahoo blog 又好返啲!